Fundur um málefni sparisjóða !

Áríðandi fundur um málefni stofnfjáreigenda sparisjóða verður haldinn á Grand Hotel kl 20.00 á morgun, miðvikudaginn  27 maí 2009. Ráðgert er að stofna samtök til að verja hagsmuni stofnfjáreigenda gegn áformum ríkisins um yfirtöku sparisjóða. Ennfremur að gæta hagsmuna þeirra fjölmörgu  sem létu tilleiðast að kaupa stofnfé í BYR á lánum í Glitni sem nú er ríkisbankinn Íslandsbanki. Nú eru gjalddagar á bréfunum hinn 20 júní og þá óttast menn að gengið verði hart eftir greiðslum eftirstöðva og einstaklingar geti átt von a því að verða gerðir gjaldþrota í framhaldi af því. Engir kaupendur að bréfunum  finnast um þesar mundir og nú eru góð ráð dýr.

Mér var bent á aldraða konu í Sundlaugunum í morgun. Hún var sögð skulda 18 milljónir vegna þess að hún var yfirtöluð til að kaupa stofnfé fyrir börnin sín. Henni skildist að Það yrði henni útlátalaust og skrifaði undir. Nú verður hún kannski gjaldþrota og lendir hugsanlega á götunni.  Því stjórnin í BYR tapaði öllu stofnfénu í ótryggð útlán. Líklega til sjálfrar sín eða tengdra aðila. Ttók sér síðan sjálf peninga úr kassanum til þess að losa sín bréf út með brögðum á genginu 1.6 meðan við hin sitjum uppi með óseljanleg bréf og skuldir vegna kaupanna. 

Auk þess er ekki annað að sjá en að þeir hafi beitt  kosningasvikum til þess að tryggja sér meirihluta í stjórninni áfram á aðalfundinum 13.maí s.l. Bæði  Fjármálaeftirlitið og Lögreglan virðast kæra sig kollótta um greinargerðir vegna málsatvika. 

Það er því þýðingarmikið að stofnfjáreigendur sparisjóða, líka þeir sem eru búnir að tapa sínu í SPRON og hinir sem enn hanga, mæti á þennan fund til að reyna að verjast því að allt verði gert að engu. Það breytir litlu í margra augum þá að viðskiptaráðherra tali fjálglega um sparisjóðina um leið og hann boðar innkomu ríkisins í hóp stofnfjáreigenda. Sá sósíalismi mun aldrei ganga upp.

Annað hvort eða !

Athugasemdir

[Sigurður Þórðarson, 27.5.2009 kl. 07:00]

Það er búið að viðgangast mikið svínarí hér undanfarin ár og siðvæðingin er yfirborðskennd.

[Jakob Þór Haraldsson, 27.5.2009 kl. 17:16]

Byr er SORGARSAGA tengt siðblindum einstaklingum sem rygsuguðu út pening úr þeim banka - forhertir glæpamenn í mínum huga sem haga sér eins og þessir 3-5 nýju eigendur Byr´s - þeir verða örugglega látnir sæta ábyrgð á sínum gjörningum...!

kv. Heilbrigð skynsemi

[Halldór Jónsson, 27.5.2009 kl. 23:27]

Takk fyrir Sigurður, sammála því miður.

Jakob, takk fyrir síðast í kvöld, þetta var fínn fundur og fór framúr mínum vonum.

[Halldór Jónsson, 28.5.2009 kl. 07:58]

Fundurinn var haldinn í gærkvöldi og var fjölsóttur þrátt fyrir góðviðrið og fótboltann, á sjöunda tig manna mætti. Fjörugar umræður urðu og mikill áhugi fundarmanna á málefnum sparisjóða kom fram.

Landssamtök velunnara sparisjóða voru stofnuð og verður framhaldsaðalfundur haldinn á næstunni.

[Ómar Bjarki Smárason, 30.5.2009 kl. 13:08]

Það er nauðsynlegt að halda vel utan um sparisjóðina og best væri nú ef heiðvirt fólk tæki höndum saman um að hafa sitt fé í traustum sparisjóðum sem auðvisum framtíðarinnar verður haldið fjarri.  Spurning um að setja fyrirbyggjandi auðvisunarlög....?