Evrubábiljan.

Gunnar Rögnvaldsson greinir hugtakið um sameiginlegu myntina skemmtilega á sinni síðu. Á einfaldan hátt lýsir hann muninum á því að taka upp evru og tengja sína mynt evrunni. Þá hafa menn nefnilega Eject-hnapp á stjórnvelinum eins og maður sem er á hljóðfrárri orrustuþotu. 

Skrif Gunnars urðu mér kveikja að athugasemd á hans síðu:

Bretar og Danir eru drengir góðir og vinfastir og veita jafnan þeim sem betur mega sín. Þessvegna hafa þeir báðir eject hnapp á sinni mynt.

Það skilja krataaularnir okkar ekki, hvorki nýkratar úr Sjálfstæðisflokknum frá síðasta landsfundi né gömlu þrískiptingarkratarnir. Þeir tala alltaf um Framsókn og Íhaldið sem helmingaskiptaflokkana. En það var alltaf þrískipting því kratarnir sátu alltaf að öllu bírókratíinu, Tryggingastofnun, ráðuneytum,bönkum.

Þegar kratarnir og kommarnir eru að hakka á Sjálfstæðisflokknum, þá gleyma þeir alltaf þessu. Ali-kratinn(Ali-bacon, Ali-skinka ?) þrífst á því opinbera. Um leið og hann fer sjálfur að græða peninga gengur hann í Sjálfstæðisflokkinn, í andanum að minnsta kosti þó hann reyni auðvitað að sjúga spenann í gegnum gamla flokkinn. Alþýðubankinn, Alþýðuhúsið, Alþýðubrauðgerðin,Völlurinn, -eru einhverjir búnir að gleyma þessu öllu þegar þeir þvæla um helmingaskiptaflokkana ? Þeir fengu sko sinn skammt og fá enn. Ætlaði ekki Ingibjörg Sólrún að ná sér í spena ? Svona eru þeir allir, hugsa bara um að koma sér sjálfum þægilega fyrir. Þá eru hugsjónirnar fljótar að gufa upp.

Evrubábiljan án eject-hnappsins væri sjálfsmorð fyrir svona villimannaþjóð eins og Íslendinga, sem "varðar ekki neitt um þjóðarhag" eins og einn verkalýðsgreifinn og vinstrigepillinn sagði.

Athugasemdir

[Höskuldur Pétur Jónsson, 18.12.2009 kl. 23:36]

Dóri minn,það eru að koma jól, ekki kalla kratana vinstri menn það fer allavega í taugarnar á mér .

kratar á íslandi eru og verða alltaf spillt stjórnmála afl og mér sýnist  þeir ráði lögum og lofum í samspillingunni .

þess vegna vilja þeir í efnahagsbandalagið til að vera með í allri spillingunni ,þar ráða sósialdemó lögum og lofum og spillingin í hávegum höfð.

Það sem við þurfum að gera núna" hvort sem við erum til hægri eða vinstri" er að koma krötunum eins langt frá kjötkötlunum og nokkur kostur er áður en það er of seint,ef ekki þá fer allt til helvítis hér.

og í guðana bænum ekki aftur viðreisnar stjórn.

Allt annað er betra sama hvaðan gott kemur ,það hlýtur að vera til heiðarlegt fólk í stjórnmálum á íslandi sem getur rétt við slagsíðuna.

Landið helst ekki í byggð ef ekkert er fólkið það er okkar auður sem við megum ekki glata,peninga og verðmæti er bara hægt að búa til með vinnandi fólki.

Mbk DON PETRO

Krötum hold við láð var laust,                               lagúldið í framan,                                                 til andskotans líkt og púki skaust,                        með skítogöllusaman.

[Björn Birgisson, 19.12.2009 kl. 23:14]

Halldór, þú ert kannski ekki svo mengaður. Margt segir þú gáfulegt, fallegt og af góðum huga. En flokkurinn þinn er eitt fúafen. Glæsilegur eins og hann var, hér á árum áður. Nú er hún Snorrabúð stekkur. Margt spillti Íslandi. Flokkurinn þinn fer þar fremst, í vafasömum félagsskap.  Því miður.

[Halldór Jónsson, 20.12.2009 kl. 17:54]

Björn Birgisson

Sjálfstæðisflokkurinn er ekkert fúafen.Flokkurinn er fólkið sem er í honum, kemur og fer. Sjálfstæðisstefnan hefur ekkert breyst. Það er hún sem tengir fólkið saman.

Það urðu mannaskipti í forystunni. Við sem erum núna í flokknum getum ekkert verið með móral af því að hafa verið í nýsköpunarstjórninni með kommunum á sínum tíma, það er ekkert hægt að breyta því héðan af. Formaðurinn Geir fór og það er kominn nýr maður í brúna. Mér sýnist að hann verði bara ágætur talsmaður okkar á grunndvelli sjálfstæðisstefnunnar.  Þú ættir að kynna þér hana.