Vefarar Keisarans !

 

Skattað og svelt. Ríkisstjórnarstefnan í hnotskurn. Nú á að svelta unga atvinnuleysingja, 18-24  til þess að leita sér menntunar. Skattleggja þá sjálfa til þess að neyða þá til að kosta sig í skóla. Gefa hundinum að éta rófuna á sér.

Önnur hugsun bærist ekki hjá vinstri mönnum.

Sama grunnhugsunin.  Skattleggja eymdina til þess að geta fengið sínum hugðarefnum framgengt. Fæðingarorlofsgreiðslur, orlofsuppbóta , veikindadaga, starfsendurhæfingar og símenntunar.RÍKISSTARFSMANNA. Það hlakkar í bolsjevíkkanum Steingrími J.þegar hann þylur þetta upp í fylgiriti BSRB eða SFR sem borið er í hús með Baugstíðindum í dag.

Lífeyrissjóðirnir hafa verið byggðir upp fimbulfambar hann áfram. Hver er eftirlaunaskuldbinding Ríkisins Steingrímur?  Geturðu fengið lán þar ? Það á bara að skerða almenna lífeyrissjóði okkar almúgans til þess að soga peninga í hítina hjá Ríkinu.Og núna er Steingrímur Ríkið.

Baráttukveðjur sendir Ögmundur til Ríkisstarfsmanna. Það var að vonum sem hann lyppaðist niður þegar hann stóð frammi fyrir vandanum að skera niður vinnu hjá sínum vinnuveitendum til margra ára. Hann gat það ekki og hunskaðist því úr ráðherrastóli. Nú situr hann á þinginu og  þykist allt vita eins og áður.Greiðir atkvæði með Icesave og Evrópubandalaginu.

Lofgrein er í ritinu um allsherjarverkfallið 1984. Dásamað hvernig tókst að vinna óbætanleg spjöll á þjóðfélaginu í gegnum „Alþingi Götunnar" . Fá lögreglumenn í kröfugöngur. Svipta börnin skólagöngu með kennaraverkfalli. Hleypa af stað óðaverðbólgunni.

Síðan er klykkt út með:  " Við höfum beðið átekta.Við höfum hlustað en ekkert heyrt"  ..."Við bíðum ekki lengur.Sóknin er hafin „

Það fer vel á því að Ögmundur þingmaður æsi til verkfalla opinberra starfsmanna og Steingrímur blessi boðskapinn. Þeir einu sem hafa örugga vinnu í kreppunni fari í verkfall til að auka fjárlagahallann sem verðu bara jafnaður með sköttum!

 Það er allt í lagi af því að það er verið að berjast fyrir kjarabótum verðugra. Við atvinnuleysingjarnir, hið eina sanna proletaríat,  eigum hinsvegar að fá  minna. Nomenclaturan er tekin til starfa á Íslandi.

Á Spáni og á Írlandi þar sem Evran og Evrópubandalagið ríkja, er atvinnuleysi unga fólksins orðið 20-30 %. Það er líklega þetta sem Evrópubandalagsmeðhjálparinn Steingrímur J stefnir að seglum þöndum. Ögmundur lofar verkfallið 1984. Báðir eru þeir svo með fláningshnífana á lofti til að skattleggja brostnar vonir íslenskra ungmenna.

Vefarar Keisarans !

Athugasemdir

[Einhver Ágúst, 17.11.2009 kl. 13:46]

Dóri alltaf hress bara?

Hann slær um sig svo biturleikinn slettist á alla sem fyrir verða, kaldhæðnin yljar þér vonandi um hjartaræturnar.

[Júlíus Björnsson, 18.11.2009 kl. 01:05]

Þetta eru mínum augum í samræmi við skuldfestingana Icesave, fráganginn á innlimun EU sem þjónustuhérað með undantekningu vegna hlutafallslega mikils náttúrauðlinda framlags til fullvinnslusamkeppni hagsmuna EU heildarinnar. Ávísun upp á minnst 10% fast atvinnuleysi hér til eilífðar. Við eigum að gleðjast fyrir því að það er 20% sumstaðar í EU heyrist mér einhver segja á Alþingi í dag. Skásta í stöðunni, og neikvæður samburður. Það ber ekki votti um mikinn metnað eða ráðsnilld.

Refsing sem bitnar á hópnum 24-34 fyrir að festa kaup á húsnæði hefur tryggt hér að sama skapi eðlilegt fasteignaverð í framtíðinni fyrir svona svæði á mælikvarða risanna í EU. 

Hækkun lágmarkslauna veldur meiri áhuga á atvinnuþátttöku að mínu mati hjá ungu fólki.  Lágmarkslaun verða að dekka lámarksframfærslu og 10% sparnað að mínu mati.

Hvernig væri að á setja á yfirvinnu bann á móti hækkun grunntaxta. Yfirvinna er ekki vinsæl hjá sossunum í EU sem hafa haft fast atvinnleysi í meira en heila öld. Til þess auka einkarekstraform mættu eigendur vinna eins og þeim sýnist.