Myndir frá Múslímaheimi

Ég fékk þessar myndir "lánaðar" af síðu Gústafs Níelssonar. Telja menn æskilegt að hér verði byggð moska fyrir múhameðsmenn ? Er æskilegt að þeir verði svo fjölmennir hér að þeir nái að mynda söfnuði þar sem útlendir múllar prédika ? Myndum við geta lifað við það að þeir iðki sína trúarlegu siði eins og sjá má á einni myndinni ? Ég óttast það, að mér gangi illa að tileinka mér umburðarlyndi í nægilegu magni til þess að þykja þessa rmyndir geðslegar.

 

Hjartnæmar myndir frá Múslímaheimi

Aðeins eitt vegna Grímseyjarferjunnar.

Mig langar að vita aðeins eitt varðandi Grímseyjarferjuna. Hver fékk umboðs-eða sölulaun þegar hún var seld Íslendingum ?

Ég var að vona að það væri rétt að það hefði verið Joe Grimson, því enginn þykist vera vinur hans.  Eller hur ?

Öll önnur vitleysan stendur óstudd og sannar það sem löngum var vitað, að á Íslandi ber enginn pólitíkus minnstu ábyrgð á neinu. Það er svo gott  sama hvað gert er í stjórnarathöfnum, þetta er allt í lagi góurinn.  Þeir ættu bara að hætta að klifa á því hvað ábyrgð stjórnmálamanna sé mikil. Kemur einhver auga á hana ? 

Vandamál fjölmenningarinnar

Kristín M.Jóhannesdóttir sem býr í Kanada skrifaði eftirfarandi á síðu sina nú í júlí:

16.7.2007 | 05:56

"Enn eitt morðið í indó-kanadíska samfélaginu

Fyrir rúmri viku var skólastjóri hér á Vancouver-svæðinu drepinn á heimili sínu. Eiginmaður hennar gaf þá skýringu að þrír menn hefðu brotist inn á heimili þeirra hjóna, lamið sig og drepið konuna. Í rúma viku hefur lögreglan leitað að mönnunum þremur en ekkert virðist styðja sögu eiginmannsins. Fyrir nokkrum dögum komu svo fram upplýsingar um að fyrir nokkrum árum hafi eiginmaðurinn ráðist á þáverandi fyrrum kærustu sína á heimili hennar svo varð að setja á hann nálgunarbann. Í dag var eiginmaðurinn svo handtekinn og er nú sá eini sem grunaður er um ódæðið. Þau hjón höfðu verið gift í viku.

Þetta er enn eitt morðið innan indó-kanadíska samfélagsins. Í apríl var 32 ára gamall Vancouver maður ákærður fyrir morðið á konu sinni, í febrúar fannst 33 ára kona stungin til bana á heimili sínu í Surrey og lítil dóttir hennar sat hjá. Enginn hefur verið ásakaður í því máli. 29. október var enn ein kona drepinn og eiginmaður hennar hefur verið ákærður um annarrar gráðu morð. Sex dögum áður fannst ófrísk kona brennd í Suður Delta. Eiginmaður hennar hefur verið ákærður fyrir morðið. Og 19. október í Port Coquitlam skaut maður konu sína í andlitið og sjálfan sig á eftir. Konan lifði af árásina en er nú blind. Í öllum tilfellum er hinn grunaði indó-kanadískur. Flestar konurnar eru það líka en í þessu síðasta tilfelli var eiginkonan múslimi. 

Það er ekkert skrítið þótt maður hafi lítinn áhuga á því að giftast inn í sum samfélög. Það hefur ekkert með rasisma að gera heldur hreinlega almenna skynsemi. "

Á Íslandi hefur til þessa búið nokkuð einsleitt fólk, sem stendur fremur lítið í manndrápum. Það eru ekki lengur neinar blóðhefndarvenjur í hávegum hafðar á þessu landi. Ærumorð  á óþekkum dætrum , dráp á meybörnum og  umskurnir á stúlkubörnum osfrv. eru okkur framandi. Aldrei heyri ég það frá þessum fjölmenningarstrúboðum okkar, sem virðist mest liggja á að gefa land okkar og þjóð til þriðjaheims fólks, ráðleggja okkur um það hvað við eigum að gera  þegar þessi mál fara að sjá dagsins ljós á Íslandi. En það hlýtur að koma að því ef þetta fjölmenningarfólk fær að halda áfrtam að ráða ferðinni í innflytjendamálum.

 

Ísland, Nató og gagnkvæmni varnarbandalags.

Jón Magnússon vinur minn og Alþingismaður skrifar furðulegan pistil á blogg sitt. Til fróðleiks læt ég textann fylgja hér með:

 

“ Ísland og Nató

Leiðari Morgunblaðsins í dag sem ber heitið Ísland og Nató er athygliverður. Ég er í öllum aðalatriðum sammála leiðarahöfundi og hef bent á ýmis þau atriði sem þar er fjallað um undanfarið. Bent er í leiðaranum á ummæli utanríkisráðhera þar sem hún segir  að Ísland verði að axla ábyrgð innan Atlantshafsbandalagsins og taka aukinn þátt í verkefnum innan þess. Þessi ummæli verða ekki skilin með öðrum hætti en við eigum í auknum mæli að hafa afskipti af helstu verkefnum bandalagsins en það langstærsta og mannfrekasta nú er hernaður bandalagsins í Afghanistan. Sú spurning er því gild hvort utanríkisráðherra vilji að við höfum frekari afskipti af málum þar?Ég er þeirrar skoðunar að Atlantshafsbandalagið sé á villigötum. Bandalagið er varnarbandalag. Hluverk þess er að gæta sameiginlegra hagsmuna með því að hafa varnarviðbúnað og aðildarríkin styðja hvort annað þ.e. árás á eitt bandalagsríki er árás á þau öll. Það er inntakið í því sem við sömdum um þegar við gengum í Atlantshafsbandalagið. Hernaðurinn í Afghanistan er óeðlilegur og við Íslendingar hefðum átt að mæla af öllum krafti gegn því að herlið frá bandalaginu yrði sent til Afghanistan.  Við eigum jafnframt að krefjast þess að herlið bandalagsins sé kallað heim og við eigum að kalla þá íslendinga sem eru á vegum hins opinbera heim frá Afghanistan. Við erum vopnlaus þjóð og eigum ekki að taka þátt í stríðsátökum. Við eigum að krefjast þess að Atlantshafsbandalagið verði varnarbandalag sem stuðli að friði og friðsamlegri sambúð en fari ekki með herlið í ríki eða til að styrkja ríkisstjórnir í fjarlægum heimshlutum

Eins og nú háttar til tel ég ekki neinar þær forsendur til að við íslendingar höfum frekari afskipti af málum Atlantshafsbandalagsins sem tengjast stríðsátökum og þess verður að krefjast af utanríkisráðherra að hún skýri orð sín. Hver er stefna ríkisstjórnarinnar í þessum málum? Hvað á utanríkisráðherra við þegar hún segir að við verðum að taka aukinn þátt í verkefnum Atlantshafsbandalagsins? “

  Ég stóðst ekki mátið og sendi eftirfarandi athugasemd inná síðuna:

“ Ömurlegt er að lesa þetta Jón.

Af hverju erum við vopnlaus þjóð  en erum í hernaðarbandalagi ?

Til hvers er Atlantzhafsbandalagið fyrir okkur ?

Það er til þess að við þurfum persónulega engu að fórna í baráttu við myrkraöflin öðru en að leyfa afnot af landinu sem yrðir hvort sem er tekið hernámi ef þurfa þætti.  Og myrkraöflin eru sannarlega til og virðast um þessar mundir eiga sitt helsta föðurland  í múslímaheiminum. Þau eru svo sannarlega að verki í Afganistan þar sem Osama BinLaden og Talibanaviðbjóðurinn, með sína kvennakúgun, menningar-og menntunarfjandsemi og stjórnlausa grimmd í garð alls sem þeim er ekki þóknanlegt, réði ríkjum.  Það var landhreinsun og nauðsyn að gera þar duglega innrás og við ættum að skammast til að leggja því máli lið eftir föngum meðan að Atlanzhafsbandalagið nennir að starfa að því að gera Talibanann og aðra óværu á mannkyninu óskaðlegan.Mér leiðist þessi landlægi  ræflatónn,  sem við Íslendingar höfum tileinkað okkur og kemur ekki af öðru en að við getum ekkert annað en kýla eigin vömbina vegna fólksfæðar.  Ef við værum þúsund sinnum fleiri þá værum við líka í alvöru pólitík og með her eins og Kaninn. “

Með hverjum stöndum við Íslendingar eiginlega? Með Múslímunum og hryðjuverkasveitum þeirra ? Var ekki ráðist á eitt bandalagsríkið okkar, Bandaríkin ? Var það ekki árás á okkur öll ? Hverskonar drenglyndi er það sem Jón Magnússon er að lýsa með því að heimta að við drögum okkar fólk til baka ?

Er varnarbandalag ekki gagnkvæmt eða virkar það bara á annan veginn ?

 

Eru nú öll heilræði Hávamála um orðstí og vinfengi gleymd nútíma Íslendingum ?

 

  

BæBlogg

 Ég er nú búinn að standa í þessu bloggi í nokkurn tíma. Það var aðferð þeirra Moggamann til þess að þagga niður í mér að stofna þessu síðu handa mér. Með því að ýta kverúlöntum út á svona eyðilendur geta þeir sjálfir haldið áfram að keyra fram sínar skoðanir mótþróaminna. Það er nefnilega mest sama og fremur fámennur hópur fólkis, sem er að skrifa út og suður á þessu bloggi og fær þannig útrás fyrir geðvonsku sína og gerir ekki annað á meðan. Miðað við þær heimsóknir sem ég hef fengið á þessa síðu, þá  er þetta alveg steindauð leið til að ná til fólks.  Það er nú gaman að mörgu á blogginu en þar verður ekki drifin nein barátta, -"Kein Kampf"  og allir stjórnmálamenn, sem þar eru duglegastir eru annaðhvort áhrifalausir eða pólitískt deyjandi eða dauðir.    Ef maður vill ekki láta sjálfskipaða menningarvita  og pólitíska hryðjuverkamenn  gelda sig svona kyrfilega og einoka þjóðmálaumræðuna, þá verður maður að reyna eitthvað annað.  Bloggverjar ættu að velta því  menningarsamsæri fyrir sér, sem þeir eru þolendur að. Þeir verða að reyna að veita viðnám því svona bloggskrif ein og sér duga ekkert gegn menningarfasistunum, sem vaða upp í þjóðfélaginu.

Grímseyjarferjan

Þeir sátu fyrir svörum í Kastljósi Kristján Júlíusson frá Akureyri og Guðni Ágústsson fyrrum ráðherra. Þeir blésu sig út af ábyrgð Sturlu fyrrum samgönguráðherra, Jóns Rögvaldssonar vegamálastjóra,  Einars Hermannsonar verkfræðings, annara þingmanna og embættismanna á því að Grímseyjarferjan er að verða eitthvað dýrari en til stóð.  Guðni bar sjálfur auðvitað enga ábyrgð á því hvernig Alþingi hafði verið blekkt með því að einhverjir hefðu lagt dæmið fyrir sem 150 milljónir skipakaup en möndlað svo 400 milljónir úr einhverjum holusjóðum, sem ráðherrar og Vegagerðin geta ráðstafað úr. Kristján skildi bara ekkert í því hvernig svona klúður gæti skeð. Það yrði að fá málið á hreint. Það yrðir að fara að skoða það að embættismenn stunduðu  sjálfsafgreiðslu á fé umfram fjárlagaheimildir samkvæmt skýrslu Ríkisendurskoðanda.

 

Mikið lifandis fannst mér þessir menn vera vesælir. Þarna sitja tveir þingmenn og láta svona útúr sér. Annar búinn að vera á Alþingi í áravís. Tekið þar þátt í því ár eftir ár að fá rekstraráætlanir stofnana eins og Landspítalans til dæmis. Tekið þær til umfjöllunar og svo skorið þær niður um tugi prósenta og svo sagt vessgú: Allt verður rekið á fullu og borgaranir fái sífellt aukna þjónustu . Embættismennirnir, sem gerðu upphaflegu áætlunina eiga að reka stofnunina fyrir þessa peninga. Þrátt fyrir að þeir auðvitað og líklega jafnvel líka Guðni og Kristján  viti mætavel, að það er ekki hægt. Annað hvort verður að hætta dekrinu við sjúklingana eða hætta því.  Og það má auðvitað ekki, því þeir eru kjósendur og þar með uppspretta brauðsins sem þingmennirnir éta.

 

Fyrir kosningar blása þingmenn sig út af vandlætingu yfir lengjandi biðlistum og hörmungarástandi í hinu og þessu. Eftir kosningar skilja þeir ekkert í þessari umframeyðslu  og verða að fá hann Ríkisendurskoðanda til að segja sér þetta þrim sinnum.

 

Hvaða gagn er í svona þingmönnum sem vita ekki sitt rjúkandi ráð í fjárlagagerð  ? Ár eftir ár er þetta sama niðurstaðan. Allt eru þeir jafn hissa.

 

Fyrir mér sem leikmanni og skattgreiðanda er það niðurstaðan, að þingmenn hafa oftlega sýnt  sig að vera gersamlega óhæfir til áætlanagerðar, kostnaðareftirlits og stjórnunarstarfa.. Á Alþingi kemur maður varla auga á nokkurn hugsjónamann eftir að Einar blessaður Oddur fór frá okkur, nema helst  hann Pétur Blöndal. Enda sameinast allir hinir og ekki sízt hans eigin flokksmenn í að snúa útúr fyrir dr. Pétri, sem þarf ekki á þingbitlingum að halda fjárhagslega en vill gera sitt til hjálpar  landi og lýð.  Þetta atferli er skiljanlegt þar sem hann er muna greindari og upplýstari en aðrir innan veggja þingsins og þó víðar væri leitað.

 

Mér finnst fjöldi þingmanna núorðið vera orðin býsna einlit hjörð metorðaklifrara og sporslusafnara, sem stórhækkuðu í launum við að komast að opinberu kjötkötlunum. Ég held að þjóðin næði betri árangri með því að afnema öll laun þingmanna og forsetans.  Kjósendur þeirra gætu  séð um það með frjálsum samskotum ef þeir væru þurfandi fyrir ölmusur. Ég er viss um að til dæmis hún Dorrit myndi óhikað sjá um viðurværi Ólafs síns þó að þjóðin væri ekki að senda þeim aura sérsaklega fyrir að vera þau ágætu forsetahjón  sem þau eru.Ég held ég myndi glaður borga eitthvað fyrir mína menn,  því ég er nokkuð viss um að valið myndi vandast um leið og aðsóknin undirmálsfólksins minnkaði.

 

Mér finnst þetta bara brandari, þegar svona kallar eins og Guðni og Kristján mæta í Kastljósið til að henda skít í alla aðra en sjálfa sig. Tala um að auðvitað hefði átt að byggja nýtt skip fyrir 600 milljónir handa Grímseyingum. Nema hvað ? Af hverju kaupa þeir ekki fornbíla handa ráðherrunum eða forsetanum og láta gera þá upp ? Á Kúbu getur maður séð hvers góðir viðgerðamenn eru megnugir.

     

Er ekki morgunljóst, að einhver maður í æðstu stöðu tók ekki mark á skýrslu, sem sagði berum orðum, að þessi ferja væri ónýtur dallur sem ekki ætti að kaupa ?  Hversvegna var skipið samt keypt ? Hvers hagsmunir lágu að baki kaupanna ?

 

Mér finnst þessi Grímseyjarferjumál  vera tómt afkáraleikhús . Eitt af þeim  vinnubrögðum Alþingis sem  eru með þeim hætti,  að ég á erfitt með að bera æskilega  respekt fyrir mörgu því  liði sem þar situr. Það er ömurlegt að horfa uppá svona sjónarspili ár eftir ár. Og það versta er, að Alþingi  getur ekki lagað sjálft sig. Og kjósendurnir ekki heldur.

 

 Um leið og Kristján Möller er búinn að úrskurða Einar verkfræðing í Berufsverbot eins og gert var í HitlersÞýzkalandi, þá fer allt í sama farið.  Enginn í apparatinu ber neina ábyrgð á neinu og stjórnmálaleg ábyrgð er ekki til. Þeir sömu eru kosnir aftur.  Nýjir ráðgjafar eru hugsanlega sóttir og þá með rétta flokksliti.  Einn milljarður í kosningabaráttu fyrir sæti í Öryggisráðinu skiptir ekki nokkurn kjósanda nokkru máli. Aðalmálið er að Alþingi stoppi ríkisforstjóra eins og til dæmis framkvæmdastjóra Landspítalans í því að eyða umfram fjárlög í það,  að reyna að leysa bráðan heilsufarsvanda kjósenda  þessara manna.  Og kannske hengja svo einn og einn málastjóra öðrum til leiðsagnar á embættisveginum. Og gleyma svo alveg

jarðgangnamilljörðunum  sem liggja til eyðidala í réttum kjördæmum.

 

Já, miklir menn erum vér Hrólfur minn.

  

 

Ingibjörg í víkingu

Ingibjörg Sólrún Gísladóttir utanríkisráðherra Íslands sagði að Íslendingar bæru ábyrgð gagnvart flóttamönnum heimsins. Sérstaklega Írökum af því að við hefðum staðið að hernaði gegn þeim. Þaðan hafa flúið á aðra milljón  manna og 700.000 eru sagðir flóttamenn í eigin landi eins og hið nýja hugtak hljóðar víst,  alveg eins og þær 5 milljónir Súdana, sem eru sagðir flóttamenn í eigin landi í Morgunblaðinu.

 

Hingað eru að koma “flóttakonur”  frá Kólumbíu. Örugglega tilheyrir þetta fólk ekki  hinum   200.000 manna flóttamannahópi, sem  Flóttamannastofnun S.Þ. skilgreindi sem slíka árið 2006. En í þeim hópi hafði orðið stórfjölgun frá árinu áður. Mér er ókunnugt um hver á upptökin af komu þeirra til Íslands en hef heyrt að um einskonar einkaframtak einhverrar áhugakonu um málefni S.-Ameríku sé að ræða.

 

Miklu frekar er  þetta Kólumbíufólk að flýja örbirgðina heima hjá sér heldur en pólitískar ofsóknir.  Kólumbía er lýðræðisríki með margt  á pari við Íslendinga, t.d. fjölda farsíma osfrv.. Þeim gengur hinsvegar illa að ráða við glæpastarfsemina í landinu vegna eiturlyfjaiðnaðarins.  Alveg eins og okkur Íslendingum, sem eru ráðþrota gagnvart sínum eiturlyfjaglæpalýð og leyfa þeim að vaða uppi mótspyrnulítið. Enda um stórbísness að ræða sem margir græða á.

 

Hvað eru flóttamenn yfirleitt að flýja ?  Erlent innrásarlið í landi sínu ?  Vopnuð átök pólitískra glæpamanna, (les stjórnmálaflokka), eigin landsmanna ?  Arðrán, kúgun og afleidda örbirgð af hálfu þessara sömu afla ? Ég get alls ekki fundið til einhverrar ábyrgðar gagnvart slíkum uppákomum. Þetta er bara ekki minn bísness, ég ræð engu um hvorki orsök né afleiðingar hegðunar glæpamanna um víða veröld. 

 

Það eru líka milljónir og aftur milljónir manna á þessari jörð, sem búa við þvílíka örbirgð að íslenzkur útigangsmaður lifir í allsnægtum miðað við það. Mikið af örbirgðinni er beinlíns afleiðing af gjörðum glæpamannanna, sem fara með illa fengin völd í ríkjunum.  Getum við Íslendingar ekki gert okkur ljóst, að við getum ekki leyst vandamál heimsins, jafnvel þó að við gefum upp allt landið  okkar  Ísland  og allar veraldlegar eigur með ?

 

Höfum við Íslendingar ekki líka sætt pólitískum ofsóknum, arðráni opg kúgun í eigin landi, sem hafa oft leitt til þess að menn hafa flúið héðan ? Man enginn ofurveldi Sambandsins í atvinnulífinu ,sem var þó jafnvel minna umfangs en  Baugsveldið núna ?

 

Hversvegna eyðir valdaræninginn Mussarav í  Pakistan 47 sinnum meira í herinn heldur en í heilbrigðismál í landinu  á sama tíma og hann nýtur velvilja Bandaríkjamanna ?  Eigum við að fara og sækja okkur flóttamenn þangað ? Eða þá bandíttarnir á stjórnarstólunum í Eþíópíu,  sem eyða tífalt meira fé í byssur og skot til að drepa eigin þegna með heldur en að stuðla að langlífi þeirra ? Vitleysingurinn og morðinginn Mugabe í Rhodesíu veldur þegnum sínum ólýsanlegum þjáningum.Berum við þá ekki siðferðilega ábyrgð á honum þar sem við fordæmdum Ian Smith á sínum tíma ? Eigum við ekki að sækja flóttamenn þaðan ?

 

Eiga þjóðir heims ekki frekar  að sjá til þess að flóttamenn geti ekki flúið frá landi sínu með því að loka landamærum að því eins og til dæmis Svissarar gerðu gagnvart Hitlers-Þýskalandi og þjáðu fólki þar ? Þeim beri að vera um kyrrt og berjast fyrir betra þjóðfélagi á heimaslóð.  Hvernig myndum við taka á bandaríska borgarastríðinu ef það færi fram núna ? Frá hvorri hliðinni tækjum við flóttamenn ?

   

Af hverju tekur Lichtenstein ekki á móti innflytjendum eða  flóttamönnum ? Hvernig eigum við Íslendingar að leysa öll vandamál heimsins sem margfaldast með með stjórnlausri fólksfjölgun jarðarbúa ? Eru ráðamenn okkar með réttu ráði ? Eða er ég ekki með réttu ráði ?

  

Hvað  er Ingibjörg Sólrún utanríkisráðherra  að ferðast um  í útlöndum og bjóða flóttamönnum á íslenskan sósíal. Er það  í skiptum fyrir sæti fyrir Ísland í öryggisráði Sameinuðu Þjóðanna ?  Hversvegna sækjumst við eftir því þegar við getum ekki einusinni tryggt öryggi eigin borgara í höfuðborg eigin lands ? Og svo er þjóðin upp til hópa á móti þessu.

  

Hversvegna viljum við endilega búa til sömu vandamál á Íslandi og Danir og Stór-Svíarnir eru búnir að gera hjá sér ?  Hvað þá Þýzkir með Tyrkina ? Viljum við virkilega fá söfnuði múhameðskra Araba hér á landi, sem verða eins sjarjaþenkjandi gegn hinu nýja föðurlandi eins og arabisk- nýdanski þingframbjóðandinn í shadornum,  sem vildi láta drepa danska hermenn í Írak og Afganistan ?

  

Mér finnst að Íslendingar eigi að velja þá innflytjendur, sem við kærum okkur um vandlega. Velja fremur fólk,  sem líkist okkur og er líklegt til að samlagast okkur, og velja að  það sé bæði menntað og heilbrigt og af menningarstigi sem getur bætt okkar eigið.  Við höfum ekkert að gera við súdanska stríðsmenn  eða arabiska vígamenn  hingað.  Slíkt  fólk verður bara til vandræða.  Ómenntaður lýður frá örbirgðarlöndum á heldur ekkert annað erindi við okkur en að sjúga íslenskar skattkýr. Við eigum alveg nóg með okkur sjálf og margt er okkar samfélagi til stórrar skammar, sem ekki batnar ef við þynnum út mann- og þjóðarauðinn. Við hljótum líka að bera einhverja ábyrgð gagnvart landinu okkar, menningarsögu og framtíð óborinna kynslóða.

 

Stöðvum stjórnlausa innflytjendavitleysuna og  tökum skipulega á málunum. Innflytjendur eru ekki safnorð, sumir eru  æskilegir  en aðrir alls ekki. Og fyrir alla muni hættum að telja alla farandverkamenn efnivið í Íslendinga. Það eru forréttindi að vera Íslendingur og með það ríkisfang ber að fara af ítrustu sparsemi og yfirvegun. Fólk á að geta komið hingað og unnið svo lengi sem vinnu er að hafa. Svo getur það bara farið.

 

Ef einhver vill garga RASISTI ,RASISTI núna, þá má hann það mín vegna. Mér er bara alvega sama. Þetta er mín skoðun og við hana stend ég.

 

Bravó Þorsteinn Pálsson !

É vil lýsa sérstakri ánægju minni með leiðara Fréttablaðsins á mánudaginn, þar sem Þorsteinn Pálsson tekur fyrir þjóðarhöggin á Þingvöllum. Er það virkilega Björn Bjarnason sem er einn af ráðagreðarmönnum á bak við það að höggva barrtréin upp af því að þau hafi ekki vaxið þarna á söguöld ? Ég vil bara helst ekki trúa því sem ég heyri.

Það var heldur enginn minkur á Þingvöllum þá bendir Þorsteinn á í sínu skrifi. Það voru heldur engir bílar þar þá. Á þá ekki að banna bílaumferð aðra en ráðherrabíl Björns? Á ekki að banna nýbúum og hörundsdökkum Íslendingum að koma þarna þar sem þeir eru ekki orígínal í umhverfinu ? Og hvað með Þingvallavatn, sem er miklu stærra en þá af því að það er núna uppistöðulón fyrir virkjanir ? Og hvað með rafmagnsljós í Valhöll og Þingvallabæ ?Steinsteypu í Öxarárbrú ?

Er þetta ekki spaugilegt þangað til að maður sér vegsummerkin. Trjástubba þar sem áður stóðu há grenitré ? Þögul vitni um helförina sem hafin er þarna.

Ég mótmæli fyrir minn litla hluta í Þingvöllum sem ég kynni að eiga. Ef ég hef ekkert með þetta að gera heldur Björn Bjarnason og einhver Þingvallanefnd, þá spyr ég hver á Þingvelli ?  

Lifi Lúpínan !

Hann Hákon Bjarnason skógræktarstjóri hefði orðið 100 ára á morgun.

Sá maður gerði margt fyrir þetta land sem sumir þeir yngri hafa ekki hugmynd um. Þegar hann hóf störf var landið næsta nakið. Urð og grjót voru það sem blast við á holtunum í kringum Reykjavík og í Esjuhlíðunum. Birkikræðurnar í Hljómskálagarðinum náðu ekki metra á hæð eftir áratugi í næðingnum. Það voru stöku húshá tré í gömlum görðum í Reykjavík. Það kostaði Hákon átök að varðveita síðustu leifar af birkiskógum landsins, sem voru að étast og blása upp.

Hákon breytti þessu öllu. Hann vakti þjóðina til umhugsunar. Hann var trúboði sem fór um landið og flutti vakningaræður og sýndi myndir frá öðrum löndum sem dæmi um hvað gæti orðið hér. Og þetta gerði hann utan vinnutímans og án þess að fá greidda yfirvinnu.  Margir sauðspekingarnir sögðu hann vitlausan, hann  ætlaði að rækta eldspýtur á Íslandi og þaðanaf gáfulegar lýstu beitarhúsamenn vizku sinni um landnytjar.

Nú horfir maður yfir höfuðborgina, þar sem stórskógur gnæfir upp við flest hús. Alaskaöspin ,sem Hákon kom með,  hefur breytt landinu okkar úr berangri í gróðurvinjar. Útlendingar stara agndofa á bæinn. Er þetta mögulegt hér á hjara veraldar ?

Eyðisandar eins og Mýrdalssandur voru stórhættulegir yfirferðar ef hreyfði vind. Ég græt enn Benzann sem ég eyðilagði gersamlega með því að asnast við að flýta mér yfir.  Nú aka menn þar yfir í skjóli Alaskalúpínunnar, Bieringspunstsins og Kerfilsins án þess að hætta á að eyðileggja bílana sína.

Mér finnst það alltaf eitthvað það besta sem Hákon gerði var að koma með Alaskalúpínuna til landsins. Þessi magnaða jurt hefur breytt örfoka löndum í gróðurvinjar. Þessi nýbúi Íslands ætti að að bera sæmdarheitið "Þjóðarblóm Íslands"  fremur en nokkur önnur jurt. Þessi himinbláa breiða, sem bylgjast í blænum þar sem áður voru klungrin ein,  gefur manni trú á mátt íslenzkrar moldar og það að landið okkar geti verið besta land í heimi ef við ræktum það vel og gætum þess og þjóðarinnar.  Nokkuð sem fáir trúðu að gæti verið mögulegt í mínu ungdæmi, svo hrikaleg var eyðimörkin allt um kring.

Íslenzkir áhugamenn um landgræðslu og skógrækt ættu að reisa Hákoni Bjarnason styttu í Asparlundi vörðuðum af stórum Sitkatrjám með lúpínubreiður allt í kring.

Hann var í mínum augum einn besti sonur Íslands, sem trúði á landið sitt og að menningin yxi  í lundum nýrra skóga. Hann var líka maður fólksins í beinum skilningi. Hann var Johnny Appleseed þessa lands. Það sem hann kenndi fólkinu er orsök þess sem við sjáum í dag allstaðar á landinu.  Nýja skógarlundi, nýjar gróðurbreiður. Vegna hans mila uppeldisstarfs leggjast svona margar hendur á eitt.

Allt niðurrifsfólk landsins mun aldrei hafa orku í það að eyðileggja allt það sem hann áorkaði fyrir þjóðina.   Til þess er það bæði of fátt og of latt sem betur fer. Þetta lúpínueyðingarnöldur vil ég flokka með sjálfum mér sem óvitahjal og segi eins og Bruno á bálinu. Ó þú heilaga einfeldni. Mér finnst það fólk eiga bágt,  sem finnst eyðimörkin vera þjóðlegri verðmæti en uppgrætt lúpínuland.