Barnasáttmáli S.Þ

er til umfjöllunar hjá Styrmir Gunnarssyni:

"Í 3.grein Barnasáttmála Sameinuðu þjóðanna, sem fulltrúar Íslands undirrituðu 26. janúar 1990 og var fullgiltur 28. október 1992, segir svo:

"1. Það sem barni er fyrir beztu skal ávallt hafa forgang þegar félagsmálastofnanir á vegum hins opinbera eða einkaaðilar, dómstólar, stjórnvöld eða löggjafarstofnanir gera ráðstafanir, sem varða börn."

Í 11. grein sama sáttmála segir:

"1.Aðildarríki skulu gera ráðstafanir gegn því að börn séuólöglega flutt úr landi og haldið erlendis."

Í ljósi þessara ákvæða má spyrja með hvaða rökum Útlendingastofnungetur haldið því fram, að enn ein ákvörðun um brottvísun barna sé byggð á "faglegum" sjónarmiðum, eins og talsmaður stofnunarinnar hélt fram í viðtali við RÚV.

Er þessi stofnun þeirrar skoðunar að Íslandi sé aðili aðBarnasáttmála SÞ bara upp á punt?

Það er fagnaðarefni að fjölmennur hópur fólks skuli hafa þrammað á Austurvöll til þess að mótmæla þessu framferði stjórnvalda.

Og skiljanlegt að Umboðsmaður barna hafi óskað eftir samtali við viðkomandi ráðherra um málið."

Skiljanlega stendur okkar góða fólk á öndinni yfir kvíða barna afganska flóttamannsins sem á að senda aftur til Grikklands til þeirra þúsunda hælisleitenda sem þar bíða með stöðu fólks sem nýtur alþjóðlegrar verndar. Hversu stór hlýtur sá kvíði ekki að vera sem þjakar allt þetta fólk sem ekki telur sig geta snúið tilbaka til fyrri heimkynna?

Ber okkur Íslendingum að taka þennan kvíða að okkur til að lina hann?

Hvernig kom þessi fjölskylda hingað? Buðum við henni? Er opin pípa frá flóttamannabúðum Grikklands og hingað? Getur fólk bara ákveðið að setjast hér að með stöðu alþjóðlegrar verndar í Grikklandi?

Eigum við að reyna að fá fleiri úr þessu búðum hingað?

Eigum við að marséra til þess frá Hallgrímskirkju í því skyni undir trumbuslætti atvinnugóðkvendisins Semu Erlu Serdar?

Hvers virði er einhver alþjóðleg vernd  S.Þ. í Grikklandi ef öllu skiptir að hægt er að flytja hana hingað og verða að okkar vandamáli en ekki Grikkja?

Hversu marga viljum við fá úr flóttamannabúðum heimsins?

Verður slíkt viðbót ofan á vanda aldraðra og öryrkja sem kveina og kvarta hérlendis eða munu kjör þeirra batna við aukningu á kristilegu hugarfari okkar?

Verðum við ekki að gæta að því hvað við skrifum undir á alþjóðavettvangi eins og Barnasáttmála S.Þ og Marokkóyfirlýsingar?

Gunnar gefur í

Rögnvaldsson þegar hann lýsir alþjóðamálum:

"Trump getur gert hvað sem honum sýnist með Íran fyrir þessu fólki, því það hefur snúið sig úr hálsliðnum með því að hneykslast á Trump fyrir að hafa ekki nú þegar ráðist á Íran og hafið hefndaraðgerðir og stríð.

Trump liggur hins vegar ekkert á og mun líklega bíða þar til 40-ára terror-útflutningsríki klerkaveldisins falli friðsamlega saman undan sjálfu sér.

Og þegar Íran stígur í spínatið og kálar bandarískum mannslífum, þá mun Trump þurrka úr þetta eða hitt í Íran án þess að hið Nýja vinstrigelgju-deal Demókrata svo mikið sem íhugi friðarmótmælaloftslags-hinsegintrans-latínókonumetoo-glóbalgöngugleðirafbílaglingur með nefhringa sína fastneglda við malbikaða Muellerrússafóbíu í hliðargötum þess sem einu sinni var.

Innanborðs í þeim flokki er barist um á blóðugum Nikestrigaskóm, með eða án fánafíflum, um að finna taparann sem tapað getur forsetakosningunum á næsta ári, en unnið frambjóðendatitil flokksins, sem allsherjar brunarúst glóbal-elítu-vinstri-líberalismans á  en unnið frambjóðendatitil flokksins, sem allsherjar brunarúst glóbal-elítu-vinstri-líberalismans á heimsvísu."

Þetta er sannleikurinn umbúðalaus og settur fram eins og Gunnari er lagið þegar hann gefur í.

Ólýðræðislegt valdabrask

fer fram í ESB um embætti Junckers.

Björn Bjarnason lýsir þessu einkar vel:

"

Þjóðverjinn Ursula von der Leyen verður forseti framkvæmdastjórnar ESB næstu fimm árin samþykki ESB-þingið niðurstöðu leiðtogaráðs ESB frá þriðjudeginum 2. júlí. Hún hverfur úr embætti varnarmálaráðherra Þýskalands þar sem hún hefur starfað náið með flokkssystur sinni Angelu Merkel í stjórnum hennar frá árinu 2005.

Angela Merkel greiddi von der Leyen þó ekki atkvæði í leiðtogaráðinu. Hún hafði ekki umboð samstarfsmanna sinna úr flokki jafnaðarmanna til þess. Þeir vildu flokksbróður sinn Frans Timmersmans frá Hollandi í embættið. Sögðust þeir vilja halda fast í spitzenkandidat-regluna og úr því að ekki næðist samkomulag um að styðja oddvita mið-hægri manna, Bæjarann Manfred Weber, ætti að velja þann næsta í röðinni, Hollendinginn Timmermans.

Sigmar Gabriel, fyrrv. formaður þýskra jafnaðarmanna (SPD), sagði flokkinn eiga að slíta samstarfi við Merkel. Bæjarar í systurflokki Merkel, CSU, sögðu von der Leyen hafa komist til valda með klækjum og baktjaldamakki sem þeim mislíkaði.

Manfred Weber sýndi hins vegar þann stórhug miðvikudaginn 3. júlí að leiða Ursulu von der Leyen inn í ESB-þingið í Strassborg og kynnti hana fyrir þeim sem hafa í hendi sér hvort hún fái embættið. 

Manfred Weber kynnir Ursulu von der Leyen fyrir EPP-þingflokknum.

Síðan fór hún á fund EPP-þingflokksins, stærsta þingflokksins, og í dag, fimmtudaginn 4. júlí, má lesa lof um framgöngu hennar þar í þýska blaðinu Die Welt. Haft er eftir þingmanni að hún hafi heillað þingflokkinn með blaðalausri ræðu sinni og svörum á þeim 20 mínútum sem gáfust fyrir hana. Hún sagðist ætla að tryggja að spitzenkanditat-kerfið yrði virt. Kerfið er lykilbaráttumál ESB-þingmannanna til að treysta vald sitt innan ESB-stjórnkerfisins. Talaði hún til þingmannanna á þýsku, frönsku og ensku.

Innan EPP eru menn sérstaklega áhugasamir um að vald þingsins sé sem mest þar sem flokkurinn hefur verið stærsti þingflokkurinn í Strassborg áratugum saman. Þótt styrkur flokksins og jafnaðarmanna hafi dvínað er líklegt að EPP hafi undirtökin á ESB-þinginu enn um nokkra framtíð.

Vegna þess hve ESB-þingmennirnir eru kappsamir um að sanna völd sín er spurning hvort Ursula von der Leyen fær nægan stuðning á þinginu.

Emmanuel Macron Frakklandsforseti er eindreginn andstæðingur spitzenkandidats-kerfisins enda má hann sín lítils á ESB-þinginu. Niðurstaðan nú eftir um 30 klukkustunda viðræður í leiðtogaráði ESB er talin Macron og málstað hans til framdráttar. Honum tókst að fá Frakka, Christine Lagarde, samþykktan sem seðlabankastjóra evrunnar og að koma illu af stað innan EPP-flokksins. Charles Michel, Belginn, sem verður forseti leiðtogaráðs ESB er handgenginn Macron.

Að fráfarandi varnarmálaráðherra Þýskalands verði forseti framkvæmdastjórnar ESB hefði þótt óhugsandi fyrir nokkrum árum. Hvort ESB-þingið samþykkir Ursulu von der Leyen kemur í ljós."

Inn í þetta valdabraskkerfi vilja ýmsir okkar prédikarar stefna Íslendingum.

Beri menn þetta kerfi saman við stjórnkerfi Bandaríkjanna sem  því er stefnt gegn. Hljóta menn ekki að sjá að í þetta ólýðræðislega valdabraskkerfi getum við ekki átt neitt erindi sem smáríki?

 

 

Heimssýn taki af skarið.

á afgerandi hátt.

Hefji baráttu fyrir sjálfstæðu og óháðu Íslandi sem er ekki að kaupa sér viðskiptahagsmuni, bæði rétt metna og ofmetna, með réttindaafsali fullvalda ríkis.

Hefur verið sýnt fram á það með óyggjandi rökum að EES hafi fært  okkur einhverja ótvíræða kosti umfram þá sem sem við hefðum ekki getað fengið með tvíhliða samningum eins og núna hljóta að vera framundan gagnvart Stóra-Bretlandi eftir Brexit?

Hvað í þessari greinargerð Heimssýnar á ekki við í EES-málinu eins og í afstöðunni gagnvart inngöngu í ESB?:

1. Fullveldisframsal
Með aðild að ESB færist vald yfir veigamiklum þáttum fullveldis okkar til Brussel. Dæmi: 1) yfirráðin yfir 200 mílna fiskveiðilögsögu; 2) rétturinn til að gera fiskveiðisamninga við önnur ríki; 3) rétturinn til að gera viðskiptasamninga við önnur ríki; 4) rétturinn til að afnema tolla eða leggja á tolla; 5) æðsta dómsvald til ESB-dómstólsins o.s.frv. ESB-aðild er þess eðlis að hún útheimtir breytingu á stjórnarskrá Íslands í grundvallaratriðum. Það væru mikil afglöp gagnvart komandi kynslóðum ef við afsöluðum fullveldisréttindum þjóðarinnar í hendur öðru ríki eða ríkjasambandi. Ákvörðun um ESB-aðild má því ekki taka út frá skammtímasjónarmiðum, svo sem aðsteðjandi kreppu eða vandamálum tengdum gengi krónunnar, heldur verður að horfa áratugi fram í tímann og minnast þess að einmitt í krafti sjálfstæðis bætti þjóðin lífskjör sín frá því að vera ein fátækasta þjóð Evrópu og til að verða ein sú ríkasta.

2. Nýtt stórríki
Seinustu sex áratugi hefur ESB þróast hratt og fengið öll helstu einkenni nýs stórríkis sem stjórnað er af forseta og ríkisstjórn, þingi og æðsta dómstól og hefur sameiginlega utanríkisstefnu og fiskveiðilögsögu, landamæraeftirlit, stjórnarskrá, fána og þjóðsöng og stefnir að einum gjaldmiðli. Ekkert bendir til þess að þessi þróun sé á enda runnin. Meginmarkmiðið með framsali aðildarríkjanna á mikilvægustu þáttum fullveldis síns til miðstjórnarvaldsins í Brussel er að byggja upp nýtt risaveldi sem þjónar innri þörfum Sambandsins, þ.e. þeirra hagsmuna og viðmiða sem þar eru ríkjandi. Réttarstaða aðildarríkjanna verður hliðstæð fylkjunum í Bandaríkjum Ameríku sem hafa sjálfstjórn í vissum málaflokkum en búa við skert sjálfstæði og sterkt alríkisvald.

3. Völd litlu ríkjanna fara minnkandi
Völd lítilla ríkja í ESB fara smám saman minnkandi en völd hinna stóru vaxandi. Stefnt er að
meirihlutaákvörðunum í stórauknum mæli með hliðsjón af íbúafjölda aðildarríkjanna. Ísland fengi 3 atkvæði af 350 í ráðherraráðum, þar sem mikilvægustu ákvarðanir eru teknar, og 5 atkvæði af 750 á ESB-þinginu. Sjálfstæð rödd Íslands myndi að mestu þagna á vettvangi Sameinuðu þjóðanna. Því fámennara og áhrifaminna sem aðildarríki eru þeim mun meiri er skerðing sjálfstæðisins og hvergi yrði sú skerðing jafn tilfinnanleg og hér, m.a. vegna þess hve sjávarútvegur vegur þungt í efnahagslífi okkar og orkuauðlindirnar eru miklar og vannýttar. Hætt er við að Ísland verði eins og hreppur á jaðri risaríkis þegar fram líða stundir.

4. Samþjöppun valds í ESB
Í ESB hefur mikið vald færst til embættismanna í Brussel og til ráðherra sem taka veigamestu ákvarðanir. Þingið hefur fyrst og fremst staðfestingar- og eftirlitsvald. Almennir þegnar í aðildarlöndunum hafa því lítil áhrif á þróun mála og afar dræm kosningaþátttaka til þings ESB sýnir hve framandi og fjarlægt Brusselvaldið er þeim. Lýðræðishallinn í ESB er ein og sér næg ástæða til að hafna ESB-aðild. Valddreifing er tímans kall en sívaxandi valdasamþjöppun í miðstýrðum stofnunum ESB sem að litlu leyti lúta eftirlitsvaldi kjósenda er tilræði við þróun lýðræðis í Evrópu. Á Íslandi geta kjósendur fellt ríkisstjórn sem þeim líkar ekki við en í ESB hefðu þeir engin áhrif á hverjir yrðu hinir nýju yfirboðarar landsmanna.

5. Valdamiðstöðin er fjarlæg
Fjarlægð Íslands frá valdamiðstöðvum ESB og þekkingarleysi embættismanna þar á íslenskum aðstæðum minnir okkur á hve fráleitt er að Íslandi sé stjórnað úr 2000 km fjarlægð. Hætt er við að brýnar ákvarðanir sem varða okkur Íslendinga miklu velkist oft lengi í kerfinu í Brussel og það gæti orðið okkur til mikils skaða, t.d. í sjávarútvegsmálum og á öðrum sviðum auðlindanýtingar. Margar ESB-reglur henta Íslendingum alls ekki vegna smæðar íslensks samfélags og ólíkra aðstæðna í fámennu landi. Skemmst er að minnast ESB/EES-reglnanna um bankakerfið og ábyrgð íslenskra skattgreiðenda á glórulausum rekstri einkabanka á erlendri grund. Það reyndist baneitrað regluverk fyrir smáþjóð eins og Íslendinga. Við þurfum að geta sniðið okkur stakk eftir vexti og valið það sem okkur hæfir best.

6. Atvinnuleysið er eitt helsta einkenni ESB
Stórfellt atvinnuleysi er eitt helsta einkenni á atvinnulífi ESB og fylgifiskur aðildar vegna þess hve vinnumarkaður í ESB er þunglamalegur og hefur lítinn sveigjanleika. Atvinnuleysið sem skollið hefur á hér á landi hefur verið daglegt brauð í mörgum ESB-ríkjum undanfarna áratugi. Einnig hafa mikilvægir þættir vinnuréttar flust frá aðildarríkjum til ESB upp á síðkastið samkvæmt dómum ESB-dómstólsins.

7. Óhagkvæmt myntsvæði fyrir Ísland
Óhagræðið af sameiginlegri vaxta- og peningastefnu á evrusvæðinu þrátt fyrir mismunandi
efnahagsaðstæður í aðildarlöndum ýtir enn frekar undir atvinnuleysi í jaðarríkjunum. Ýmislegt bendir til þess að ESB sé í raun ekki hagkvæmt myntsvæði, hvað þá að svæðið sé hagvkæmt myntsvæði fyrir Ísland. Án þeirrar aðlögunar sem fæst í gegnum gengi krónunnar er víst að Íslendingar yrðu mun lengur að ganga í gegnum hagsveiflur, ekki hvað síst jafn miklar og við nú búum við. Auk þess mun líða langur tími, jafnvel áratugur þar til við uppfyllum Maastrichtskilyrðin og gætum tekið upp evru, ekki síst vegna mikillar skuldsetningar ríkissjóðs eftir að ESB þvingaði okkur til að samþykkja ICESAVE kostnaðinn.

8. Úrslitavald yfir auðlindum
Það er grundvallarregla hjá ESB að stofnanir þess hafa „úrslitavald um varðveislu lífríkis sjávarauðlinda í samræmi við sameiginlegu fiskveiðistefnuna“. Allt tal um að Íslendingar geti fengið varanlega undanþágu frá þessari meginreglu er ábyrgðarlaus áróður. Mörg aðildarríki hafa sótt það fast en ekkert þeirra fengið annað en tímabundna aðlögun. Lögsaga Íslendinga yfir auðlindum sjávar umhverfis landið er sjö sinnum stærri en landið sjálft. ESB fengi úrslitavald um hámarksafla sem leyfður yrði, veiðitegundir, veiðisvæði og veiðitíma. Reglum um „hlutfallslegan stöðugleika“ (hliðsjón af veiðireynslu) getur meirihluti ráðherraráðsins breytt þegar henta þykir og er það einmitt nú til umræðu. Rétti komandi kynslóða til fiskimiðanna yrði stefnt í mikla hættu. ESB er að breytast mjög hratt og sú þróun stöðvast ekki þó að Ísland gangi inn. Líklegt er talið að reglur um sjávar- og orkuauðlindir eigi eftir að breytast.

9. Hernaðarveldi í uppsiglingu
Í Lissabonsáttmálanum, sem verður ígildi stjórnarskrár ESB, eru heimildir fyrir Evrópusambandsher. ESB gerir ráð fyrir að í framtíðinni þurfi Sambandið að efla hernaðarmátt sinn og áskilnaður er í grein 42. í Sambandssáttmálanum (The Treaty on European Union, TEU) að stofnaður verði her til að gæta hagsmuna ESB, bæði í Evrópu og annars staðar.

10. Kvótalaust sjávarþorp?
ESB-aðild útheimtir að opnað sé fyrir fjárfestingu erlendra fyrirtækja í sjávarútvegi. Íslensk útgerð er mjög skuldum vafin og í erfiðu árferði gætu veiðiheimildir auðveldlega safnast á hendur erlendra auðfélaga og arðurinn (virðisaukinn) þannig flust úr landi. Ísland gæti því „breyst í kvótalaust sjávarþorp“, eins og nýlega var bent á.

11. Samningsrétturinn glatast
Um þriðjungur af verðmæti sjávaraflans fæst úr svonefndum deilistofnum sem flakka úr einni lögsögu í aðra. Hingað til höfum við Íslendingar haft samningsrétt við önnur ríki, svo og ESB, um veiðar úr þessum stofnum. Við ESB-aðild myndum við framselja það vald til yfirstjórnar ESB. Nýjar tegundir bætast við lífríkið í lögsögu Íslendinga með hækkandi hitastigi sjávar, t.d. nú seinast makríll. Ef við hefðum afhent ráðamönnum ESB samningsréttinn og hlýtt boðum þeirra og bönnum væri nær ekkert veitt hér af þessum tegundum, t.d. kolmunna sem skilað hefur tugmilljarða króna virði í þjóðarbúið á hverju ári.

12. Þungt högg fyrir landbúnaðinn
Íslenskur landbúnaður veitir okkur öryggi í fæðuframleiðslu af miklum gæðum auk þess sem hann styrkir jöfnuð okkar í viðskiptum við aðrar þjóðir og heldur uppi atvinnu og byggð í landinu. ESB-aðild yrði þungt högg fyrir landbúnaðinn sem sviptur yrði tollvernd. Samdráttur í búvöruframleiðslu myndi valda auknu atvinnuleysi víðs vegar um land í sveitum og þéttbýli sem byggir afkomu sína á framleiðslu landbúnaðarafurða. Eftir hrun fjármálalífsins er nauðsynlegra en nokkru sinni fyrr að spara gjaldeyri og draga úr atvinnuleysi í stað þess að auka innflutning á kostnað innlendrar framleiðslu og hækka heildargreiðslu til atvinnuleysisbóta."

Hvað er það í þessu sem veldur ofsafengnum viðbrögðum EES trúarsinna eins og á RÚV og  Birni Bjarnasyni og skoðanabræðrum hans í EES-söfnuðinum. 

Er ekki kominn tími til að samtök eins og Heimssýn taki hlutlæga afstöðu til kosta og galla EES-málsins eins og ESB aðildarinnar og taki ekki öllu sem stórasannleika um ágæti EES?

Til hamingju Bandaríkjamenn!

á sjálfstæðisdegi ykkar 4.júlí.

Það er við hæfi hjá Trump forseta að minnast þess að án herveldis Bandaríkjanna væri heimurinn ekki jafn frjáls og hann er núna frá ofbeldisöflum  einveldanna, nasismans og slíku ófrelsi þó dyggilega sé unnið í aðrar áttir af allskyns öflum, vitandi eða ómeðvitandi af nytsömum sakleysingjum.

Bandaríkjaher hefur fært fórnir sem hafa má í heiðri hverjar skoðanir sem menn annars kunna að hafa á herjum og styrjöldum.

Frelsið fæst ekki ekki frítt eða án fórna.Illskan er alls staðar á ferð í mannheimum því miður.

Ekkert annað ríki hefur lagt annað eins fram til heimsmálanna í þessari viðleitni og Bandaríki Norður Ameríku.

Til  hamingju Bandaríkjamenn og Trump Forseti.

Afgangs blöð á spítalana?

hefur mér dottið í hug að pláss væri fyrir hér á Landspítalanum á setustofunum á deildunum.

Er það framkvæmanlegt að senda umframprentuð tölublöð þangað? Dagsgömul blöð myndu  verða lesin upp til agna það ég hef séð.

En kannski vill fólkið þessi afgangsblöð ekki vegna sorpmála?

Er Þorgerði treystandi?

og þá fyrir hverju?

Við treystu henni fyrir varaformennsku í Sjálfstæðisflokknum.

Hún sveik okkur og hunzaði lýðræðið. 

Nú segist hún vera handhafi traustsins?

Svo segir í Stundinni:

"Þorgerður Katrín Gunnarsdóttir, formaður Viðreisnar, segir Sjálfstæðisflokkinn ekki geta borið ábyrgð á framkvæmd EES-samningsins lengur vegna innanflokksátaka. Ritstjórar Morgunblaðsins ýti undir sundrungu í flokknum þegar komi að þriðja orkupakkanum og flokkurinn sé nú klofinn.

Þetta kemur fram í grein Þorgerðar í Fréttablaðinu í dag. Í greininni segir hún ljóst að þingmenn Sjálfstæðisflokksins muni samþykkja innleiðingu orkupakkans í ágúst, en ný tilefni verði fundin til þess að viðhalda átökunum um EES-samninginn í kjölfarið.

Segir Þorgerður að ritstjórar Morgunblaðsins, þeir Davíð Oddsson og Haraldur Johannessen, hafi sérstaklega beitt sér gegn Þórdísi Kolbrúnu Reykfjörð Gylfadóttur ráðherra og Áslaugu Örnu Sigurbjörnsdóttur.

„Athyglisvert er að ritstjórarnir hafa kappkostað að lítillækka ritara og varaformann Sjálfstæðisflokksins sem hafa verið öflugir talsmenn innleiðingar og alþjóðasamstarfs,“ skrifar hún. „Þær eru sagðar svo óskýrar í hugsun, ungar og óreyndar að engum hefði á árum áður dottið í hug að fela slíku fólki trúnaðarstörf af þessu tagi.“

Þorgerður segir að Bjarni Benediktsson, formaður flokksins, sé í vandræðum og geti ekki friðað „afturhaldsöfl“ flokksins. „Þá spotta og hæða ritstjórarnir formann Sjálfstæðisflokksins með því að benda í sífellu á að hann hafi verið á móti málinu í byrjun en sé því nú fylgjandi – af óskiljanlegum ástæðum.“

„Hvaða mál verður tekið í gíslingu næst?“

Loks segir Þorgerður ólíklegt að þingmenn Sjálfstæðisflokksins muni aftur standast þrýsting baklandsins í hvaða máli sem það verður sem komi á eftir orkupakkamálinu.

„Á síðustu öld var Sjálfstæðisflokkurinn óumdeilanlega kjölfestan þegar kom að utanríkispólitík landsins,“ skrifar hún. „Þetta eru því einhver mestu málefnalegu hamskipti sem orðið hafa í einum stjórnmálaflokki.

Kjarni málsins er sá að þingmenn Sjálfstæðisflokksins hafa ekki og munu ekki á næstu árum hafa nægjanlegan stuðning í baklandinu til þess að geta borið ábyrgð í ríkisstjórn á framkvæmd EES-samningsins. Það sjá allir. Hvaða mál verður tekið í gíslingu næst?“

Þorgerði Katrínu Gunnarsdóttur treysta Sjálfstæðismenn seint aftur fyrir einu né neinu.

Evrutrúin

ríður húsum hjá tiltölulega fáum hópi strangtrúarmanna sem geysa sig reglulega um nauðsyn inngöngu i ESB og upptöku Evru.Eru þeir ef tl vill að hugsa meira um eigin skuldastöðu og fyrri gjaldþrot en framtíðarhagsmuni þjóðarinnar?

Gunnar Rögnvaldsson greinir evrumálin svo:

"Bandaríkin (Nýi heimurinn): 2,5 prósent innlánsvextir fyrir fjármálastofnanir (e. federal funds rate). Síðasta ákvörðun tekin 19. júní 2019. Ástand: eðlilegt.

b) Evrusvæðið (Gamli heimurinn, aðallinn og Deutsche Bank, sem er ári eldri en Þýskaland, og hyggst segja upp 20 þúsund manns á næstu 12 mánuðum): -0,4 prósent skattur tekinn af innistæðum fjármálastofnana (e. deposit facility).

Síðasta ákvörðun tekin á 36 tommu snjóþrúgum úti á næfurþunnu peningagólfi evrusvæðis, þann 6. júní 2019. Dósinni sparkað áfram niður götuna til að minnsta kosti á síðari hluta næsta árs, því að lítið sem ekkert gengur með að koma hvorki peningapólitískum markmiðum, efnahagsmálum né peningamálum myntsvæðisins í lífvænlegt horf.

Ástand: mjög óeðlilegt, en þó í samræmi við hinn pólitíska Frankenstein peningamála sem evran er. Hún hefur ekkert með efnahagsmál að gera, því evran er 100 prósent pólitísk mynt."

Það er eðilegt að skuldaþrjótar sjá vaxtaleysi í

hillingum. Evrutrúin er fyrir slíka.

Mikil er trú þín kona

"Gripið verður til viðamikilla aðgerða til að auka kolefnisbindingu og efla lífríkið hér á landi. Í því skyni á m.a. að tvöfalda umfang landgræðslu og skógræktar og auka endurheimt votlendis.

Ríkið mun vinna að fjölbreyttum verkefnum um allt land í samvinnu við bændur, félagasamtök o.fl. Lögð verður áhersla á vernd lífríkis og endurheimt vistkerfa ásamt mælanlegum loftslagsávinningi.

Þetta kom fram á blaðamannafundi Katrínar Jakobsdóttur forsætisráðherra og Guðmundar Inga Guðbrandssonar umhverfis- og auðlindaráðherra í gær. „Með því að leggja stóraukna áherslu á kolefnisbindingu getum við um leið dregið verulega úr losun hér á landi og þarna getur Ísland markað sér ákveðna sérstöðu. Við erum ekki aðeins með það að markmiði að uppfylla Parísarsamkomulagið og ákvæði þess heldur líka að Ísland verði kolefnishlutlaust eigi síðar en 2040,“ sagði Katrín.

Hún benti á að Ísland væri í fararbroddi ásamt öðrum ríkjum sem settu sér það markmið að verða kolefnishlutlaus árið 2040. 2,1 milljarði króna verður varið í þessar aðgerðir næstu fjögur árin.

Þetta er annar af tveimur meginþáttum áætlunar ríkisstjórnarinnar í aðgerðum í loftslagsmálum. „Það sem við höfum verið að skoða hér á Íslandi bendir til þess að við getum dregið verulega úr magni kolefnis í loftinu með bindingu. Það er ástæðan fyrir því að við leggjum áherslu á rannsóknirnar meðfram þessu, að við getum sýnt fram á raunverulegan árangur,“ sagði Katrín.

Ný verkefni í undirbúningi

Lögð verður áhersla á að draga úr losun sem kemur frá landi. „Það felst meðal annars í því að moka ofan í skurði og endurheimta þar með votlendi. Það getur líka falist í því að ráðast í landgræðslu- og skógræktaraðgerðir á landi sem losar kolefni. Þannig sláum við tvær flugur í einu höggi; bæði aukum bindinguna og lokað verður fyrir losunina,“ sagði Guðmundur Ingi Guðbrandsson umhverfis- og auðlindaráðherra.

Fé verður sett í rannsóknir og vöktunarverkefni og verkefni sem eru þegar til eins og t.d. Hekluskóga og Bændur græða landið. „Við erum líka að búa til ný verkefni í líkingu við Hekluskógaverkefnið. Við ætlum að hjálpa náttúrunni að hjálpa sér sjálf, koma henni af stað,“ sagði Guðmundur. "

Koldíoxyd hefur ekki verið lægra í lofthjúpi jarðar í 600 milljón ár heldur en núna. Þetta fólk göslast áfram í milljarðabrennslu okkar skattfjár á grundvelli ósannaðra trúarkennisetninga um hamfarahlýnun jarðar af mannavöldum.

 

Einbeittur brotavilji

Borgarstjórnarmeirihlutans gegn bílaumferð birtist í framvæmdum við Sæbraut. Það eru miklar framkvæmdir í því skyni að tefja fyrir umferð sem mest má.

"Nú er unnið að því hörðum hönd­um að end­ur­nýja um­ferðarljós og göngu- og hjóla­leiðir á gatna­mót­um Snorra­braut­ar og Sæ­braut­ar í miðbæ Reykja­vík­ur. Verður þar einnig lýs­ing bætt á göngu­leiðum frá því sem áður var.

Á þess­um um­ferðarþungu gatna­mót­um hef­ur í ára­tugi verið hægt að beygja til aust­urs á hægri­beygjurein og til vest­urs á tveim­ur beygjuak­rein­um.

Með þess­ari fram­kvæmd verður beygjurein­in af­lögð og beygjuak­rein­um í vesturátt fækkað um eina. Áfram verður þó hægt að beygja bæði í aust­ur- og vesturátt að fram­kvæmd­um lokn­um. Þegar ljós­mynd­ari átti leið um svæðið í gær var búið að moka jarðvegi yfir gömlu beygjurein­ina í aust­ur. [e-mail]

Sigurður Jóhannsson ráðherra hefur nýlega lýst því hvernig skipulagsráðstafanir Dags B. og kumpána í þágu vildarvina hafa gert Sundabraut margfalt dýrari en mögulegt var.

Dýr verður Dagur B. allur  og hans einbeitti brotavilji gegn greiðari umferð fyrir Höfuðborgarsvæðið áður en yfir lýkur.

Á almenningur ekki neitt?

í  hagnaðinum af Bláa Lóninu?

Kemur ekki vatnið frá almenningi? Skapaði Grímur Sæmundsen Hitaveitu Suðurnesja?

"Hagnaður Bláa lónsins hf. árið 2018 eftir skatta nam rúmlega 3,7 milljörðum króna og var veltan 17,4 milljarðar króna. Þá var eiginfjárhlutfall félagsins 56%. Hluthafar fá greiddan út arð sem nemur 4,2 milljörðum króna, að því er fram kemur í ársskýrslu félagsins.

Hagnaður Bláa lónsins fyrir fjármagnsliði og afskriftir (EBITDA) nam 5,6 milljörðum króna. Eignir Bláa lónsins eru skráðar rúmar 22 milljarðar króna og var handbært fé frá rekstri 5,2 milljarðar."

Bláa Lónið er þjóðarstolt. En var það ekki almenningur sem lagði grundvöllinn? Á hann ekkert skilið?

 

Í ESB og engar refjar

er inntakið í hreinskilinni greinar Óla Antons Bieltved í Mbl.í dag. Lofsvert hvernig hann skrifar Z-una eins og ég vil.

"Í gegnum EESsamninginn komumst við með allar okkar framleiðsluvörur og afurðir frjálslega og að mestu leyti tollalaust inn á stærsta markað heims; ESB/EES, 30 ríki, með vel yfir 500 milljónir íbúa.

Á sama hátt opnaðist okkur að mestu vegabréfalaust frelsi til heimsókna, dvalar og búsetu í öllum þessum löndum, með fullum réttindum til starfa, atvinnu og eigin reksturs. Okkar heimur fimmtánhundruðfaldaðist.

Þökk sé EES-samningnum getum við líka sótt erlenda starfskrafta frá ESB-löndunum til okkar, til að manna og styrkja okkar eigin atvinnuvegi, einkum ferðaþjónustu og byggingariðnað. Lengi virtist það þó hafa verið lenzka hér að hallmæla Evrópu og evru, þó að einmitt aðild okkar að EES og Schengen-samkomulaginu hefði tryggt okkur efnahagslegar framfarir og margvíslegt frelsi langt umfram það, sem áður hafði þekkzt eða ella hefði getað orðið. Sem betur fer hefur orðið mikil breyting á afstöðu flestra til EES/ ESB og Evrópu síðustu misserin.

Upplýst umræða hefur leitt til þess að fleiri og fleiri skilja nú hversu mikilvægur og dýrmætur EESsamningurinn er.

Ef miðað er við afstöðu þingmanna til þriðja orkupakkans, sem í umræðu og afstöðu er orðinn nokkurs konar „persónugervingur“ EESsamningsins, þá virðist yfirgnæfandi meirihluti þeirra vera hlynntur þriðja orkupakkanum – enda sjálfsagður hluti af EES-samningnum, eins og frjálsar flugsamgöngur, frjálsir skipaflutningur, frjáls fjarskipti og önnur frjáls og gagnkvæm viðskipti – en ætla má, að flestir þessara þingmanna meti EESsamninginn í heild sinni að verðleikum.

Hvað varðar almenning og afstöðu hans þá sýnir nýleg skoðanakönnun Maskínu að 57% landsmanna eru hlynnt eða í meðallagi hlynnt fullri aðild Íslands að ESB. Meta má umfang EES-samningsins – með Schengen – í núverandi formi sem 80-90% af fullri ESBaðild. Það, sem upp á vantar fulla ESB-aðild, er einkum tvennt: Samkomulag um fiskveiðar við Ísland og stjórn þeirra. Endanlegt samkomulag um landbúnaðarmál. Maltverjar voru um margt í svipaðri stöðu og við gagnvart ESB. Lítil eyþjóð, háð fiskveiðum og ferðaþjónustu. Þegar landið gekk 2003 í ESB, fékk það full yfirráð yfir sínum fiskimiðum og fulla stjórnun fiskveiðilögsögu sinnar á grundvelli sögunnar en þeir höfðu sjálfir og einir farið með þessi yfirráð í gegnum tíðina.

Það sama gildir um fiskveiðilögsögu okkar og fiskimið og virðist það fyrirsjáanlegt og öruggt að við myndum fá sömu góðu úrlausnina fyrir þessi mál og Malta. Við inngöngu Svía og Finna í ESB 1995 fengu þeir líka sérákvæði inn í samninginn fyrir landbúnað sinn, honum til verndar og styrktar, vegna þess, sem nefnt var „norræn lega“. Ljóst virðist vera að við myndum fá sömu sérkjör fyrir íslenzkan landbúnað við fulla inngöngu.

En hví er full ESB-aðild, í stað 80- 90% aðildar með EES og Schengen nú, svo mikilvæg!?

EES-samningurinn var alltaf hugsaður sem fyrsta skref inn í ESB; til bráðabirgða.

Samningurinn veitir því ekki aðgang að nefndum, ráðum og framkvæmdastjórn ESB; m.ö.o. við undirgengumst það – sem átti að vera í bili – að taka upp lög, tilskipanir og reglugerðir ESB – sem reyndar eru nær allar af hinu góða – án þess að hafa nokkuð um þær að segja; án nokkurrar umsagnar eða áhrifa, nánast án nokkurrar fyrirfram hugmyndar um, hvað koma skyldi.

Þetta var og er auðvitað ófært til langframa. EES-samningurinn veitir heldur ekki aðgang að öflugasta og stöðugasta myntkerfi heims, evrunni, sem bæði tryggir lægstu vexti sem völ er á fyrir almenning og atvinnuvegina og stórfellt aukalegt öryggi í formi launa, tekna og eigna, jafnt sem kostnaðar, gjalda og skulda í einni og sömu traustu myntinni. Íhalds- og afdalamenn landsins fullyrða að stóru þjóðirnar ráði öllu í ESB; þó við værum inni myndum við engu ráða. Þetta er enn ein rangfærslan og ósannindaklisjan.

Minnstu þjóðirnar hafa hlutfallslega langmest að segja í ESB. Við fengjum sex þingmenn á Evrópuþingið. Það þýðir 57.000 Íslendinga á bak við hvern þingmann. Þjóðverjar, með sínar 82,4 milljónir íbúa, hafa 96 þingmenn; hjá þeim standa 858 þúsund landsmanna á bak við hvern þingmann.

Danir, sem eru 5,8 milljónir, hafa 14 þingmenn; 414 þúsund Danir standa á bak við hvern þingmann þeirra á Evrópuþinginu. Svona er það í öllu; þess er gætt, að líka þeir „minnstu“ hafi fullan aðgang að áhrifum og völdum. Hver aðildarþjóð, stór eða smá, fær þannig einn ráðherra eða kommissar. Þjóðverjar, Frakkar og Ítalir fá líka bara einn hver. Oft veljast fulltrúar smærri aðildarþjóða til forustu; Jean-Claude Juncker, frá Lúxemborg, næstfámennasta ríki ESB, hefur t.a.m. verið annar valdamesti maður sambandsins síðustu 5 ár.Margrethe Vestager, frá Danmörku, kynni að taka við af honum.

Skandinavar hafa alltaf haft mikið að segja í ESB, enda menn valdir eftir persónuleika og hæfileikum, en ekki eftir stærð þjóða. Hver aðildarþjóð hefur auk þess í raun neitunarvald, þar sem þjóðþing allra – nú 28 – aðildarríkjanna verða að samþykkja alla meiriháttar samninga, sem ESB gerir, og alla meiriháttar löggjöf eða breytingar á fyrri löggjöf. Loks skal bent á, að ESB er nú með fríverzlunarsamninga við þrjú mikilvæg lönd – öfluga markaði með samtals 216 milljónir íbúa; Japan, Suður Kóreu og Kanada – en þessir fríverzlunarsamnngar eru ekki með í EES-samkomulaginu.

Full ESB-aðild tryggir þannig í dag frjálsan og tollalausan aðgang að markaði með nær 730 milljónum manna með verulega kaupgetu. Hvernig getum við enn verið að væflast með þetta!?"

Maðurinn er baráttumaður fyrir sínum málstað svo mikið er víst. 

Ég er ekki sammála fullyrðingum hans um að við höfum bara fengið það sem við höfum með þessum samningum við EES. Af hverju er það svo víst ?  

Er ekki eðli viðskipta beggja hagur?

ESB og EES eru engin forsenda fyrir verslun í allar áttir við stærri heim en ESB eftir Brexit.