Icesave í höfn !

Þá höfum við Icesave að hætti Svavars,Indriða og Steingríms afgreitt. Þeir sem vilja taka þátt í greiðslunni geta verið hér áfram. Hinir geta farið annað, ef þeir geta og nenna.

Mikið var annars ömurlegt að horfa á málfundaræfinguna í Gaggó Austurvöllur þega atkvæðagreiðslan fór fram. Mér fannst Ögmundur samt fyllstur af ábyrgðinni sem ætlaði að sliga suma uppi i pontunni sem meintu auðvitað ekkert annað en að sýna kjósendum sínum að þeir væru þarna og talsvert allsgáðir eins og Sigmundur Ernir. Mín vegna gátu þeir sleppt þessari sýningu. Spilið var fyrirfram tapað og þessa flugeldasýningu þurfti alls ekki. Samspil Kratanna og Kommatittanna var algert.

Nú tekur veruleikinn við hjá þjóðinni. Eitt skemmtiatriðið er eftir og það er nýjársávarp okkar ástsæla Forseta, mannsins sem Pétur Blöndal og Ásmundur Daði setja traust sitt á til að hafa vit fyrir þeim sjálfum. Ég skammast mín núna innst inni djúpt fyrir það að hafa sett nafn mitt á listann um að biðja þennan mann um að vísa málinu til þjóðarinnar. En París var mér þá þó einnar messu virði eins og  Henrik Prins sagði, og minnugur þess setti ég nafn mitt á lista InDefence. En það breytir ekki því að af Forseta Íslands vil ég ávallt sem minnst vita þessa heims héðan af sem hingað til. svo mjög sem ég fyrirlít þetta embætti og allt sem því tengist. Mér er ekkert illa við fólkið sem hefur gengt því og haft af því lifibrauð, en það breytir minni skoðun á embættinu ekki hætishót. 

Nú er kaldur vetur framundan hjá hnípinni þjóð. Fjárhagsleg framtíð hennar er á þunnum Ice. Stundum verður skamma stund  hönd höggi fegin.

Icesave er í höfn !

 

Athugasemdir

[Baldur Hermannsson, 31.12.2009 kl. 00:28]

Æi já, í dag er gott að vera gamall maður og í þann mund að deyja.

[Helga Kristjánsdóttir, 31.12.2009 kl. 01:20]

Afskaplega tilfinningaþrungin stund að sjá "jáarana",næstum klökka eða ögrandi eins og Sigmund Erni,guð minn góður þetta lið er að stjórna landinu.

[Jón Valur Jensson, 31.12.2009 kl. 02:15]

Það ætti að beita hér gömlu, góðu ráði: að gera þá útlæga, sem greiddu atkvæði með þessu, og eignir þeirra upptækar. Eða hefurðu betri hugmynd, Halldór minn?

Það var allsendis óþarfi af Ögmundi að bera lof á Róbert Marshall. Það er hægt að gera sig dapran í framan og svíkja síðan þjóð sína. Í þann pyttinn féllu sumir, en hinir voru þó furðanlegri, sem gengu til síns jásvars með fítons-formælingar eða sjálfsréttlæti á vörunum.

[Ragnar L Benediktsson, 31.12.2009 kl. 11:02]

Það er eftir ykkur aftaníossum gæsalappa að koma með þessa tillögu sem Jón Valur er með.

Það á að stinga slökkviliðinu í steininn og gera eignir slökkviliðsmanna upptækar, en sleppa útrásarglæponunum og jafnvel heiðra þá.

Gott hjá ykkur fyrrverandi nemendum súpergaggó á melonum

[Jakob Þór Haraldsson, 31.12.2009 kl. 12:40]

Íslenski þrælinn stígur ekki í vitið, og það sama má nú segja um flesta kjósendur VG.  Sá FL-okkur hefur aldrei gáfulegar lausnir fram að færa, í raun bara drasl. Samspillingin er svo bara stórhættulegur EB flokkur.  Formaður VG talaði allt öðru vísi fyrir hrun, en snérist svo eins og VINDHANNI 360 gráður, í flest öllum málum, það er afrek út af fyrir sig.  Þjóðin & alþingi hefur sýnt fram á vilja í sumar að við viljum greiða tengt Icesave þó okkur beri í raun ekki lagaleg skylda til þess, þá viljum við axla "pólitíska & siðferðislega ábyrgð á okkar glæpamönnum" - en SteinFREÐUR & Svavar sömdu svo illa af sér að hér verður "frostavetur næstu 20 árin með tilheyrandi fátæk" - svo kalla þessir aular sig "Norræna velferðastjórn" - klækastjórn hjá vinstri mönnum, það liggur við að maður æli, aulaskapur þessa liðs er ótrúlegur.  Þráinn Bertelsson talaði um fyrir rúmu ári síðan að það væri aumingjarskapur hjá ríkisstjórninni að vera á hjánum fyrir nýlenduveldum UK & Hollendinga.  Svo segir hann nú (á hnjánum) að lengra verði ekki komist.  Þetta lið er óborganlegt og leiksýningar þær sem þeir setja upp á alþingi eru yfirleit til háborinnar skammar. 

Óli grís kan "klækastjórnmál & lýðskrum" enda vinstri maður í húð & hár.  Óli var UMBOÐSMAÐUR útrásarskúrkanna og það fer vel á því að maður með "skítlegt eðli" samþykki þessi (ó)lög, gegn 70% vilja þjóðarinnar, það er ekki gjá, bilið er of stórt til að vera gjá, í raun bara "himinn & haf milli þings & þjóðar" enda skilur ekki þjóðin þá ÖMURLEGU verkstjórn Jóhönnu & SteinFREÐS í þessu skelfilega máli.  Geta íslenskra stjórnmálamanna er til skammar, ef þetta lið væri að vinna fyrir einkafyrirtæki þá væri búið að reka það á staðnum.  Óli grís á að SAMEINA þjóðina, en leppalúði er snillingur í að SUNDRA þjóðinni.  Ég segi nú bara um okkar skítapakk - sorry - okkar stjórnmálamenn "helvítis fukking fukk".

kv. Heilbrigð skynsemi (fun.blog.is)

[Elle_, 31.12.2009 kl. 15:58]

Kæri Ragnar að ofan: Steingrímur J. Sigfússon hefur logið og logið og svikið: Steingrímur J. í janúar sl.:

Eins og undirritaður lýsti yfir við atkvæðagreiðslu um málið í þinginu 5. desember síðastliðinn lítur þingflokkur Vinstri grænna á samninginn sem riftanlegan eða ógildanlegan nauðungarsamning:

http://www.amx.is/adgerd.php?adgerd=pdf&id=7628  

Hlustaðirðu á ræðurnar hans og lygarnar síðan hann varð að undirlægju Samfylkingar Jóhönnu???   Núna er Icesave ekki lengur Samfylkingunni að kenna samkvæmt lygunum í honum og Jóhönnu.  Það er nú samt þannig að ICESAVE-STJÓRN Jóhönnu og Steingríms á Icesave og er eina stjórnin sem hefur samþykkt Icesave-kúgun.   Og ég kaus VG: Í SÍÐASTA SINN.

[Jón Valur Jensson, 31.12.2009 kl. 17:15]

Ragnar, þú ert grófur að kalla mg og fleiri hér "aftaníossa gæsalappa". Þú minnist hér á útrásaglæpona, en við höfum ekkert verið að verja þá, hins vegar vilt þú greinilega (ekki sízt samkvæmt innleggi þínu á minni Þráins-skamma-síðu) borga fyrir skuldir þeirra!!! Björgólfur Thor og faðir hans Björgólfur eru ábyrgir fyrir þessum Icesave-skuldum Landsbankans, og bæði þú og þeir viljið velta þeim yfir á þjóðina! Kanntu ekki að skammast þín?

Á unga kynslóðin í landinu að borga einkaskuldir útrásarauðkýfinga? – manna sem eru ekki einu sinni búnir að borga kaupverð Landsbankans til ríkisins og hafa til að bera þá ótrúlegu óskammfeilni, að fyrir fáeinum mánuðum óskuðu þeir eftir helmings-afslætti á Kaupþingsláninu sem þeir tóku til kaupanna á Landsbankanum! - "bara" þriggja MILLJARÐA króna afslátt!! - sem er þó brotabrot af því, sem þú og þínir líkar, gersamlega fáfróðir eins og þið eruð, viljið þvert gegn lögum láta ÞJÓÐINA taka á sig af skuldum þessa prívatbanka!

Á meðan styður þú sennilega Samfylkinguna, flokk bankamálaráðherrans fyrrverandi Björgvins G. Sigurðssonar, sem flokkurinn treystir nú til að vera sinn þingflokksformaður! Allur og óskiptur kýs sami flokkur með þessum þjóðsvikalögum í gær, en ekki nóg með það, heldur er iðnaðarráðfreyja flokksins, Katrín Júlíusdóttir, nýbúin að samþykkja, að sami vanskilamaður, útrásarvíkingurinn Björgólfur Thor, fái að kaupa vænan hlut í orkufyrirtæki hér á landi, án þess að hafa staðið í skilum við ríkið vegna Landsbankans!

Hvað er að í þessu þjóðfélagi? Af hverju er ekki allt vitlaust út af þessu öllu? Hvaða heybrækur eru þeir, sem vita þetta allt, en gera EKKERT í því?

Eruð þið búnir að skrifa ykkur inn á lista InDefence-hópsins, lesendur góðir? Smellið ykkur inn á hann hér ofar til að skoða ykkur um. Þetta er í raun og veru bænarskrá til forsetans, að hann leyfi þjóðinni að ráða í þessu alvarlega máli hennar. Þjóðin þekkir málið. Hún á að ráða.

Spennandi frétt: Nú hafa 49.962 skrifað undir áskorun þessa til forseta Íslands. Hver vill verða nr. 50.000?

[Halldór Jónsson, 31.12.2009 kl. 17:40]

Lesið þið nú lögin í rólegheitum. ´Þegar Sjálfstæðisflokkurinn kemur aftur til valda verður allt þetta mál tekið upp og samningamenn með viti sendir á fund Breta og Hollendinga sem munu semja um málið uoppá nýtt. Það eru allar gáttir opnar. En auðvitað verður að velja samningamennina betur en síðast var. gert.

Upp með húmorinn Jón Valur, þetta er ekki búið enn. Nú skulum við njóta þess að sjá Óla forseta sprikla á milli eigin yfirlýsinga og kommasálarinnar sinnar.

[Baldur Hermannsson, 31.12.2009 kl. 17:45]

Ykkur til gamans:

Pressan: http://www.pressan.is/Frettir/Lesafrett/eirikur-gudna-um-gagnryni-a-vedlan-sedlabankans-um-samantekin-politisk-rad-ad-raeda

  

31. des. 2009 - 16:00

Eiríkur Guðna um gagnrýni á veðlán Seðlabankans: Um samantekin pólitísk ráð að ræða

Eiríkur Guðnason fyrrverandi Seðlabankastjóri segir gagnrýni veðlán Seðlabankans árið 2008 dæmigerða eftiráskýringu og telur hann að um samantekin ráð hafi verið að ræða þegar gagnrýnin komst á flug aftur um mánaðamótin september-október síðastliðnum. Eiríkur gagnrýnir jafnframt lánshæfismats fyrirtækin sem hann segir hafa farið offari.

Þetta kemur fram í viðtali við Eirík í áramótablaðið Viðskiptablaðsins. Segir hann að talsverðs misskilnings gæta í gagnrýninni og bendir hann á að rannsókn hljóti að beinast að eignum og framsetningu reikninga viðskiptabankanna. Áberandi í gagnrýni á veðlánin hafa verið athugasemdir um að bankinn hefði átt að taka veð í eignum bankanna en ekki einungis skuldabréfunum, Eiríkur segir bréfin sem Seðlabankinn tók sem veð hafi útgefin af bönkum með viðunandi lánshæfismat og eiginfjárstöðu á þeim tíma og því hefði mátt ætla að þetta væru góð veð.  „Reynist þau verðlítil hefur eitthvað verið stórlega athugavert við mat á eignum og framsetningu reikninga hjá hlutaðeigandi fjármálafyrirtækjum.“

Eiríkur segist sannfærður um að gagnrýnin á Seðlabankann hafa verið af pólitískum toga og mótaðist af miklum fordómum gagnvart Davíð Oddssyni. „Það sem Seðlabankinn gerði hér var viðleitni til að mæta vanda sem steðjaði, auðvitað í þeirri von að aðstæður myndu lagast aftur, millibankamarkaðir tækju að mikðla fé á ný og alþjóðakreppan að ganga til baka. Það tókst því miður ekki“.

Jóhanna Sigurðardóttir gerði veðlán Seðlabankans að umtalsefni í ræðustól í gær og hafa þekktir Pressupennar deilt um málefni Seðlabankans undanfarnar vikur.