La Tour Eiffel

hef ég fyrir talsvert fyrir augunum þar sem ég horfi mikið á France24.

Ég hef komið í Eiffelturninn einu sinni. Núna hugsa ég talsvert um það hvílíkt afrek það var hjá Gustav Eiffel og félaganum Nouguier að hanna þennan turn og láta byggja hann 1889. Úr járni en ekki stáli. Úr steypujárni frekar en prófílum. Með hnoðum en ekki suðu. 

Hafandi aðeins blýant og pappír og engar tölvur. Ekki gæti ég gert þetta svo mikið er víst.

Þvílíkt afrek er la Tour Eiffel.

 

Nú tekur á hjá Talibönum

sem kunna helst ekkert annað en að drepa sitt eigið fólk.

Nú er ekkert til að éta hvað þá annað í Afganistan. Þá bjóða Talibanar bara byssurnar sínar fram. Þessi ómenntaði skríll hefur ekki yndi af neinu nema manndrápum og nauðgunum.

Nú eiga Ameríkanar líklega að senda mat til Afganistan í nafni mannúðar.Mikið þyrfti að losna við svona 40 þúsund Talibana og vopnin þeirra ef á að koma einhverju skikki á landið.

Nú tekur í hjá Talibönum ef þeir eiga að gera eitthvað annað en að stúta almenningi.

Á Líf að ráða

fyrir mig? Ef ég er með bíladellu af hverju á það að vera geggjað fyrir mig að keyra í strætó eða Borgarlínu?

Þessi Borgarstjórnarkommi skrifar svo í Fréttó:

"„Það er bara geggjað að vera í strætó.

Maður fær ógeðslega mikinn tíma og svo er frítt wi-fi. Bara alger læfseifer,“ sagði 11 ára dóttir mín þegar við vorum að ræða fyrirkomulagið á gítartímanum hennar.

Hún hefur lært á gítar í tvö ár og í fyrstu skutlaði pabbi hennar henni með tilheyrandi vinnuraski og umhverfisálagi.

Frá því í janúar hafa börn 11 ára og yngri fengið frítt í Strætó. Síðan þá hefur hún sjálf séð um að koma sér í og úr gítartímum. Dóttir mín hefur ekki látið staðar numið við gítartímana heldur fer hún miklu víðar, stundum ein en oftar í félagsskap vina sinna, til að sinna sínum ýmsu hugðarefnum.

Nútímakrakkar eru þaulvanir farsímum og eiga auðvelt með að skipuleggja ferðir sínar og komast þangað sem þau vilja. Hún og aðrir krakkar í kringum hana upplifa því frelsið sem fylgir því að komast ferða sinna sjálf með almenningssamgöngum sem gerir þau vonandi að framtíðarnotendum.

Smávægilegar breytingar á þjónustu eða verkefnum geta orðið til stórra breytinga á umhverfi okkar og hegðun. Ákvörðun Strætó um að niðurgreiða ferðir 11 ára og yngri hefur fjölgað notendum í þeim hópi. Það er mín skoðun að við eigum að niðurgreiða almenningssamgöngur og aðra vistvæna ferðamáta og halda gjaldtöku í lágmarki, ekki síst fyrir þau sem nýta sér þær að staðaldri.

Við þurfum að vinda ofan af áratugalangri áherslu á einkabílinn sem okkar helsta samgöngumáta. Hingað til hefur niðurgreiðsla á öllu sem að honum snýr numið milljörðum króna í formi ókeypis bílastæða, mislægra gatnamóta, vegaframkvæmda og annarrar þjónustu.

Ofan á allan þann kostnað úr almannasjóðum bætist svo annar kostnaður sem bíleigendur greiða úr eigin vasa. Það er pólitísk ákvörðun að niðurgreiða samgöngur og morgunljóst að sú niðurgreiðsla á að beinast að almenningssamgöngum, innviðum göngu- og hjólastíga og fjölbreyttari ferðamátum.

Sú fjárfesting skilar sér margfalt til umhverfisins og ánægðari íbúa „sem elska að vera í strætó þegar byrjar að dimma“, eins og hún dóttir mín. "

Af hverju eiga svona kommar og krakkarnir þeirra að ráða fyrir mig? Ég vil minn bíl . Það er minn lífsstíll.

Ég vil ekki láta Líf ráða fyrir mínu lífi.

 

Er þetta leið?

út úr loftslagsþversögbninni?

Fá orkugjafa sem ekki blæs út CO2?

Guðmundur Pétursson rafmagnsverkfræðingur skrifar merka grein fyrir mig í Morgunblaðið í dag. 

Þar segir hann:

"Metan er innlent og ódýrt eldsneyti og er kolefnishlutlaus orkugjafi.

Bensín er nú næstum 100% dýrara en metan til notkunar í farartækjum og munar um minna í rekstrarkostnaði. Tæplega 400 farartæki eru nú knúin metani á Íslandi.

Fyrir utan bensín og dísilolíu er metan (CH4) algengasta eldsneyti á Íslandi í dag. Metaneldsneytið sem í boði er hér á landi í dag er hreinsað hauggas frá Sorpu á Álfsnesi og nýju GAJA-gasgerðarstöðinni þar eða frá sorpstöðinni á Akureyri.

Mögulegt er hins vegar að nýta útblástur á koltvísýringi (CO2) frá jarðgufuvirkjunum og iðjuverum, t.d. kísilmálmverum, svo og „grænt“ vetni frá rafgreiningu vatns til framleiðslu á metanrafeldsneyti (CH4).

Jarðgufuvirkjanirnar losa talsvert mikið magn af CO2 auk annarra gastegunda, t.d. brennisteinsvetnis (H2S), og eru því í raun ekki eins hreinar og umhverfisvænar og yfirleitt er gefið í skyn. Þær losa nú samtals um 170 þúsund tonn af CO2 á ári, eða um það bil 20% af heildarlosun frá vegasamgöngum hér.

Þéttleiki CO2 í útblæstri frá jarðgufuvirkjunum er um 75%, frá kísilmálmverksmiðjum um 3,5%, álverum um 2% en í andrúmsloftinu aðeins 0,04 %. Það hlýtur því að vera tiltölulega umfangsmikið og dýrt að fanga og vinna CO2 úr andrúmsloftinu en það er hægt eins og Climeworks hefur sýnt. Ofangreint ferli nefnist á ensku „Power-to-Gas“ með Sabatieraðferð og hefur undirbúningur að slíkri framleiðslu hér á landi þegar staðið í nokkur ár á vegum svissneskra aðila, „Nordur Power SNG/ Swiss Green Gas International AG“.

Þessir aðilar eru í eigu öflugra svissneskra orkufyrirtækja en bakgrunnurinn að þessum fyrirætlunum er orkustefna og markmið Sviss fyrir árið 2030. Þá eiga 30% prósent af allri gasnotkun í Sviss að vera af endurnýjanlegum og kolefnishlutlausum uppruna. Því takmarki munu þeir ekki ná á heimavelli eingöngu og leita því til Íslands og Noregs (EFTA) þar sem góðir möguleikar eru fyrir hendi á slíkri framleiðslu.

Þessi tækni hefur þegar verið þróuð og reynd þar ytra með góðum árangri þótt í smærri stíl sé en hér er áformað. Stærðareining á hverjum stað hér væri 25-50 MW í rafafli með þörf fyrir 25-50 þúsund tonn af CO2 á ári. Rekstur og orkunotkun slíkrar framleiðslu er mjög sveigjanleg og gerir kleift að aðlaga sig einstaklega vel orkuframboði.

Þessi undirbúningur hefur átt sér stað í góðri samvinnu við öll stóru jarðvarmaraforkufyrirtækin á Íslandi svo og ýmsa aðra aðila og standa vonir til að bráðlega verði hægt að hefja raunverulega framleiðslu. Undirritaðar hafa verið viljayfirlýsingar og gerð samkomulagsdrög um ýmislegt varðandi samstarf á þessu sviði og er þetta mál vel kunnugt fjölmörgum aðilum hér og m.a. opinberum aðilum. Engir endanlegir samningar varðandi aðstöðu, orkuafhendingu og annað hafa þó verið undirritaðir enn.

Rafgert íslenskt metan (sem við höfum kallað megas, með fullri virðingu fyrir skáldinu) er skilgreint sem endurnýjanlegt grænt eldsneyti og getur því stuðlað að tilsvarandi minnkun á notkun jarðefnaeldsneytis og jarðgass í Sviss.

Svona tilbúið metangas má hæglega vökvagera hér en við það minnkar rúmmál þess 600-falt og þannig má auðveldlega flytja það út í tönkum. Mjög tryggur og stór markaður er fyrir slíkt endurnýjanlegt vökvagert gas í Sviss, bæði fyrir almenna gasdreifikerfið og áfyllistöðvar fyrir flutningabíla.

Tilfinnanlega vantar þó enn samræmda (evrópska) reglugerð hvað varðar viðurkennda skráningu á slíkri kolefnisnýtingu og tilfærslu (CCU: Carbon Capture and Utilisation). Einnig er stefnt að því að bjóða „megas“ til sölu hér á Íslandi eins mikið og markaður verður fyrir og þá einnig á vökvaformi fyrir farartæki til vöru- og fólksflutninga, svo og einnig fyrir skipin. 

Framleiðsla og notkun á metanrafeldsneyti er tvímælalaust mjög vænlegur kostur af mörgum ástæðum. Það sparar innflutning á jarðefnaeldsneyti og eykur orkuöryggi landsins. Það dregur verulega úr mengun og útblæstri.

Getur verið ábatasamur útflutningur – á raforku – og stuðlar að uppbyggingu á „grænum“ iðnaði hér. Tími er kominn til að hefjast handa á þessu sviði."

Eina sem ekki gengur upp í mínum huga og þekkingarbanka er vetnisframleiðslan.Rafgreiningin gengur víst ekki upp kostnaðarlega. Það vantar ódýrt vetni sem er ekki í boði. En finnist aðferð til þess þá væri björninn unninn.

Ég hef heyrt ávæning af við að  Pútin hafi gert eitthvað raunhæft til að vinna vetni úr gasi en brestur þekkingu til að ræða það.

Aðalatriðið er að mannkynið ferst án orku. Og orka kemur ekki án útblásturs. Og útblástur verður mestur við bruna jarðefnaeldsneytis, olíu, gass og kola.

Ef við finndum leið til að framleiða vetni á hagkvæman hátt  þá væri metanið líklega leiðin þó að Dagur B.kaupi rafmagnsstrætóa eftir sem áður. 

Mótsagnir

eru svo miklar í loftslagsumræðunni að furðu sætir.

Í Gljáskógum standa þoturnar í breiðum að bíða eftir heimför helvítisprédikarana um hamfarahlýnun andrúmsloftsins sem stafi af stjórnlausum CO2 útblæstri.

Á sama tíma verður Joe Biden uppvís að því að hvetja OPEC til að dæla upp meiri olíu til að forða vestrinu frá verðbólgu. Og Putin er beðinn að koma með nóg gas svo að Evrópusambandið krókni ekki í vetur. Aðeins Frakkar virðast vilja byggja kjornorkuver til orkuframleiðslu  meðan Þjóðverjar geta aðeins boðið upp á endurræsingu gömlu kolakyntu orkuveranna.

Heimurinn getur ekki verið orkulaus. Og orkan getur ekki komið nema úr jörðinni enn sem komið er. Kjarnorkufælnin hefur sett verulegt strik í reikninginn hjá orkulausum Evrópusambandsþjóðum. Þær vita ekki sitt rjúkandi ráð ef ekki berst gas frá Pútín.

Hvernig við getum jarmað í kórum um minnkun útblásturs en á sama tíma heimtað vinnu og brauð eins og Horst Wessel á sínum tíma gengur ekki upp.

Og Íslendingar geta ekkert annað heldur. Bókstaflega öll hreyfanleg starfsemi er hér knúin af olíu. Allt annað er bara fikt án efnahagslegra áhrifa. 

Hagvöxtur og kolefnisleysi fer bara ekki saman.Það er mótsögnin í öllum hávaðanum.

 

Fjörtíuþúsund fiflunum fækkaði

um helming frá Parísarsýningunni 2015 til Gljáskógaviðburðarins 2021.

Það er hugsanlega erfiðara að halda fram og fá fólk til að trúa því að hamfarahlýnun  sé í gangi núna heldur en þá. Þotuliðið og orkusóðaskapur fulltrúanna nú fór ekki fram hjá almenningi.

Og svörin við orkukröfum samtímans voru engin önnur en að framleiða meira af orku. Og hún kemur úr jörðinni að langmestu leyti eða um 84 %.

Kínverjar brenna kolum fyrir raforku sem aldrei fyrr og Pútín býr til gas í metmagni til að halda hita á Evrópusambandsvesalingum Ursulu í vetur.

Hvenær og hvar verður næsta uppákoma haldin til að viðra áhyggjurnar yfir þvi að mannkynið sé komið framyfir endimörk hitaþolsins.?

Hversu margir af hinum upphaflegu fjörtíuþúsund frá París munu mæta þar jafnsannfærðir? 

 

 

Má ekki minnast á þetta?

Vilhjálmur Eyþórsson rifjaði upp margt á miðju sumri um lofstlagsmál á síðu sinni.

Meðal annars komuu   þessar klausur fram:

 

"Koldíoxíð er, ásamt vatni, undirstaða alls lífs á jörðinni. Þegar jörðin var ung, fyrir um fjórum milljörðum ára, áður en lífs varð vart, virðist það hafa verið yfir 20% gufuhvolfsins. Það hefur streymt úr iðrum jarðar æ síðan og ef lífsins nyti ekki við væri það nú örugglega meginuppistaða gufuhvolfsins eins og á systurplánetu jarðar, Venusi. En á Venusi er ekki fljótandi vatn, svo líf getur ekki þrifist.

                           -----------------------

Hér hefur koldíoxíðið, ásamt vatni og með því að tengjast ýmsum frumefnum myndað þær gífurlega flóknu keðjur kolvetnissambanda sem eru lífið sjálft. Það er fráleitt og beinlínis fáránlegt að tala um þessa undirstöðulofttegund í gufuhvolfinu frá upphafi og byggingarefni sjálfs lífsins sem „mengun”, eins og gróðurhúsamenn gera í ofstæki sínu og fáfræði.
Réttara væri að tala um óbundið súrefni og hið þrígilda afbrigði þess, ósón, sem „mengun”, því óbundið súrefni er ekki upprunalegt í gufuhvolfinu og ekki nauðsynlegt lífi, heldur úrgangsefni frá jurtalífinu sem dýrin, sumar bakteríur, allir sveppir (og maðurinn) nýta sér. Þessi „saur jurtanna” myndar nú 20,9% gufuhvolfsins en koldíoxíðið, sjálf undirstaða lífsins, var komið nokkurn veginn í jafnvægi, þ.e. niður undir ca. eitt kíló í hverju tonni gufuhvolfsins á fyrstu ármilljörðum lífsins, löngu fyrir daga risaeðlanna. Það er nú um 0.038% eða ca 400 grömm í tonni andrúmslofts.

                                         ----------------------

Það er rúmlega fimmtíu sinnum meira í höfunum, (sem eru basísk, með ph 8,2 og geta því ekki súrnað)

                                         -----------------------

 Af þessum 400 grömmum í tonni andrúmslofts eru kannski 10 grömm manngerð, en vel hugsanlega miklu minna.Raunar mælist koldíoxíð mjög mismikið eftir landsvæðum og árstíðum og tímum sólarhrings, eykst á nóttinni, minnkar á daginn.

Koldíoxíð kemur að sjálfsögðu að hluta frá andardrætti manna, dýra, fugla, fiska (neðansjáar). skordýra (gífulegt magn, sem alltaf gleymist) og ekki síst kemur það frá sveppagróðri og aeróbískum (ildiskærum) bakteríum. Allt sem deyr ofansjávar og neðan breytist að miklu leyti í koldíoxíð fyrir tilverknað þessarra örvera. Menn ættu að hafa í huga að örverur eru um helmingur lífmassa jarðarog þetta magn er gífurlegt (sbr. t.d. framræsla mýra).

 

                                   ----------------------------

Þá er ótalið allt það, sem streymir af þessari ósýnilegu, lyktarlausu lofttegund upp úr jörðinni allan sólarhringinn alla daga úr öllßum lág- og háhitasvæðum jarðar ofansjávar og neðan auk þess sem eldfjöllin leggja öðru hvoru til. Jafnvel í ýmsum jarðfræðilega „köldum" löndum eru víða ölkeldur, sem koldíoxíð streymir upp um.
Þetta er óskaplegt magn, en eldvirkir neðansjávarhryggir ná um 50 þús. kílómetra í mörgum hlykkjum umhveris jörðina og á þeim eru hunduð þúsunda eða milljónir loftventla og eldgíga.

                                        --------------------------

 

Allar jurtir, ofansjávar og neðan eru að miklu leyti úr kolefni, oft 30-50% og bókstaflega allt þetta kolefni kemur úr koldíoxíði. Menn og dýr eru líka að miklu leyti úr kolrfni, sem upphaflega hefur komið úr koldíoxíði gufuhvolfsins.

                                       ---------------------------

Jurtirnar þurfa gífurlegt magn koldíoxíðs á hverjum degi til að vaxa og dafna, mynda nýjar frumur og vefi og nýtt súrefni, en allt súrefni gufuhvolfsins hefur áður verið koldíoxíð (annar helmingur mólekúlsins).Þessi hringrás tekur aðeins innan við tíu ár.

                                       --------------------------

 

Gróðurhúsaáhrif koma að langmestu leyti frá vatnsgufu 

                                        ------------------------

Borkjarnarannsóknir hafa m.a.  sýnt, að þessi kólnun og þornun hefur gengið í sveiflum. Hitaasveiflan nú  er hvorki mikil né merkileg í samanburði við margar aðrar upp- og niðurveiflur undanfarnar aldir og árþúsundir. Í upphafi 18. aldar hlýnaði t.d. miklu meira g hraðar en nú, en svo kólnaði aftur. Oft áður hefur hlýnað um stund og jöklar hopað smávegis, en kudinn hefur alltaf komið aftur og orðið meiri en sem nam uppsveiflunni. Til lengri  tíma kólnar því stöðugt og ekert bendir til að fyrrnefnd  smávægileg uppsveifla sem nú virðist lokið sé eitthvað öðruvísi en allar hinar.

Menn, allra helst vísindamenn, ættu að vita, að fyrir um 11.500 árum varð gífurleg „hamfarhlýnun“  (án afskipta mannanna) þegar hitastig hækkaði skyndilega um tíu stig eða meira á örstuttum tíma þannig að jökulskildirnir miklu bráðnuðu og yfirborð sjávar hækkaði um marga tugi metra.  Hlýnunin náði hámarki fyrir 7-8 þúsund árum á tímabili sem gjarnan er nefnt „holocen-hámarkið“, en Blyth- Sernander nefndu  „Atlantíska skeið bórealska tímans“. 

Þá virðist hiti hérlendis hafa verið a.m,k.  fjórum stigum hærri en nú .  Hann virðist þó hafa verið  enn meiri norðar, því nýlegar rannsóknir í mýrum á Norður- Grænlandi og Svalbarða sýna að þar þrfifust jurtir, sem þurfa um  sjö stigum hærri meðalárshita en nú er þar. Norskar rannsóknir á skeljum á Svalvarða benda  þó til að hiti þar hafi „aðeins“ verið um sex stigum hærri en nú.

Það var um þetta leyti sem elstu merki um siðmenningu komu fram við bottn Miðjarðarhafs og sömuleiðis virðast hin elstu hinna dularfullu einsteinugnsmannvirkja Vestur- Evrópu hafa þarna verið að rísa, en af þeim er Stonehenga frægast þó það sé nokkru yngra.

Jörðin var sem aldingarður. Ísland var algróið. Trjástofnar  undir jöklum  og í mýrum í háfjöllum Skandinavíu og við strendur Norður- Íshafs sanna að trjálína var meira en 700 metrum hærri en nú  og núverandi freðmýrar norðurhjarans skógi vaxnar allt til sjávar. Þetta eru ekki tölvulíkön, heldur staðreyndir, sem auðvelt er að staðfesta.  Miklar mannvistarleifar,  ekki tölvulíkön, sanna sömuleiðis, að ekki aðeins Sahara, heldur einnig núverandi eyðmerkur Arabíu og Mið- Asíu voru þá að mestu þurrlendar gresjur, byggðar mönnum og dýrum.

Hvað gerir til, þótt þetta loftslag kæmi aftur? Hvað er vandamálið? Ég bara spyr.

                                       -----------------------

Eftir holcen- hámarkið fóra að kólna og þorna sem fyrr sagði, þó í sveiflum og rykkjum Í nýlegri bók íslensks jöklafræðing kemur fram, að fyrstu skaflarnir, sem síðan uruðu Vatnajökull fóru að myndast fyrir um 4.500 árum samtimis því, sem Forn- Egyptar voru að reisa píramída sína. Mættu leiðsögumenn gjarnan benda túristum á þetta, en þessi stareynd virðist hafa farið alveg framhjá mörgum, ekki síst liðinu sem jarðsöng Okið á döguum, en það er talið hafa myndast á 14. öld.

               --------------------------------

Hvers vegna í ósköpunum er annars verið að berjast gegn þeirr blessun, sem endurhlýnun væri?

                     ---------------------
Ekkert bendir til að loftslag sé að hlýna til lengri tíma, því miður. Núverandi hlýskeið er þegar búið að ná meðallengd og því má búast við nýju jökulskeiði (ísöld) á þessu árþúsundi eða því næasta, jafnvel á þessari ödld. Kílómetraþykkur jökull mun þá enn einu sinni leggast yfir löndin í hundrað þúsund ár.
         

"

-----------------------------

Ekki geta fundarmenn í Gljáskógum afgreitt þessa punkta sem staðlausa stafi. Ekkki geta Gréta Thinberg eða Katrín Jakobsdóttir komið með rök sem ryðja þessu punktum úr vegi. 

 Þetta er allt vísindalega sannað. Hvernig ætla þær að sanna hitafarsspár sínar eftir hundrað ár? Af hverju er rétt að borga fyrir hugarfóstur sem ekki byggja á neinu nema tilgátum?

Til skemmri tíma mættum við spyrja hér á höfuðborgarsvæðinu hversvegna við þurfum skyndilega að greiða 30% hærri sorphirðugjöld vegna trúar vinstri manna á moltugerð og sorpurðun umfram sorpbrennslu eftir að GAJA sýnis sig að hafa mislukkast frá A-Ö? Heimska þeirra og tæknilegur vanþroski brennir þar metani út í loftið en kaupir rafknúna Borgarlínu.

En moltan er svo ónothæf til viðbótar vegna klúðurs.

Allt saman staðreyndir um mistök.

Af hverju má þá  ekki minnast á sögulegar staðreyndir þegar hitafarslíkur jarðar eru til umræðu sem álagningargrunnur gjalda á skattgreiðendur?

 

Barátta Sólveigar Önnu

 

Fróðlegt yfirlit yfir innrás nýkommúnista undir forystu Sólveigar Önnu Jónsdóttur (Múla Árnasonar Stalínista)við undirleik Gunnars Smára Egilssonar sem var leigður stuðningsmaður hverra þeirra afla sem vildu borga vegna þess að hann væri líklega sértakur "ritsnillingur", er í Morgunblaðinu í dag. 

 

Þar ritar Björn Bjarnason yfirlit yfir þessa stjórnmálasögu þar sem pólitík er rekin undir flaggi stéttabaráttu og kostuð af sparifé verkalýðshreyfingarinnar í áranna rás."Fé án hirðis "vakti þannig athygli einbeitts hóps fólks víðar en í SPRON  sem lét til skarar skríða.

Björn skrifar:

 

"Guðmundur Baldursson, stjórnarmaður í Eflingu – stéttarfélagi, gekk á eftir upplýsingum um efni kvartana starfsmanna félagsins til formanns, varaformanns og skrifstofustjóra þess. Sólveig Anna Jónsdóttir formaður krafðist þess á fundi með starfsfólkinu föstudaginn 29. október að það styddi hana eða hún hætti sem formaður. Það gerði hún að kvöldi sunnudags 31. október og mánudaginn 1. nóvember hætti Viðar Þorsteinsson skrifstofustjóri. Starfsmenn félagsins hefðu svipt formanninn ærunni opinberlega, sér væri ekki lengur sætt.

Spurning er hvort þetta séu fjörbrot Sósíalistaflokks Íslands í verkalýðshreyfingunni. Ofríki og þörf fyrir að hafa aðeins jámenn í kringum sig einkennir valdakerfi kommúnista. Leynimakk, sellufundir og hreinsanir eru hluti stjórnarhátta þeirra.

Efling – stéttarfélag var stofnað í desember 1998. Efnt var til fyrstu listakosningar í sögu þess í mars 2018. Þar vann nýtt framboð undir forystu Sólveigar Önnu afgerandi sigur. Hlaut listinn 2.099 atkvæði eða um 80% greiddra atkvæða. Listi studdur fráfarandi stjórn hlaut aðeins 519 atkvæði. Af 16.578 félagsmönnum á kjörskrá nýttu einungis 2.618 atkvæðisrétt sinn. Á vefsíðu félagsins voru félagsmenn sagðir um 27.000 árið 2018. Í raun naut Sólveig Anna stuðnings um 8% félagsmanna. Hún var síðan sjálfkjörin vorið 2020.

Áður en Sólveig Anna bauð sig fram í Eflingu átti hún hlut að því með Gunnari Smára Egilssyni og Viðari Þorsteinssyni að stofna Sósíalistaflokk Íslands. Samdi Viðar lög flokksins.

Eftir valdatökuna í Eflingu hófu þau strax brottrekstur starfsmanna, klassískar hreinsanir. Þráinn Hallgrímsson, skrifstofustjóri og starfsmaður félagsins frá upphafi, mætti „svívirðilegri framkomu“ Sólveigar Önnu á starfsmannafundi og var rekinn í maí 2018. Annað starfsfólk þurfti að leita læknis- og sálfræðiaðstoðar vegna niðurlægjandi brottvísana og uppsagna.

Hagfræðingur félagsins vék fyrir Stefáni Ólafssyni, prófessor við Háskóla Íslands. Til að standa fyrir nýju félagssviði Eflingar var í október 2018 kallað á Maxim Baru, verkalýðs-aðgerðasinna í Kanada. Hann var svo rekinn í lok mars 2019. Segir hann útlendingahatur hafa ráðið hjá Sólveigu Önnu gegn sér og öðrum starfsmönnum af erlendum uppruna. Mótlæti og karlremba hafi ýtt undir sjálfseyðandi vænisýki (e. self-destructive paranoia) og hún sjái óvini í hverju horni.

Haustið 2018 beindist fjölmiðlaathygli töluvert að Sólveigu Önnu, meðal annars vegna þessara orða hennar: „… kallið mig byltingarkonu, í guðanna bænum! Megi þá helvítis byltingin lifa.“

Það verður rannsóknarefni höfunda sögu Eflingar og Alþýðusambandsins að greina raunveruleg áhrif félaganna í Sósíalistaflokki Íslands innan verkalýðshreyfingarinnar. Þeir ætluðu sér stóra hluti.

Þar má sérstaklega líta til kjaramála í febrúar 2019 þegar forystumenn Eflingar, Verslunarmannafélags Reykjavíkur, Verkalýðsfélags Akraness og Verkalýðsfélags Grindavíkur tóku höndum saman. Baráttan sjálf var sett í fyrirrúm. Skemmdarverkföllum var beitt gegn hótelum og fólksflutningafyrirtækjum. Þeir sem hreyfðu andmælum voru sakaðir um óvild í garð láglaunafólks.

„Þetta eru mjög umfangsmiklar aðgerðir, hannaðar með það fyrir augum að valda hámarkstjóni með sem minnstum tilkostnaði þeirra sem að þeim standa,“ sagði Halldór Benjamín Þorbergsson, framkvæmdastjóri Samtaka atvinnulífsins.

Aðgerðirnar runnu út í sandinn, hefðbundnir og ábatamiklir kjarasamningar, lífskjarasamningarnir, voru undirritaðir 3. apríl 2019. Sólveig Anna reiddist og rak Maxim Baku verkfallsstjóra með bréfi dags. 29. mars 2019 og síðan fleiri útlendinga úr starfsliði Eflingar. Sólveig Anna sætti sig ekki við lífskjarasamningana, kallaði þá vopnahlé. Í ársbyrjun 2020 rauf Efling friðinn með því að taka leikskóla Reykjavíkurborgar í gíslingu. Þegar þungi farsóttarinnar jókst í byrjun mars 2020 náðust samningar. Skærur gegn lífskjarasamningunum þóttu ekki við hæfi. Það var þó gripið til þeirra að nýju þegar sóttvarnir milduðust vorið 2020.

Flugfreyjudeilan við Icelandair vorið og sumarið 2020 sameinaði Sólveigu Önnu, Drífu Snædal, forseta ASÍ, og Ragnar Þór Ingólfsson, formann VR, í hatrammri atlögu að flugfélaginu. Öllum ráðum skyldi beitt til að knésetja það.

Þegar stjórnendur Icelandair sögðu flugfreyjum upp störfum um miðjan júlí 2020 og Lára V. Júlíusdóttir vinnuréttarsérfræðingur sagði ákvarðanir Icelandair í samræmi við lög lét Sólveig Anna þessi orð falla á Facebook:

„Einn truflaðasti meðlimur reykvískrar borgarastéttar talar úr hliðarveruleika hinna auðugu. Ömurlegt þvaður í ruglaðri manneskju.“

Stjórnarandstaðan spilaði með og Drífa Snædal krafðist þess að lífeyrissjóðir starfsfólks á Íslandi yrðu ekki notaðir til að fjármagna Icelandair. Ragnar Þór Ingólfsson, formaður VR, vildi ekki una því að lífeyrissjóðir veittu stjórnendum skjól til að „starfa óáreittir“.

Hlutafjárútboð Icelandair fór fram um miðjan september 2020. Umframspurn eftir hlutum í félaginu nam um það bil 85% og að útboðinu loknu voru um ellefu þúsund manns hluthafar í Icelandair og áttu almennir hluthafar um helming hluta. Tilraunin til að spilla áhuga á að fjárfesta í félaginu misheppnaðist gjörsamlega.

Ferill félaganna í Sósíalistaflokknum í Eflingu og við hlið Drífu Snædal innan ASÍ er óglæsilegur. Eina sem heppnaðist var valdatakan í upphafi. Þau héldu illa á henni og voru að lokum úthrópuð vegna mannvonsku"

Á hálfu þriðja ári tókst Sólveigu Önnu að skilja eftir sig  djúp spor í þjóðfélaginu og hrista upp í öðrum grunnstoðum.

En á  endanum verður fólkinu  ljóst að hatursgrunnur er ekki líklegur til að ná árangri í baráttu fyrir breyttum og betri  heimi.

Þeir hötuðu skilja ekki hversvegna þeir eru hataðir því þeir finna ekki sök hjá sjálfum sér og á endanum rennur ljósið upp fyrir þeim sem álengdar standa hver eðlis og af hvaða hvötum árásirnar eru.

Einkum má nefna Gunnar Smára Egilsson sem dæmi um slíka baksviðs persónu sem tekur tíma að átta sig á.Þegar hann varð áberandi í´baráttuliði Sólveigar Önnu fór ljós að renna upp fyrr mörgum áhorfanda til hvers baráttuaðferðir hennar myndu leiða. 

 

Sjálfsvarnarkosning

ræður hugsanlega vali sumra kjósenda.

Af hverju kjósa menn Sjálfstæðisflokkinn sem á aðeins eina hugsjón að því að kommarnir segja: Verja kvótakerfið.

Allar aðrar hugsjónir frá 1929 eru til hliðar lagðar.

Á Útvarpi Sögu eru menn uppteknir við þennan söng. Og sjaldan lýgur almannarómur öllu þó ekki sé allt satt.

En gleyma menn ekki einu?

Margir kjósendur kjósa sinn flokk í sjálfsvarnarskyni. Það eru aðrir flokkar á Alþingi sem eru svo hræðilegir að kjósandanum finnst hann verði að verjast þeim með því að kjósa eitthvað annað?

Vil ég sitja uppi með það að hafa Gunnar Smára, Þórhildi Sunnu, Björn Leví eða álíka mannvitsbrekkur sem þingmenn af því að ég fór ekki á kjörstað af einhverjum ástæðum?

Ég held að til séu þeir sem kjósa í sjálfsvörn frekar en af hugsjón.

 

Samkundan um loftslagið

í Gljáskógum (nafnið á Glasgow frá Bjarna Jónssyni rafmagnsverkfræðingi).

Bjarni Jónsson skrifar meðal annars:

"Kjarni málsins er samt sá, að afar takmarkaður árangur mun nást fyrr en tæknin gerir orkuskipti kleif í löndum án nægra endurnýjanlegra orkulinda, og þau eru  mörg.

Vindur og sól henta ekki og eru alltof landfrek.

Það þarf stöðugleika, og kjarnorkan getur veitt hana

Það er ótrúlegur tvískinnungur í orkumálum Þýzkalands og Íslands. 

Í fyrr nefnda landinu hefur kjarnorkuverum verið lokað á undanförnum árum, og öllum á að hafa verið lokað fyrir árslok 2022 samkvæmt ákvörðun Sambandsþingsins í Reichstag-byggingunni í Berlín, af ótta við kjarnorkuslys.

Í síðar nefnda landinu fæst þingið í virðulegri steinbyggingu við Austurvöll, Alþingi, ekki til að taka af skarið um að samþykkja virkjanakosti a.m.k. sem nemur 1,0 TWh/ár sem byrjun, svo að fyrirtækin geti fari að gerað áætlanir um virkjanir.

Það verða engin orkuumskipti, nema ný og áreiðanleg orkuver leysi jarðefnaeldsneytið af hólmi.

Þessu virðist Flokkur fólksins gera sér grein fyrir, en Vinstri hreyfingin græn framtíð hins vegar ekki...."

 

Kína tók ekki þátt í heitstrengingum þeirra sem engu ráða í Gljáskógum en allt þykjaast vita eins og Katrín Jakobsdóttir sem ávarpaði samkunduna fyrir okkar hönd.

En það er Kína sem er samt ábyrgt fyrir bróðurpartinum af útblæstri heimsins.

Af hverju erum við Íslendingar svona sammmála um að útiloka að hér verði byggð kjarnorkuver? Hreinorka eins og vatnsorka.

Heiminn vantar orkuskipti sagði samkundan í Gljáskógum. En geta svona samkundur bæði sleppt og haldið með því að láta Kínverjana afskiptalausa?

Gamli Landspítalinn frá 1929

vekur sífellda aðdáun mína þegar ég gegn þar um ganga sem er all- oft í seinni tíð.

Hversu framsýnn Guðjón Samúelsson var og hversu vel þetta var útfært. Þetta er allt stórkostlegt og starfsfólkið er yfirleitt nær englum en mönnum. Og Borgarspítalinn er ekkert slor heldur þó yngri sé.

Nú er verið að byggja ný hús og margir skræktu upp að gamli spítalinn væri ónýtur. Ekkert er fjarri sanni auk þess sem margsinnis er búið að byggja við hann.

Jón Bjarnason veltir fyrir sér heilbrigðiskerfinu okkar á bloggi sínu:

" Framkvæmdastjóri Viðskiptaráðs og fyrrum aðstoðarmaður fjármálaráðherra um árabil spurði í Silfrinu  með hvössum tón. Borin voru saman viðbrögð við svínaflensu 2009 og Covið nú 2021, Morgunblaðið greinir frá: 

Aðstoðarmaður fjármálaráðherra í áratug spyr 

" Í Silfr­inu á sunnu­dag sagðist Svan­hild­ur Hólm vilja vita hvað hefði breyst á þess­um tólf árum sem gerði það að verk­um að á þeim tíma hafi eng­inn talað um að fara í nein­ar sér­stak­ar aðgerðir til að vernda spít­al­ann vegna þess að hann gæti ekki þolað það álag sem fylgdi far­aldr­in­um". 

„En núna í hvert sinn sem að smit­um fjölg­ar ör­lítið, við erum ekki að tala um að inn­lögn­um er að fjölga stór­kost­lega, þá fer allt í baklás og farið að benda á að hér verði komið á ein­hverju neyðarstigi,“ sagði Svan­hild­ur. 

Spurningin er athyglisverð því að hér spyr aðstoðarmaður núverandi fjármálaráðherra Sjálfstæðisflokksins  um langt árabil og þar áður framkvæmdastjóri þingflokksins. 

 Landspítalinn svarar fyrrum aðstoðarmanni fjármálaráðherrans

"Ríf­lega 900 rúm voru á Land­spít­ala árið 2009 eða 285 rúm á hverja 100.000 íbúa og 18 gjör­gæslu­rými. Í dag eru rúm­in 640 tals­ins eða 175 á hverja 100.000 íbúa og gjör­gæslu­rým­in 14. Hef­ur rúm­pláss­um þannig fækkað um nær helm­ing hlut­falls­lega.

 Eft­ir­far­andi er út­list­un spít­al­ans:

1. COVID-19 hef­ur staðið í 20 mánuði en far­ald­ur svínaflens­unn­ar var viðfangs­efni á Land­spít­ala í 75 daga.
2. Svínaflensa er in­flú­ensa sem er vel þekkt­ur sjúk­dóm­ur en COVID-19 er nýr og áður óþekkt­ur sjúk­dóm­ur.
3. Bólu­setn­ing við svínaflensu hófst strax með góðum ár­angri en bólu­setn­ing­ar við COVID-19 hóf­ust tæpu ári eft­ir að far­ald­ur­inn hófst og ár­ang­ur­inn er ekki jafn góður af þeim bólu­setn­ing­um.
4. Við svínaflensu var unnt að nota veiru­lyfið Tamiflu sem dró úr veik­ind­um og kom jafn­vel í veg fyr­ir þau. Slík lyf eru ekki fá­an­leg við COVID-19.
5. Í svínaflensu­far­aldr­in­um lögðust um 130 sjúk­ling­ar inn á spít­al­ann og þurftu 21 gjör­gæslumeðferð. Það sem af er COVID-19 far­aldri hafa 492 sjúk­ling­ar lagst inn á Land­spít­ala og 87 þeirra þurft gjör­gæslumeðferð, sum­ir oft­ar en einu sinni.
6. Áhrif svínaflens­unn­ar á sam­fé­lagið voru mun minna en COVID-19, þar sem ekki þurfti að beita rakn­ingu, ein­angr­un og sótt­kví. Þessi staðreynd hef­ur um­tals­verð áhrif á starf­semi Land­spít­ala nú.
7. Árið 2009 voru ríf­lega 900 rúm á Land­spít­ala (285/​100.000 íbúa)og 18 gjör­gæslu­rými. Þau eru nú rúm 640 (175/​100.000 íbúa)og gjör­gæslu­rým­in 14.
8. Ekki er rétt munað að ekki hafi þurft að fara í sér­stak­ar ráðstaf­an­ir á Land­spít­ala vegna svínaflens­unn­ar. Starf­semi spít­al­ans tók þeim breyt­ing­um þá sem nauðsyn­legt var í far­sótt eins og nú en þær stóðu aðeins yfir í fá­ein­ar vik­ur, sem kann að skýra að ein­hverj­ir muni ekki þá al­var­legu stöðu sem uppi var á þeim tíma".

    Hlaupið hraðar

"Við krefjumst meiri framleiðni" voru skilaboð fjármálaráðherrans til hjúkrunarfólks sem var að sligast undan álaginu og yfirfullri bráðamóttöku.

Hungrið í aukna einkavæðingu heilbrigðisþjónustunnar liggur undir í spurningu framkvæmdastjóra Viðskiptaráðs.

Þjóðin vill hinsvegar sterkt opinbert heilbrigðiskerfi. "

Búið er að reka forstjórann nýlega og fá nýjan?

Hefur eitthvað breyst við það? Björn Zoega hefur viðrað aðrar hugmyndir.

En 30 % fækkun sjúkrarúma á áratug er víst staðreynd segir Jón.

Af hverju?

Hvað viljum við gera spyr maður sig eins og gamli komminn? 

Maður leiddi hugann minna að þessu meðan maður var ekki fastakúnni. En núna horfir maður kannski öðruvísi á silfrið.Sá er eldurinn heitastur sem á sjálfum brennur.

 

Ég hef ekki vit til að svara neinu af þessu.En ég kann að meta það sem ég sé. 

En það er spurt og maður fær ekki  annað séð að gamli spítalinn frá 1929 megi ekki missa sig hvað sem verður með nýja steypu.

 

 

 

 

Hver er munurinn

á íslenskum fyllibyttum og skólakrökkum og þessu liði sem maður sér myndir af á mannamótum erlendis?

Þeir íslensku eru grímulausir og við hafa engar sérstakar ráðstafanir  COVID 19. John Kerry og flest önnur fyrirmenni sem maður sér á Sky og France24 eru með grímur.

Erum við komnir framúr öðrum? 

Samt fjölgar smitum hjá okkur dag frá degi.

Hver er munurinn á okkur og þeim?