Svandís á barnum í Köben.

Orð blaðamanns Mbl. í gær um loftlagsráðstefnuna voru:

„Sem betur fer hefur umhverfisráðherra sýnt þá staðfestu að lýsa því yfir að Ísland muni ekki sækja um undanþágur frá samningnum sem nú er í burðarliðnum úti í Kaupmannahöfn. Ísland hyggist vera þjóð meðal þjóða og axla sína ábyrgð, rétt eins og aðrir, enda höfum við feyki næg tækifæri til að draga úr losun okkar. Sé rétt á spöðum haldið felast í þeirri áskorun dýrmæt sóknarfæri því hún knýr okkur til að taka næstu skref inn í framtíðina og þróa nýjar lausnir sem bæði efnahagurinn og umhverfið geta grætt á.

Nú er greinilegt að efnahagur ríku þjóðanna á að græða á kostnað vanþróuðu ríkjanna. Þau ríku fá 2.67 tonn á móti 1.44 tonnum þeirra verst settu. Danir eru nefnileg drengir góðir og vinfastir og veita jafnan þeim sem betur mega sín.

Vonandi kemur bráðum skeyti frá okkar Svandísi um það hvernig henni gangi að drekka með Dönum.Ætli hlutföllin verði 2.67 sjússar á móti hverjum 1.44 sem blámennirnir fá ?

 Guð blessi Svandísi á barnum í Köben.

Athugasemdir

[Kjartan Sigurgeirsson, 9.12.2009 kl. 12:50]

Það er alveg með ólíkindum hvernig þessir kaffihúsakommar tala um að draga úr útblæstri gróðurhúsalofttegunda hér á landi, þegar við erum búin að skera alla raforkuframleiðslu og húsahitun út úr þessum potti fyrir áratugum. 

Kannski á að binda fiskiskipaflotann við bryggju eða banna flug til og frá landinu, hver veit?

[Kolbeinn Pálsson, 9.12.2009 kl. 20:20]

Þetta er hagsmunabarátta þjóða heimsins. Við Íslendingar þurfum og verðum ákveðnir sem aldrei fyrr að berjast fyrir okkar parti af kökunni.

Með sviksemi og aumingjaskap gæti framtíðin litið svona út!

Dæmi: 3 mílna landhelgi 2010.

Svandís semur af okkur 200 mílurnar niður í 3.

Við sláumst við Breta, Hollendinga Spánverja ofl við að bjóða í fiskikvótann frá 3 til 200 mílna svæðisins, sem við gáfum þeim eftir í Köben af því að við vorum svo hjartahrein og umhverfisvæn græn baráttulaust. Já Íslensku þjóðina munar sko ekki um að borga. Krónan er svo eftirsóttur gjaldmiðill.

Þannig lítur veruleikinn út.

En við Íslendingar höfum ekki margir jafna möguleika. Svavar pabbi, td. það væri verðugt dæmi fyrir rannsóknarblaðamenn að bera saman ellilaun Jóns verkamanns og Svavars "nennti þessu ekki lengur"

Jón getur kannske verið í vafa um framtíð sína og hvort Harakiri sé ekki eftir allt bezta lausnin. Svavar hefur allt sitt gulltryggt og dóttirin sem gerir sömuleiðis allt sitt bezta til að koma Íslensku þjóðinni á vonarvöl og aftur til tíma móðuharðindanna, þegar Íslendingar flúðu land umvörpum.

[Jón Aðalsteinn Jónsson, 9.12.2009 kl. 22:06]

Hver er þessi hlutlausi blaðamaður

[Jón Aðalsteinn Jónsson, 9.12.2009 kl. 22:08]

Ýtti of fljótt á senda ætlaði að bæta við að ef allir Íslenskir blaðamenn eru jafn rökhugsandi og skoða málin frá öllum hliðum þá er mér orðið ljóst hvers vegna við flutum sofandi að feigðarósi

[Magnús Helgi Björgvinsson, 9.12.2009 kl. 23:09]

Furðulegt að gleypa við einhverju skjali sem var lekið frá einhverjum og  ekki hefur verið birt og ekki verið rætt. Minni menn á að þetta er ráðstefna sem skilar hugsanlega af sér niðurstöðu ef að ríki heimsins koma sér saman um það. Einhverjar hugmyndir eru hér í bloggi flokkaðar sem niðurstaða áður en ráðstefnan hefst fyrir alvöru.

Heldur þú Loftur að menn mæti ekki undirbúnir á svona ráðstefnur með ýmsar tillögur?

Þetta er svona svipuð rök og þegar að póstur Indriða þar sem han segir að það væri ekki möguleiki á að koma á samningum fyrir kosningar er túlkað sem að hann hafi verið að í baktjaldamakki. Eins og hann hafi bara vitað að sama stjórn yrði eftir kosningar og hún myndi ruppa þessu af. Orðin einhver tíska að snúa út úr öllu og lesa það versta úr hlutunum.

[Magnús Helgi Björgvinsson, 9.12.2009 kl. 23:11]

Fyrirgefðu Halldór að kallaði þig "Loft" hér að ofan. Það er svona þegar maður er að hugsa um nokkra sjálfstæðismenn í einu.