Svartnætti !

Seðlabankinn hefur nú stigið fram og horft raunsæjum augum á þá framtíð sem við blasir næstu 2 árin með efnahagsstefnu núverandi ríkisstjórnar:

Samdráttur, atvinnuleysi, verðbólga, gengisfall, háir vextir.

Vesgú ! Í boði Mjallhvitar og Rauðgrana:

Svartnætti !

Athugasemdir

[Offari, 6.11.2009 kl. 10:13]

Ljótt er ef satt er. Annar langar mig að spurja hvort Össur sé einn af dvergunum sjö?

[Jón Kristjánsson, 6.11.2009 kl. 15:43]

Þetta er svo bjálfalegt hjá þér Halldór að það er ekki fyndið......þetta er auðvitað ALLT Jóhönnu og Steingrími að kenna....þið Sjálfstæðismenn getið aldrei litið í eigin barm......algjörlega veruleika firrtir.....

[Halldór Jónsson, 6.11.2009 kl. 18:00]

Jón

Ég skoðaði síðuna hjá þér og skil þig betur. Mér sýnist að þér finnist fleiri en ég veruleikafirrtir. Ég get ekki ráðið af textanum hjá þér hvernig þú lest skýrslu Seðlabankans fyrir næstu tvö ár. Ég þarf greinilega leiðsögn af svona mannvitsbrekkum eins og þér.

[Anna Grétarsdóttir, 6.11.2009 kl. 20:48]

Hvernig getið þið kennt þessum flokknum eða hinum um þegar þeir eiga ALLIR SINN ÞÁTT Í AULALÁTUNUM OG VITLEYSUNNI SEM VIÐGENGST Í ÞJÓÐFÉLAGINU.

HVENÆR ÆTLAR FÓLK AÐ FARA AÐ HORFA FRAMHJÁ BÓKSTÖFUNUM XD, XS, VG OG HVAÐ ÞEIR ALLIR HEITA EN EINBLÍNA FREKAR Á HVERJA PERSÓNU FYRIR SIG OG FYRIR HVAÐ HÚN STENDUR.....náttúrlega með þeim fyrirvara að tiltekin persóna standi við sína meiningu opinberlega !!!!

[Halldór Jónsson, 7.11.2009 kl. 01:09]

Anna mín,

Einn Jón Sigurðsson kemur engu til leiðar. Hvað þá heldur margir Jónar með sitt hverja skoðun. Menn ná ekki bíl úr festu með tíu köðlum sem togað er í í sitthverja áttina. Til þess eru stjórnmálaflokkar að samhæfa kraftinn sem í okkur býr. Fyrr  enn þú skilur þetta þá verður þú vonsvikin í pólitík.

[Karl Ólafsson, 7.11.2009 kl. 01:38]

Ok, og hver eru Mjallhvít og Rauðgrani?

Samdráttur, atvinnuleysi, verðbólga, gengisfall, háir vextir. Svört upptalning vissulega, en skoðum aðeins nánar hvert atriði fyrir sig:

Samdráttur - Hvenær hófst hann? Jú, má ekki með sanngirni segja að hann hafi hafist af krafti í október, 2008? Eða hefur minni mitt algerlega brugðist og samdrátturinn í raun ekki hafist fyrr en í febrúar 2009?

Atvinnuleysi - Bíðum við, hvenær hófust fjöldauppsagnirnar? Nóvember 2008? Eða var það ekki?

Verðbólga - Hvenær hefur hún verið við eða undir markmiðum Seðlabankans? Og hve lengi í einu? Einhver? Og hvenær byrjaði verðbólguskotið sem enn er verið að vinda ofan af (og þó sennilega ekki) og sem enn skrúfar upp lánin okkar um ca. 10 krónur á mínútu.

Gengisfallið - Hvenær hófst það nú aftur og af hverju? Ó, var það í mars 2008 sem það byrjaði og svo stórt stökk í október 2008?  Eða var það á þessu ári? Hvort minnir þig?

Og hvað var það svo fleira sem þú nefndir? Ó jál, háir vextir! - Hver var það nú aftur sem sagði að ef meðalagjöf dygði ekki þyrfti stundum að auka skammtinn og hækkaði svo stýrivextina? Og hvenær var það nú aftur?

Hverjir voru eiginlega við stjórnvölinn þegar þetta gerðist allt saman? Og af hverju ættum við að treysta þeim frekar en Mjallhvíti og Rauðgrana sem þú nefnir svo til þess að leiða okkur út úr þessu, á þessu stigi málsins? Ég er ekki hrifnari en þú af mörgum af þeim lausnum og leiðum sem verið er að velja, en er ekki hægt að lyfta umræðunni upp á aðeins hærra plan, eins og skáldið sagði forðum?

[Jenný Stefanía Jensdóttir, 7.11.2009 kl. 04:11]

Sæll Halldór minn,

Aldrei get ég tekið undir þá skoðun að þú sért veruleikafirrtur, þó þú hafir játað að hafa skellt upp úr með hinum yfir "krossfestingulíkingu" Seðlabankastjóranna þarna í vor!

Held samt, ef þú horfir heiðarlega yfir liðna ca 2 áratugi, getir þú viðurkennt að  rökkrið sem venjulega er undanfari "svartnættis" er alfarið á ábyrgð annarra en teiknimyndapersónanna Mjallhvítar og Rauðgrana.

[Halldór Jónsson, 7.11.2009 kl. 09:55]

Karl minn góður,

Þú ert rökfimur og fróður maður. Ég vona að þú sért komin í bloggheima aftur til að láta að þér kveða.

Þú tekur fyrir setninguna mína: 

"Samdráttur, atvinnuleysi, verðbólga, gengisfall, háir vextir."

Síðan beitirðu rökvísi þinni til að finna þá sem hófu ferlið fyrir hrunið. Síðan finnst mér þú færa það til þessa punktar, Gefur þér að þessir menn hafi ekkert lært og geti þessvegna ekki mótað framtíðina.

Í setningunni felst lýsing sem getur átt við aftur í tímann alveg eins og fram. Segjum svo að við teljum okkur í vanda núna. Þá er setningin að lýsa meiri vanda fram í tímann.

Samdráttur þýður fækkun opinberra starfa, samdráttur í orkugeiranum og tengdri starfsemi.Afleiðingin er aukið atvinnuleysi frá því sem nú er. Þetta er afleiðing af stefnu núverandi ríkisstjórnar sem götustrákurinn í mér úr Norðurmýrinni, en hann er ekki alveg dauður stundum, kallar Mjallhvíti og Rauðgrana.

Ég sé af síðu þinni að þú ert djúpt hugsandi maður í fjármálum framtíðarinnar. Ég ætla því ekki að reyna að vera með aulafyndni um að vaxtalækkunin í gær hafi skipt sköpum fyrir atvinnulífið eða haft nákvæmlega engin áhrif. En ég er til í að ræða við síðar um verðtrygginguna, sem hefur reynst Íslendingum svo afburða vel.Vextirnir eru þeir sem halda uppi genginu um þessar mundir. Lækkaðu þá niður í bandaríska og afnemdu gjaldeyrishöftin í anda okkar frjálshyggjumanna. Eina vörn sparifjáreigandans, sem er almenningur, væri verðtryggður innlánsreikningur, ef hægt er þá að treysta nokkrum banka. Slíkir reikningar eru ekki í boði í Bandaríkjunum né Evrópusambandinu.

Ég er að tala um það Karl minn góður að Seðlabankinn sé að segja, að þó að það sé slæmt núna þá geti það líklega versnað og það standi öll líkindi til þess. En ég geri ráð fyrir að þú sért tilbúinn að sætta þig við það sem framundan er með bros á vör ef það verður til þess að við komumst sem fyrst í Evrópusambandið og getum hætt að hugsa um það sem við erum helst að hugsa.

Jenný,

er slíkt til í Kanada ? Sat ekki Mjallhvít í veislu við ríkisstjórnarborðið með dvergunum sjö ? Skildi hún bara ekki tungumálið ? Skildi hún ekki það sem þursinn úr Svörtuloftum sagði þegar hann guðaði á gluggann og hafði í hótunum? Hugsaði hún sér bara þá að hann skyldi sko verða flæmdur úr höll sinni þegar hennar tími kæmi ? Hann kom og gegnið hefur snarfallið síðan.

[Halldór Jónsson, 7.11.2009 kl. 09:56]

gengið en ekki gegnið í síðustu línu

[Jenný Stefanía Jensdóttir, 7.11.2009 kl. 18:19]

Ó ekki aldeilis Halldór sæll.

Þegar þessi "Mjallhvít" settist við borð, var "þursinn" og nafni þinn "selurinn" búnir að byrla eitraða eplið og dreifa því til vina sinna, sem byrluðu því áfram til saklauss almúgans.  Eitraða eplið stendur enn pikkfast í hálsi flestra, og meira segja Mjallhvítin kann fá ráð til að berja á bökin.

Þursinn missti tökin á genginu upp fyrir eigin hæð, löngu áður, einn og óstuddur, enda hafði hann beitt áður óþekktum þvingunaraðgerðum til að halda því niðri.  Enginn, ekkert skyldi ná hæð hans í sentimetrum.  

[Karl Ólafsson, 7.11.2009 kl. 20:55]

Halldór, ég veit svo sem ekki hversu mikið ég læt að mér kveða í bloggheimum á næstunni. Ég fylgist nokkuð náið með umræðunni og blanda mér inn í þegar mér finnst ég hafa eitthvað til málanna að leggja, þótt misgáfulegt sé.

Hvað verðtrygginguna varðar fannst mér og finnst enn að ég hafi eitthvað til málanna að leggja. Þá rökræðu er ég til í að fara út í síðar, en sjónarmið mín eru nokkuð ljós sem og rök mín fyrir því að við eigum að leggja niður verðtrygginguna, út frá gömlum greinum á blogginu mínu. Ég get fallist á með þér að verðtryggingin hafi gert okkur gott því vissulega átti hún sinn þátt í því að lífeyrissjóðum okkar var bjargað á sínum tíma. En við getum ekki lengur leyft sjóðunum að treysta á að verðtryggingin verndi sjóði þeirra. Þeir verða einfaldlega að ávaxta sitt fé með ábyrgari hætti á frjálsum markaði, nokkuð sem ég held að Sjálfstæðismenn ættu almennt að geta fallist á.

Því miður fellur þú í þá gryfju að telja mig vilja inn í ESB, sama hvað það kosti, af því að ég er ekki í liði með þeim sem vilja ekki fyrir nokkra muni þar inn eða svo mikið sem banka á dyrnar þar. En þetta mál snýst ekki um tvö lið, með og á móti. Ég hef í gegnum tíðina verið frekar hallur undir ESB aðild, það skal ég fúslega viðurkenna. Ég sé hins vegar einnig ýmsa meinbugi á aðild, þ.a. ég gef ekki upp á þessari stundu hvernig atkvæði mitt mundi falla um aðildarsamning. Mér sýnist fljótt á litið að vel hafi til tekist með mönnun samninganefndarinnar sem fara mun með umsóknarferlið. Ég vil að það starf klárist í sæmilegum friði þ.a. við getum í framhaldi af því tekið upplýsta ákvörðun sem þjóð um það hvort við viljum fara þá leið að samþykkja aðildarsamning eða hafna honum. Ég er til í að lúta þeirri niðurstöðu sem þannig fæst. Á meðan þetta ferli er í gangi og enginn samningur liggur fyrir, hef ég hins vegar voða lítinn áhuga á að rífast um ESB, með eða á móti.

Kannski þessu til víðbótar, þá er ég eindregið þeirrar skoðunar að allir stjórnmálaflokkarnir áttu að leyfa öllum sínum þingmönnum að greiða atkvæði samkvæmt sinni eigin sannfæringu um það hvort hefja ætti umsóknarferlið. Það á ekki að nota þetta mál til að berja menn til hlýðni við flokksaga þar sem allir flokkar eru því marki brenndir að innan þeirra er fólk með andstæðar skoðanir hvað þetta varðar. Slíkt á að virða og slíkt á að leyfa innan heilbrigðra stjórnmálaflokka. Aðeins þannig næst heiðarleg niðurstaða um erfið og flókin mál. 

Seðlabankinn hefur án efa rétt fyrir sér að nú sé það svart og það eigi eftir að dökkna. Þrátt fyrir að það heyrist annað slagið einhverjar bjartsýnisfréttir frá USA um að botni kreppunnar sé náð þar og bati sé að hefjast, þá tel ég að þar sé í raun verið að gera tilraun til að tala ástandið upp, því raunin sé þar önnur. 

Í Evrópu virðast menn í raun ekki vera búnir að átta sig á hve kreppan er í raun djúp þar. Hér sjáum við þó hvílík vandamál við eigum við að etja, en það má alveg vera öllum ljóst að við eigum engar töfralausnir til og allt tal um annað er ábyrgðarlaust. Um leiðir getum við hins vegar deilt að því leyti hversu góðar þær eru og hvort aðrar séu betri. Skattahækkanir hugnast mér illa og vaxtastigið hér hugnast mér einnig illa. Ég tel hins vegar fullyrðingar um að betra sé í boði með aðra við stjórnvölinn en Mjallhvíti og Rauðgrana í besta falli ótrúverðugt lýðskrum. Góðar hugmyndir á að virða sama hvaðan þær koma og ég verð að segja að mér þætti vænt um ef ráðamenn íhuguðu t.d. hugmyndir um skattlagningu lífeyrisiðgjalda. Vandamálið þar er það sama og vandamálið með að ná fram vitrænni umræðu um afnám verðtryggingar. Það kemur nefnilega í ljós að verkalýðsforystan og lífeyrissjóðirinir standa á móti breytingum og þá er ekkert gert. Það er eins og það þori enginn á móti þessum hagsmunaaðilum, en á sama tíma verður sífellt erfiðara að átta sig á hverra hagsmunum þessir aðilar þjóna.

Fyrirgefðu Halldór, þetta er orðið allt of langt hjá mér og út um víðan völl. Góðar stundir.

[Júlíus Björnsson, 8.11.2009 kl. 07:16]

Seðlabankinn er umsækjandi um formlega aðild að Kerfi Evrópska Seðlabanka KESB og sem slíkur undir forustu hæfs meirihluta í Seðlabankaráðinu og Evrópska Seðlabankanum ESB sem er undir Umboði hæfs meirihluta Forsætisherraráðs Evrópu. Þetta er mjög lítil hæf klíka.

IMF er hægt googla: Honum fylgir Gengi-SDR sem er notað til bráðbirgða meðan verið er að finna fast miðgengi gagnvart evru og/eða festa það

Þegar það hefur staðist eftirlit þá skiptir kerfis Seðlabankinn Íslenskum Seðlum gegn Evru Seðlum fyrir þóknun sem gengur í ESB.

Biðsjóður IMF hjá Meðlima ríkjum EU má vera eigna framlag í svo kölluðum Biðsjóði EU sem ekki er í evrum.

Fagleg leynd gildir um allar efnahagslegar aðgerðir sem eru hernaðarlegar í eðli sínu samkvæmt lögum EU það er allra Meðlima Ríkja.

Ekki von að almenningur botn neitt í neinu. Aftur á móti eru góðar skilgreiningar á mörgum aðferðum þvingana í lögunum og erfitt fyrir mig sem þekki þær að taka mark á bullinu í Ráðamönnum og pressunni sem er ekki í samræmi við lög EU. Sem er aftur móti rök fyrir því að um að leyndar ákvæðum sé beitt.

EU er ráðstjórn sem byggir á forni menningu samkvæmt stjórnarskránni sjálfri.    Ameríkunnar og Ástralía fluttust frá þessari menningu á sínum tíma. Gamla þrælakyn Rómverja er komið út um alla EU. Ég held að tími axarinnar sé að koma aftur á Íslandi.    

Það er ekki gaman fyrir fasteigna eigendur að fá 50% stöðugt verðfall. Nýir kaupendur hafa ekki efni á meiru í ljósi skuldahala, vaxtaskatta, og ráðstjórnarskatta, og ekki má hækka tekjur því þá eru úti um evru dæmið.

Það er dýr hlutur í EU ehf. Allir vita með viðskipta vit að ef hæfur meirihlut er til staðar í hlutafélagi sem ekki greiðir út hagnað, hvers virði hinir hlutirnir eru.

Hlutdeildarform með fastri tekju skiptingu eða geira í svo kallaðri heildarköku EU sem ákvarðast endanlega við formlega aðild.  Auðveldar allra rekstrar spár er dyrnar lokast. Hæfur meirihluti einokar ytri viðskipti með fullvinnslu.

[Elle_, 8.11.2009 kl. 15:00]

Það eru núverandi stjórnarflokkar sem ógna efnahag landsins og valda almenningi fátækt með undirskrift ólöglegrar Icesave-kúgunar AGS, Breta og Hollendinga.  Það er enginn sem hótar þeim lífláti ef þeir ekki gera það, eða er það???   

Það eru núverandi stjórnarflokkar sem eru með Icesave- og Stockholms Syndrome.   Það eru þau sem tóku við gríðarlegu láni frá AGS og sem kostar okkur 100 milljónir bara í vexti á dag.  Og nú ætla þau að bæta ólöglegu Icesave- eilífðarskuldinni við af því við erum svo rík.  Þó fjöldi fólks ráði engan veginn við sí-hækkandi rán-skuldir, og fjölskyldur landsins - sem ekki hafa flúið land nú þegar - séu niðurbrotnar og sundurtættar.  

Næst nær AGS handrukkari erlends auðvalds ætlunarverkinu þegar við getum ekki lengur borgað ógnarskuldirnar - sem illmennin vissu vel í fyrstunni að myndum ekki ráða við -  og herða kröfurnar og innheimturnar fyrir erlenda banka og stórveldi.  Næst ná þeir að einkavæða allar auðlindir landsins og ríkisfyrirtæki.  Og eins og í Argengtínu, Bólivíu, Panama og fjölda annarra landa, munum við þurfa að borga offjár fyrir hita, rafmagn og vatn.   Og við munum fá að lifa í fátækt því auðmenn munu reka landið.  Ekki halda að það gerist bara í fjarlægum löndum og muni ekki geta hent okkur, því nú er komið að okkur, komum við ekki bæði AGS og Icesave- stjórnarflokkunum burt skjótt.   AGS gereyðingar-skrímslið er komið og dásamað af Helga Hjörvar, Jóhönnu Sig. og Össuri Skarphéðinssyni.  Sko AGS ætlar að hjálpa þeim að troða ólöglegu Icesave - sem við skulduðum aldrei samkvæmt neinum lögum -  öfugu ofan í kokið á okkur.  Og AGS mun arðræna börnin okkar og dæma þau í fátækt.    

[Halldór Jónsson, 9.11.2009 kl. 19:01]

Ja nú kveður að þér ElleE, því miður er þetta framtíðarsýn sem margt fólk deilir með þér. Hversvegna á  unga og menntaða fólkið sem getur farið annað að púkka uppa þá framtíðarsýns em Rauðgrani og Mjallhvít boða.

Og Seðlabankinn boðar svartnætti framundan með veerðhruni fasteigna og meiri píslir. Þetta er á hraðri leið til andskotans og engin glæta er í myrkrinu. Nema að þriðjungur þjóðarinnar vill að Óli foresti segi af sér. En það rætist ekki heldur.

Fyrr en þessi ríkisstjórnarræfill AGS og ESB fer frá er ekkert ljós í myrkrinu framundan. Því miður.

[Elle_, 10.11.2009 kl. 23:04]

Nei, það er ekkert ljós í myrkrinu, og akkúrat helstefna AGS að allt fari í gjaldþrot og erlendir auðmenn nái öllum eignum okkar í gjaldþroti voða ódýrt.  Við erum búin fari ekki yfirvöld að reka þá burt.