Sjálfstæðisflokkurinn er vonin!

Bjarni Benediktsson var á fjölmennum fundi Sjálfstæðismanna í Kópavogi í morgun.

Bjarni  fór yfir stöðu mála hjá ríkisstjórninni, sem engin önnur úrræði hefði önnur en að hækka beina skatta og þóknast AGS með því að samþykkja allar kröfur Hollendinga og Breta og beita niðurskurði í ríkisrekstrinum sem myndi leiða til mun meira atvinnuleysis en nú væri framundan.Ríkisstjórnin virðist samstíga um að hindra alla uppbyggingu orkufreks iðnaðar. Alcoa sem hafði boðist til að kaupa alla orku sem landsmenn gætu framleitt á Þeystareykjasvæðinu auk þess að bjóðast til að falla frá kaupum ef ríkisstjórnin hefði aðra kaupendur til annars en álframleiðslu, hefur ríkistjórnin flæmt í burtu. Með þetta að bakhjarli hefðu Íslendingar geta ráðist í virkjanir. Þessu hefði ríkisstjórnin vísað frá.Sjálfstæðisflokkurinn hefur boðað lausnir á fjárlagahallanum með öðrum leiðum en hækka beina skatta. Á þetta væri ekki hlustað enn sem komið væri. Sjálfstæðisflokkurinn teldi grundvallarforsendu endurreisnar vera þá, að koma hjólum atvinulífsins á stað á nýjan leik. Án þess að efla erlenda fjárfestingu og almennt atvinnulíf í landinu til útrýmingar atvinnuleysinu  yrði leiðin útúr kreppunni mun lengri. Bjarni svaraði gagnrýni fundarmanna á það, að Sjálfstæðisflokkurinn hefði ekki látið nægilega á sér bera að undanförnu. Hann benti á að Sjálfstæðisflokkurinn hefur aukið hlut sinn í skoðanakönnunum  úr 25 % í 30 % frá kosningum. Þetta er 20 % fylgisaukning á skömmum tíma. Flokkurinn hefur auðvitað ekki enn náð sinum fyrri styrk. En vöxturinn  er  jafn og stöðugur  og málefnastarfið myndi skila árangri fyrr en varir. Þjóðin mun sjá að þörf er á sjónarmiðum Sjálfstæðisflokksins við úrlausn vandamálanna. Án þeirra verður leiðin í gegnum kreppuna mun lengri en annars.

Bjarni var spurður um álits á fregnum Framsóknarmanna um að stórfé gæti verið í boði hjá Norðmönnum til láns fyrir Íslendinga. Hann sagði telja að þetta væri því miður ekki eins raunhæft og  sagt hefði verið.  

Landsmenn þyrftu líka að spyrja sig að því, hversu mikil lán væri skynsamlegt að taka og til hvers. Röksemdir ríkisstjórnarinnar fyrir risavaxinni lánsfjárþörf væru ekki endilega réttar.Hér væri nú hagstæður viðskiptajöfnuður. Til lengri tíma  myndi það skipta öllu máli fyrir stöðu landsins í heiminum hvort Íslendingar væru að framleiða verðmæti í landi sínu, hvort hér væri heilbrigð atvinnustarfsemi eða allt í kaldakoli og hátt atvinnuleysi. Bjarni taldi nauðsynlegt að endurskoða afstöðuna til AGS og spyrja sig hverra hagsmuna stofnunin væri að gæta.Boðaður hefur verið nýr skattur á hvert framleitt kílówatt framleitt  í landinu. Þetta er ekki hvetjandi til þess að fá nýja orkukaupendur til landsins. Ekkert væri gert til þess að hleypa nýju erlendu fjármagni inn í landið án þess að læsa það inni í sama búri og gömlu krónubréfin væru í vegna gjaldeyrishaftanna. 

Bjarni svaraði fjölda fyrirspurna fundarmanna og var gerður góður rómur að.

Af þessum fundi kom ég með þá  sannfæringu, að efling Sjálfstæðisflokksins geti leitt landsmenn útúr þeim ógöngum sem þjóðin er nú í. Ljósið í myrkrinu sem nú ríkir yfir þjóðlífinu, En hvernig á að koma þessu liði frá sem nú keyrir Evrópubandalagsbrautina og öllu fórnar fyrir hana, það er önnur saga.

Aukin áhrif uppbyggingaraflanna á kostnað marxískrar skattpíningarhagfræði ríkisstjórnarflokkanna er það sem getur bjargar þjóðinni úr þeirri lægð sem hún er í.

Sjálfstæðisflokkurinn er vonin !   

Athugasemdir

[Baldur Hermannsson, 3.10.2009 kl. 23:15]

Þetta er ekkert smá fagnaðarerindi sem þú flytur okkur, Halldór minn góður. Ég sperrist allur upp og vinstri drunginn sem hvílt hefur yfir mér í allan dag var sem strokinn burt á augabragði. Mér líst einmitt ferlega illa á þessar skattahækkanir - betra væri að skera meira niður í ríkisbúskapnum. Báknið hefur þanist svo út síðastliðin 20 ár að unnt væri að skera niður gríðarlega. Það væri unnt að spara tugmilljarða með því að fækka millistjórnendum út um allt kerfið og afnema allan þann aukabúnað sem búið er að prjóna utan um starfssemi hinna ýmsu stofnana. Sjálfur starfa ég nú í skólakerfinu og veit gjörla um hvað ég er að tala.

[Finnur Bárðarson, 4.10.2009 kl. 00:02]

Ég trúi frekar á Harry Potter

[Árni Gunnarsson, 4.10.2009 kl. 00:46]

Hvernig fóru kommahelvítin að því að þenja svona út kerfið á meðan Flokkurinn hélt utan um fjárlögin? Það er greinilega erfitt að forðast þessa skratta þótt þeir séu utan ríkisstjórnar.

[Snæbjörn Björnsson Birnir, 4.10.2009 kl. 00:49]

Sjálfstæðisflokkurinn er vonin !

Veit ekki betur en þessi flokkur setti þjóðina á hausinn og er að kenna öllum öðrum um...! Raunveruleikafirring...!

[Halldór Jónsson, 4.10.2009 kl. 01:46]

Snæbjörn

Menn úr Sjálfstæðisflokknum eru ekki Sjálfstæðisflokkurinn. Flokkurinn er hugsjónabandalag. Hann tekur ekki ábyrgð á asanatrikum hvorki mín né annarra. Fremur en Framsóknarflokkurinn ber ábyrgð á Finni Ingólfssyni eða Sigurði Einarssoyni ðer se. Þeir voru ekki leiðandi í hreyfingunni þó þeir væru skráðir félgar.

Þú ert ekki einn um að rugla þessu tvennu saman, huggaðu þig við það þegar þú hugsar málið.  

[Sigurður Þorsteinsson, 4.10.2009 kl. 20:29]

Sá Bjarna Benediktsson í fréttum á föstudagskvöldið. Hann var þrælgóður þar. Við þurfum á leiðtogum í þessa uppbyggingu. Bjarni hefur a.m.k. til þess heilindi.

[Sigurður Þórðarson, 4.10.2009 kl. 20:45]

Árni Gunnarsson frændi minn er meinlegur að vanda. Það getur verið erfitt að hemja kommana. lo.

S.l. 10 ár hafa ríkisútgjöld þanist út, versta dæmið er ekki menntamál en þar hefur aukningin verið 40% að raungildi á þessum tíma. Núna þegar til stendur að skera vel innan við 5% kemur sparnaðurinn fram í því að skera 100% af fjarkennslu og 100% endurnýjun á tækjum. Hvoru tveggja leiðir til meiri útgjalda síðar.