Ekki veiða þorskinn !

þeir segja mér að sjórinn sjóði úti fyrir Eyrabakka af GOLÞORSKI. Þeir megi bara ekki veiða hann því hann sé í geymslu til að byggja upp þorsktofninn ( líklega  fyrir hvalina sem bíða þarna fyrir utan).

 

Athugasemdir

[Árni Gunnarsson, 9.4.2009 kl. 22:57]

.......í geymslu til að byggja upp þorskstofninn!.. Þetta er hárrétt að orði komist hjá þér. Og maður fer að spyrja sig hvort þetta séu fremur börn en vísindamenn sem taka svona ákvarðanir. Eftir að fiskifræðingar Hafró fóru að sækja í sig veðrið við að vernda þorskstofninn sýnist mér þoskum hafa fjölgað meira á landi en í sjó.

[Halldór Jónsson, 9.4.2009 kl. 23:10]

Það er ekki þorsk að fá

-í þessum firði.

Þurru landi eru þeir á

-og einskis virði

[Gestur Gunnarsson , 10.4.2009 kl. 21:40]

Ef þessi fiskur er veiddur og settur á markað lækkar verðið og sú lækkun dregst frá hagnaði fyrirtækjana sem ráða yfir  kvótanum.  það er m.a. markmið kvótakerfisins. 

[Ómar Bjarki Smárason, 13.4.2009 kl. 07:53]

Ef ég man rétt þá hrygnir þorskurinn á Selvogsbanka eða nágrenni hans, sem er ekki langt undan Eyrarbakka. Enda rennur þarna til sjávar nær eina óbeislaða jökulá landsins með tilheyrandi næringarefnum fyrir þorskseiði á ákveðnu vaxtarskeiði seiðanna sem fer saman við vorflóð jökulánna.  Því er það bara hið besta mál að þarna undan landinu séu stórir þorskar sem væntanlega eru búnir að skila af sé afkvæmum til framtíðar, burséð frá allri kvótaumræðu, sem þorskar í sjó taka vissulega minni þátt í en þeir sem hafa þurrt land undir uggum!