f.D. eða e.D.?

Línur  eru að skýrast í íslenskum stjórnmálum. Stjórnarflokkarnir hafa enn meirihluta samkvæmt  Gallup. En Sjálfstæðisflokkurinn hefur 26 % þrátt fyrir allt.  Varla minnkar það úr þessu þegar efnahagsúrræði  stjórnarflokkanna  renna upp fyrir  kjósendum.

Sjálfstæðisflokkurinn ber ekki alla ábyrgð á bankahruninu. Hann ber ekki alla ábyrgð á vafasömum viðskiptum stórlaxanna í Kaupþingi, Icesave eða Edge og  Tortúla.   Hann ber ábyrgð, ásamt Jóni Baldvin og hans fólki , að hafa með EES skapað þær aðstæður sem leiddu þetta langa góðæri af sér. Hann ber auðvitað sinn þátt í  ábyrgð þess, að hafa ekki hindrað svo taumlausan vöxt stóru bankanna.   En honum er ekki einum að kenna um allt sem miður fór. Við tókum öll þátt í góðærinu og þenslunni. Það skulum við muna þega líðar að kosningum og allir þykjast Lilju kveðið hafa.

Í sögu  jafnaðarmanna virðast ávallt vera einhverjir  svo miklu jafnari en aðrir,  að menn eira ekki til lengdar  í  einum flokki.  Klofningar og sprengingar haf fylgt þessum jafnaðarflokkum eins og skugginn.   Samlyndið í forystusveit Samfylkingarinnar skartar líka sínu fegursta um þessar mundir.

 Ekki eirðu menn heldur lengi saman í  Frjálslynda flokknum.    Persónur virðast þar skipta meira máli en málefnin.    Flokksvitund er heldur ekki  ekki hin sterka hlið hinna samvizkfyllstu þingmanna.   Né  heldur muna menn það endalaust undir hvaða fána þeir gengu fram til kosninga eða hvaða flokkur studdi þá á þing. Það er bara eigin samviska sem stjórnar kjörnum fulltrúum fólksins. Hversvegna kjósum við þá listana ? 

Ég velti fyrir mér hvað getur sameinað   vinstrimenn landsins,  nú þegar höfuðandstæðingurinn   Davíð Oddsson,   hefur yfirgefið Seðlabankann  ?    Hvernig komast þeir af  í pólitík án þess að hafa slíkt sameiningartákn til að hnýta í ?    Davíð og Sjálfstæðisflokkurinn hefur til dæmis dugað núverandi formanni Samfylkingarinnar lengst á  pólitískum ferli hennar.    En allt hefur sinn tíma í pólitík og nú er  nýr og ferskur Jón Baldvin býðst til að leysa gömlu konuna af. En hún  er hvergi bangin og býður sig fram til forystu. 

Nýi norski  Seðlabankastjórinn tók  þó undir stefnu gömlu brottreknu bankastjóranna,   að styrkja krónuna okkar. Enda er það sú vörn  sem flestum kemur best,  bæði gagnvart verðtryggingu og verðbólgu. Við bjóðum þennan  frænda okkar því velkominn til starfa. Alveg er mér sama hvaða mál hann talar ef hugsunin er í lagi.      

En á þessum tímamótum í stjórnmálasögu Íslands ;   Eiga  vinstri menn ekki eftirleiðis að miða  pólitískt tímatal sitt  við  f.D.  eða e.D.(avíð) ?  

 

    

Athugasemdir

[Jón Steinar Ragnarsson, 28.2.2009 kl. 15:02]

Bendi þér á smá útekt hjá mér á læsi okkar á skoðanakannanir. Þú getur reiknað raunfylgi þessara flokka talsvert niður ef þú tekur inn það hlutfall, sem tók ekki afstöðu og eru ranglega sagðir hafa ekki svarað. Þetta er um helmingur þjóðarinnar.  Ég vænti þess að hann sé ekki ómarktækur eða hvað?

Skoðanakannanir eru varasamur pappír, sem má teygja og toga í ýmsar áttir til að blekkja fólk eða halda uppi áróðri.

[Kjartan Björgvinsson, 1.3.2009 kl. 02:09]

Ég held ekki að það eigi að skipta meginmáli í nánustu framtíð hvar í flokki menn standa. Nú er mikilvægt að gleyma öllum erjum og sameinast um að bygja nýja framtíð á Íslandi.

Það sagt, þá get ég ekki orða bundist um að þó ég standi Sjálfstæðisflokknum næst hugmyndafræðilega get ég ekki kosið flokk sem hefur sýnt þvílíkt siðleysi og foringjadýrkun að það á enga hliðstæðu nema í gömlum östantjaldslöndum og kambódeu.

M.b.k.

Kjartan Björgvinsson

[Kjartan Björgvinsson, 1.3.2009 kl. 02:10]

g hér er gið sem vantaðu áðan

KB

[Halldór Jónsson, 1.3.2009 kl. 13:03]

Sjálfstæðismenn standa yfirleitt þétt að baki formönnum sínum. Það þarf meiri hæfileika til að verða formaður í stórum flokki en litlum. Hrunið er ekki Sjálfstæðisflokknum að kenna einum.

 EES skapaði regluverkið sem útrásin byggðist á. Þær eru enn í gildi þó að þeim hafi verið vikið til hliðar með neyðarlögum og harðstjórn.

SJálfstæðisflokkurinn sem slíkur ber ekki ábyrgð á einstökum viðskiptum sem áttu sér stað fyrir hrunið frekar en Bush á Enron. Þessi röksemdafærsla þín heldur ekki vatni Kjartan. 

[Ragnar L Benediktsson, 4.3.2009 kl. 14:33]

Það voru Davíð og Halldór sem voru aðal arkitektar að bullinu. Forskriftina hefur Davíð trúlega fengið hjá þjófinum úr súpergaggó sem einnig var í bankaráði Seðlabankans. Það er ekki hægt að kenna EES samningnum um hvernig fór. Nær væri að skoða af hverju þau tól og tæki sem voru fyrir hendi voru ekki notuð. Það er fyrst og fremst á ábyrgð Sjálfstæðis- og Framsóknarflokks hvernig fór. Samfylkingin gerði þau regin mistök að taka við sullinu af Framsókn.