Apaleikhúsið

 

Í kosningabaráttunni birtist manni hverskonar apaleikhús menn kölluðu yfir sig með því að fara að samþykkja það að stjórnmálaflokkar yrðu bókhaldsskyldir og skyldaðir til að gefa upp hverjir styrkja þá. Illu heilli lét Sjálfstæðisflokkurinn undan öfundarkommunum um þetta atriði, þar sem enginn með réttu ráði vill styrkja svoleiðis nöldurflokka en styðja þessvegna myndarlega við frjálslyndan , stóran og stoltan flokk eins og Sjálfstæðisflokkinn.

Nú birtast auglýsingar frá flokkunum í nafni einhverra huldusamtaka, sem enginn veit hver eru. Þarmeð er ekki hægt að sjá hverjir eru að styrkja viðkomandi flokk. Nú skiptir engu máli hvað menn eru að gefa upp, þetta er allt ekkert að marka. Svona er þetta alltaf þegar menn setja fíflalegar reglur, Þá er bara farið í kringum þær.

Stjórnmálaflokkur eru frjáls félagsamtök fólksins. Þeir eru hornsteinar samfélagsins þó að kommarnir reyni sífellt að koma því inn hjá fólki, að þó að þeirra flokkar séu góðir og litlir, þá sé Sjálfstæðisflokkurinn stór gróðrarstía spillingar og fjármálamisferlis.

Sönnun fékkst auðvitað þegar Baugur  fíflaði Sjálfstæðisflokkinn til að taka við peningum frá sér í gegnum FL-Group. Örugglega til þess eins að geta sprengt hann upp síðar. Þetta var ekki nema 10 % af mútunum sem hann var áður búinn að bjóða Davíð fyrir að halda kjafti. Sem hann hefði auðvitað líka svikið hvort sem var. En þarna tókst honum Baugi vel að koma höggi á þennan fjandmann sinn, Sjálfstæðisflokkinn. 

Stjórnmálaflokkar eiga að fá starfsstyrki frá ríkinu í hlutfalli við þingmannafjölda.  Það kemur engum við hvað þeir gera við þá.  Þar fyrir utan kemur engum rekstur þeirra við.  Þetta er einkamál á milli flokksmannsins, styrktaraðilans  og flokksins. Það er mikið að menn heimta ekki bókhald af saumaklúbbum  landsins.

Þessar upplýsingakröfur á Sjálfstæðisflokkinn  sérstaklega ,er ekkert annað en ofstjórnarárátta öfundarkommanna, sem aldrei geta séð neinum ganga betur en þeim sjálfum.  Þetta sést best þegar engum finnst neitt að því ef Samfylkingin stingur undan milljón og milljón frá Atlansolíu eða öðrum fyrirtækjum. Það er bara fráttnæmt ef íhaldið tekur við "mútum"  frá Baugi.

Þetta með upplýsingaskyldu stjórnmálaflokkanna er allt  bara dæmigert apaleikhús fyrir kommana í mínum augum.

Athugasemdir

[Snæbjörn Björnsson Birnir, 21.4.2009 kl. 18:31]

Það var nú aldeilis hvað maðurinn er geðvondur í dag! Var það vitlaus löpp sem fór fyrst framúr rúminu í morgun???

Ef saumaklúbbar landsins væru við völd, fyndist mér sjálfsagt að þeir gæfu upp alla sína styrki. Hvort sem það er frá honum "Baug" eða öðrum! Og ef FLokkurinn er svo vitlaus að láta hann "Baug" "fífla" sig á þennan hátt, þá er spurning hvort hann (FLokkurinn) sé ekki algerlega vanhæfur um að halda um fjármál heillar þjóðar!!!??

[Halldór Jónsson, 21.4.2009 kl. 22:41]

Aldeilis gáfaðir kommatittir !

[Davíð Löve., 21.4.2009 kl. 22:49]

Siðferðið skín í gegn. Svei mér þá.

[Valsól (IP-tala skráð) 22.4.2009 kl. 01:00]

Ég held þú ættir að lesa bókina ,,Sofandi að feigðarósi" þar sem farið er yfir ástæðu þess að efnahagskerfi þjóðarinnar fór á hausinn og hverjum það er að kenna. Þarna er innanbúðarmaður úr Sjálfstæðisflokknum og fyrrverandi aðstoðarmaður sjálfs Davíðs Oddssonar sem skrifar um hvernig Davíð og Sjálfstæðisflokkurinn er stærsti sökudólgur efnahagshrunsins. En samt ætlar þú að verðlauna þessa sðillta flokk með atkvæði þínu núna í kosningunum. Hvernig getur fólk sem vill láta líta á sig sem heiðarlegt fólk, lagt lag sitt við slíkan flokk?

[Valsól (IP-tala skráð) 22.4.2009 kl. 01:02]

Já gleymdi að segja það, Sjálfstæðisflokkurinn er eini eftirlifandi fasistaflokkurinn á vesturlöndum. Flokksmenn gera skoðanir forystunnar að sínum og skiptir þá engu máli hversu arfa vitlausar þær eru, menn tyggja sömu steypuna hver eftir öðrum í fasistaflokk Íslands, Sjálfstæðisflokknum!

[Halldór Jónsson, 22.4.2009 kl. 08:35]

Ja hérna Valsól. Þvílíkur gáfnastrumpur og sérfræðingur í Sjálfstæðisflokknum !

Annars eru víst allir íslenzkir stjórnmálaflokkar skipulagðir eftir módeli frá Adolfi heitnum. Þetta virkar hinsvegar öfugt hérna, að forystan er nauðbeygð til að fara efir skoðunm flokksmanna.

En þú átt  kannske betur með að skilja hugsanagang þeirra sem synda fyrir neðan bátinn þinn heldur en flokkstarf Sjálfstæðisflokksins. Svo dregur hver dám að sínum sessunaut.

[ibh, 22.4.2009 kl. 13:16]

það er algerlega ljóst að hér fer fréttastofa stöðvar 2 fram með svívirðilegum hætti ekkert staðfest engin nöfn né neitt.

Fólk á að spurja sig, hver er tilgangurinn með því að koma fram með svona fréttaflutning rétt fyrir kosningar?

Hvar er hin raunverulega spilling?

Allt óstaðfest og ónafngreint og ekki víst að neitt ólöglegt hafi átt sér stað.  Hvað gengur fréttastjóra stöðvar 2 til? 

[Ómar Bjarki Smárason, 22.4.2009 kl. 16:11]

Hver ætli sé nú spilltari, stjórnálaflokkur sem færi 30 mkr í styrk eða þingmannsefni sem fær 2 mkr frá stórfyrirtæki....og segir ekki frá því....?  Kannski klerkurinn í Þorlákshöfn hafi svar við því.

[Halldór Jónsson, 23.4.2009 kl. 14:36]

Sæll vinur og félagi Ómar Bjarki

Ertu enn í Ástrallalíu ? 

Það var ekki talað um magn þegar spurt var hver væri munurinn á kú. og sk...

Hver var það  sem sagði að eitt morð væri hræðilegt en milljón morð bara tölfræði ?

Fréttastofa Stöðvar 2 og þar með fréttir alls Baugsveldisins eru einstakar.

Fyrst birti hinn pólitíski ritstjóri, Heiðar Már(áður fjármálastjóri hjá Samfylkingunni) frétt sem segir að samkvæmt heimildum Stöðvar 2 sem eru ekki frekar tilgreindar, þá hafi Sjálfstæðismenn og Vilhjálmur Vilhjálmsson staðið í spillingarmálum í sambandi við REI. Næsta dag segir í Fréttablaðinu að í fréttum Stöðvar 2 hafi verið greint frá þessum spillingarmálum. Þar er Gróusagan , sönn eða login skiptir ekki lengur máli, orðin að frétt á Stöð 2.

Þannig vinnur þetta gengi allt skipulega í að útbreiða áróður sem beinist gegn höfuðandstæðingi veldisins. Jón Ásgeir símar svo frá New York og hefur hvergi nálægt komið. Og ekki spara fréttamennirnir  á RÚV sig í því að greina frá styrkjum til  Sjálfstæðisþingmanna en tala helst ekkert  um aðra þingmenn. Það er ekki furða þó Sjálfstæðisflokknum gangi illa að bera hönd fyrir höfuð sér í slíkri hríð sem á honum bylur.  

[Ómar Bjarki Smárason, 24.4.2009 kl. 18:26]

Er að fara í loftið eftir tæpa 4 tíma frá Perth til Dubai. Þetta er bara 11 tíma flug!  Kem síðan heim á mánudagskvöld. Annars verð ég nú eiginlega að segja að það er ágætt að standa svolitið til hliðar við íslensku pólitíkina þessa dagana og vera svona stikk frí. Ég gat ekki kosið áður en ég fór og svo hef ég verið "utan þjónustusvæðis" síðan. Spurning hvort ég get ekki fengið þig til að kjósa fyrir mig þar sem við erum svo nauðalíkir, báðir hávaxnir og myndarlegir!

[Halldór Jónsson, 25.4.2009 kl. 19:49]

Já Ómar Bjarki, báðir Hmyndarlegir og Cnígáfaðir! Ég redda þessu fyrir okkur eins og venjulega !Gott flug