Þambaravambaraþamberí ?

Hversvegna stöndum við  Íslendingar svona og vælum yfir vonsku "vinaþjóðanna í ESB " sem taka höndum saman við AGS um að kúga Alþingi okkar til hlýðni og skrifa undir Icesave ?

Af hverju sendum við ekki okkar mesta fjármálaséní, -kommúnistann Svavar Gestsson-,  til kínverskra flokksbræðra sinna. og biðjum um lán fyrir Ísland ?

Svona þúsund milljarða dollara í fyrsta umgangi.

Öll okkar vandræði leyst á einum stað. Þurfum ekki að væla í Nojurum eða Svíum-,  hvað þá AGS.  Allir ríkisbankar okkar með pening. Nóg til að lána Landsvirkjun. Nóg til að koma okkur í gang.

Hendum þessum liði frá AGS út og norska stráknum úr Seðlabankanum á eftir þeim.  Hann sveik okkur um að styrkja gengið, sem var það eina sem hann lofaði. Af með hann. 

Þessir peningar eru til. Svavar er hérna.  Kínverjar eru þarna. Af hverju ekki að gá hvort þeir vilja ekki gera eitthvað annað við dollarafjallið sitt en að byggja tóma turna eins og við niður í Borgartúni ?

Og svo gæti hann heimsótt Pútín keisara í heimleiðinni. Rifjað upp landslag og leiðir í A-Þýzkalandi þar sem þeir þekktu vel til báðir í gamla daga.   Hver veit nema við getum fengið olíu fyrir fisk ?

Af hverju ekki að prófa eitthvað annað en þetta sífellda þambaravambaþamberí ?

Athugasemdir

[Jón Valur Jensson, 30.7.2009 kl. 00:25]

Við myndum ALDREI nota Svavar til eins né neins, áttaðu þig á því.

[Halldór Jónsson, 30.7.2009 kl. 00:25]

P.S. Látum þá svo koma og tala við okkur uim þetta Icesave !. Ef þeir þora !

[Halldór Jónsson, 30.7.2009 kl. 00:26]

Hvaða vantrú er í þér Jón Valur, þú verður að kunna að spila á spilin !

[Jón Valur Jensson, 30.7.2009 kl. 00:32]

Mér sýnist þú bara farinn að paníkera. Kannski eins og þessi Svavar í samninganefndinni (og Jóka og Steingrímur í Stjórnarráðinu), þrátt fyrir stærilætisbraginn gagnvart okkur, þjóðinni.

[Ómar Bjarki Smárason, 30.7.2009 kl. 00:47]

Kannski við ættum líka að fá Kínverskt réttarfar lánað til að finna fljótt og vel hverjir eru sekir í "hruninu".... fá kínverja til að rétta yfir þeim sem ekki sýna góðan samstarfsvilja í þessum málum og játa sínar sakir fljótt og vel..... tilhugsunin um kínverskt réttarfar og refsingu ætti að hressa upp á minni manna og þá fengjum við kannski fúlgur fjár sem komið hefur undan til baka til landsins.... einhvers staðar hljóta allir þeir milljarðar sem stolið var af þjóðinni að liggja.... Þessir 200 og eitthvað milljarðar sem lagðir eru á í formi skatta blikna í samanburði við ICESAVE og þær fjárhæðir sem auðvisarnir hafa verið að stinga undan. Ef við næðum einhverju af þessu gæti íslensku almenningur nánast verið skattlaus. Það tekur því varla að innheimta þessa fáu milljarða sem tæpast duga fyrir rekstri ríkisskattsstjóraembættisins, innheimtustofnana og skattaeftirlits!

En það er eitt varðandi öll þessi lán sem við virðumst þurfa að fá. Eru þau ekki bara til þess að auðvisarnir hafi aðgang að fé til að flytja úr landi? Með minnkandi innflutningi bíla og ýmiss lúxusvarnings verður viðskiptajöfnuður við útlönd hagstæður og við ættum ekki að þurfa á svo miklu lánsfé að halda, eða hvað? Ekki nema til að greiða niður einhverjar skuldir, en í fjármálaráðherratíð Geirs H. Haarde vorum við orðin nær skuldlaus þjóð, eða það var okkur amk sagt.... Kannski var ekkert að marka það frekar en svo margt annað sem okkur hefur verið sagt....?

[Kristbjörn Árnason, 30.7.2009 kl. 08:51]

• Þetta er ljóti aumingjavællinn. Icesave málið er í höndum Alþingis og það er Alþingis að afgreiða málið.

• Þeir verða nú ekki í vandræðum með að leysa þetta flokksbræður ykkar sem á Alþingi sitja og komu þjóðinni í þennan forarpitt.

• Þeir geta fengir Svavar lánaðann mín vegna. Reyndar er Svavar maður gærdagsins.

[Bjarni Kjartansson, 30.7.2009 kl. 13:18]

Menn á borð við Kristbjörn Árna skilja ekki í hvaða umhverfi stjórnvöld voru (og eru í raun enn).  EES reglur banna að Seðlabani HEFTI FJÓRFRELSIÐ.

Fjórfrelsið krefst fórna svo sem atvinnuleysis og aflagnar allra reglna umfram ESB reglur um frelsi fjármuna og lántaka, flutning fyrirtækja (aðallega FRÁ Íslandi) og hugmynda.

Við vorum sekir, að hafa ekki erindi sem erfiði að vinna GEGN EES samningunum, við töpuðum orrustunni um Tvíhliða viðræður versus inngöngu í EES.

Segjum okkur úr lögum við Breta, Hollendinga og segjum okkur FRÁ EES.

Heimurinn er stór, ógnarstór og  markaðir eru fyrir allt sem við gætum hugsanlega framleitt, víðsvegar um þennan víðfeðma heim.

Bara NY búar éta meira árlega en við gætum hugsanlega framleitt.

Verð er gott þar og ekkert að vanbúnaði að sækja djarflega þar inn.  Verðum að leysa upp LÍjúgara-samtökin og liðka til með beint frá bónda kerfinu svo að stóru sláturhúsin steli ekki öllum virðisauka af umsjón og umsýslu.

Nóg í bili

Mibbó

flugdellukarl en andstæðingur vitleysu á borð við Flugvöllinn í Vatnsmýrinni. :-)

[Jóhannes Birgir Jensson, 30.7.2009 kl. 13:33]

Bjarni, íslensk stjórnvöld og íslenskar stofnanir höfðu allan lagalegan rétt til þess að kæfa IceSave bæði í fæðingu og eftir en gerðu það ekki.

EES opnaði dyrnar en það var í valdi íslenskra stjórnvalda að krefjast skilyrða fyrir að nota þær og neita þeim sem ekki var treystandi.

Þetta var ekki gert. EES-samningurinn er ekki það sem klikkaði.

[Bjarni Kjartansson, 30.7.2009 kl. 14:34]

Ekki eru nú allir á einu máli um þetta.

1.  Allskonar reglur voru kærðar til ESB sem sneru að fjármagnsflutningum.

2.  Íbúðalánasjóður var kærður í þrígang og reglur þar að lútandi.

3.  Þegar Seðlabankinn setti á bindiskyldu með millifærslum milli landa og útibúa bankana voru þessar reglur umsvifalaust kærðar og gekk það hratt og hindrunarlaust að fá úrskurð í þessum klögumálum og ríkið krafið að standa við Fjórfrelsið.  Þa´klikkaði þáverandi aðalhagfræðingur Seðlabankans og tók skylduna ALVEG AF .

 4.  Allskonar regluverk um flutning fyrirtækja, höfuðstöðva og reksturs dótturfélaga voru kærð og klöguð.  Niðurstaða ESB var ÆTÍÐ sú sama, Stjórnvaldi í ríkjum undir EES væri ÓHEIMILT að hefta flutning fyrirtækja milli landa.

5.  Danskir hugðust kæra útrásarfyrirtæki Baugs og fl en fengu ekki rönd við ráðið, þar sem EES reglur vernduðu þau fyrir íþyngjandi og heftandi sérreglum ESB landa.  Í því tilfelli voru Dönum gert að rýmka sínar reglur.

6. Vegna 4. liðar settust FME Ísl og Bretlands á rökstóla um reikninga í ísl bönkum og þeirra útibúum.  Við það tækifæri var skrifað upp samkomulag (letter of agreement and intent ) eða eitthvað sem hefur ígildi bindandi samkomulags um, að EKKI VÆRU NEINAR ÁBYRGÐIR UMFRAM tiltekna fjárhæð tryggingasjóðs innistæðna á þessum reikningum og að EKKI VÆRI UM RÍKISÁBYRGÐ AÐ RÆÐA.

Þetta ákvæði var SÉRSTAKLEGA TILTEKIÐ AÐ SKULI FALLA ÚT Í ÞESSUM NAUÐASAMNINGUM SEM  fyrrum SINE gaur og núverandi sendiherra skrifaði undir --EKKI grátandi, heldur skellihlæjandi og sáttur við sinn þá tt þar í .

vinsamlega kíktu á tímalínur og ekki vera undir áhrifum af fólki sem er með Davíðs-duld á sinni.  Ekki trúa heldur Baugsmiðlum eða RUV sem er haldið verulegum sannlekshalla (svipað og lýðræðishalli)í átt til Samfylkingar og aðildar að ESB.

Nóg í bili

Takk fyrir plássið minn kæri flugdellukarl

Mibbó

[Björn Emilsson, 30.7.2009 kl. 18:24]

Ég heyrði útundnan mér að kínverjarnir hefðu áhuga á samskiptum við Island í þeim tilgangi að komast bakaleiðina inná Evrópusambandið, með viðskipti. Svo, því ekki tala við þá, blessaða.

[Sigurður Þórðarson, 30.7.2009 kl. 21:38]

Björn við getum ekki gert neina samninga við Kínverja eða aðra ef við lendum í ESB

[Kristbjörn Árnason, 31.7.2009 kl. 00:25]

• Ég vil bara segja Bjarna  miðbæjarkút. Það er rétt að ég er fæddur og uppalinn í Miðbænum en síðan þroskaðist upp úr því. Er nú löngu fluttur.

• Þú mátt fara með þessa þulu þína fram í andlátið og hún hefur bara enga þýðingu nú. 

• Það sem skiptir máli nú, er að við íslendingar hysjum upp um okkur leysum þetta mál innan nokkurra daga. Þetta er búið að velkjast allt og lengi í hreinni taugaveiklun.

Síðan látum við sagnfæðinganna fara yfir málið.

[Björn Emilsson, 31.7.2009 kl. 03:12]

Sigurður, satt segirðu. Það er með ólikindum að nokkur islendingur vilji selja frelsi sitt og gangast Þjóðverjum á hönd. Gefa allt burt sem barist hefur verið fyrir í 1000 ár.

Hér í minni sveit er litið á hina islensku þjóð með virðingu og aðdáun, af háum sem lágum. Núverandi erfiðleikar íslendinga séu að völdum heimskreppu og lélegu eða engu eftirliti ríkisins. Ekki hótinu betra en hér í USA.

Í viðtalsþætti rikisútvarpsins - PBS - var rætt við íslending um aðild Islands að ESB. Islendingur þessi sagði Island eiga heima í Evrópu og ætti að halda sig þar. Þetta fannst spyrjanda einkennilegt. Hvernig gat það hagnast Islandi, sjalfstæðri velmegnandi þjóð, að tengjast þjóðarbandalagi 27 þjóða hver talandi eigið tungmál, með ólíka menningu og fjárhag Bragð er að þá barnið finnur.

Þess má geta hér að Svíar voru einir frjálsa þjóða heims sem studdu nazista í seinni heimstyrjóldinni. Seldu þeim vopn, sigldu undir fölsku flaggi hlutleysis. Þetta eru mennirnir sem eiga vera svo góðir til að koma Íslandi í ESB. Samböndin hafa ekkert rofnað, greinilega.

Ég heyri ekkert nema gott eitt sagt um Island. Þar búi háþróuð menningarþjöð, sagnaþula og lista. Vinir mínir hjá Boeing sögðu íslendinga einhverja bestu viðskiptamenn sína, hvað varðar tæknikunnáttu og áreiðanleika.

Mikil og jákvæð umræða í blöðum og öðrum fjölmiðlum, er og hefur verið um flug Flugleiða til Seattle. Löngu tímabær flugleið, sem sést best á því að uppselt er marga mánuði .

fram í tímann.

Stjórnvöld hér dást framlagi islendinga á sviði jarðvarmaorku . Ætla því til staðfestingar að senda Forseta sinn til Islands .

Eigi skal ljúka skrifum að ekki sé minnst á hvað blessað kvenfólkið sé fallegt á Íslandi. Allir þekkja jú Björk og dást að henni. Þetta gildir reyndar um alla um hina íslensku þjóð,karla sem konur, þjóð sem lætur ekki bugast af tímabundnum erfiðleikum, utanaðkomandi afla.

[Halldór Jónsson, 31.7.2009 kl. 08:20]

Ja hérna Björn

"

Í viðtalsþætti ríkisútvarpsins - PBS - var rætt við íslending um aðild Island að ESB. Íslendingur þessi sagði Island eiga heima í Evrópu og ætti að halda sig þar. Þetta fannst spyrjanda einkennilegt. Hvernig gat það hagnast Íslandi..."

Hugsaðu þér að hér halda kratarnir og EBE sinnarnir því fram að Íslendingar eigi heima í Evrópu.

Hvað með jafnstóra íslenzka þjóð sem býr í N-Dakota og Kanada og auðvitað víðar í Ameríku ?;miklu fleiri en þeir landar sem búa í Evrópu.

Hvernig getur þetta fólk haldið þessu bulli fram endalaust.

Nú sjáum við fram á tengslin þangað þegar þeir allir sameinast um að kúga okkur til að leggjast í fátækt sem þjóð vegna starfsemi íslenzkra glæpamanna í Evrópulöndum.