St.Eva Íslendinga !

Í kvöld hlustaði ég á viðtal Egils við Evu Joly, Alain Lipitz, Michael Hudson og Elviru Mendes.

Þegar ég lít yfir hvernig okkar Icesave-mál hafa þróast þá get ég ekki annað en fært þessari konu þakkir fyrir hvernig hún, óskyld manneskjan,  hefur tekið til varna fyrir okkar hart leiknu þjóð. Þessi kona hefur tekið upp varnir á heimsvísu með skrifum og málflutningi sem er að opna augu heimsins að eitthvað kunni að liggja á borðinu annað en einhliða sekt Íslands. Til hennar koma nú æ fleiri sterkir liðsmenn, sem taka undir hennar sjónarmið,  miklir menn og góðir.

En það var hún sem hóf upp merkið. Þessi einbeitta kona sem ég hélt fyrst að væri hér bara í eiginhagsmunaskyni. Þar skjátlaðist mér herfilega.Ef við Íslendingar ættum að velja okkur þjóðardýrling núna, svona eins og við veljum okkur þjóðarblóm, þá vildi ég greiða Evu Joly mitt atkvæði.

Við ættum að reyna að ganga í lið með henni í baráttunni fyrir Ísland og óbornar kynslóðir. Hætta að dýrka þessa menn sem rífast eins og krakkar í sandkassa um það hversu sekir við séum eða ekki og kyngja ofan í okkur stolti, gargi og pólitískum þráa.  Reynum að rísa upp eins og menn til að horfast í augu við okkar stríð og okkar opnu sund. Mér finnst ekki liggja mest á að rakka niður það sem við höfum verið að gera til þessa. Reynum heldur að bæta um betur og nota þau tæki sem okkur bjóðast.

Eva Joly hefur umfram aðra vakið okkur til vitundar.Reynum að fylgja hennar fordæmi.

Hún er í mínum augum St.Eva Íslendinga !

 

Athugasemdir

[Jón Steinar Ragnarsson, 11.1.2010 kl. 00:03]

Ekki má heldur gleyma Michael Hudson. Hann gæti fengið að vera engill.

[Halldór Jónsson, 11.1.2010 kl. 00:04]

Já mín vegna ! Það munaði nú um hann í fyrra.

[Jóhanna Magnúsdóttir, 11.1.2010 kl. 00:10]

Tek undir þetta og er reyndar að hlusta á Michael Hudson líka og hann getur verið St. Michael ;-) 

[Jenný Stefanía Jensdóttir, 11.1.2010 kl. 00:15]

Gleðilegra ár Halldór sæll, tek undir með þér heilshugar.

[Offari, 11.1.2010 kl. 00:18]

Það er forsetinn sem er okkar bjargvættur.

[Jenný Stefanía Jensdóttir, 11.1.2010 kl. 00:28]

Þegar vammlausir og réttsýnir fara offari, þá lýkst upp ljósið, jafnvel hjá forseta.

[Ómar Bjarki Smárason, 11.1.2010 kl. 00:43]

Og það merkilega er að fjármálaráðherra vor er svo "ánægður" með ákvörðun forsetans að hann vill hvorki sjá þennan vin sinn og samherja, samkvæmt grein í Pressunni. Það er ansi hart ef menn mega ekki lengur vinna vinnuna sína af samviskusemi og þjóðinni til heilla án þess að það verði vinslit....

Það er greinilega ekki allt í lagi á stjórnarheimilinu og skilnaður líklega yfirvofandi!

Og varla eru þau skötuhjúin, Jóhanna og Steingrímur, hrifin af afstöðu Evu Joly til yfirgangs Breta og Hollendinga.... Ætli þau vísi henni ekki frá landinu næst þegar hún kemur til landsins. Það kemur manni fátt á óvart lengur....!!!

[Helga Kristjánsdóttir, 11.1.2010 kl. 02:52]

    Flott allir góðu englarnir,enginn Lúsifer,búið.

[Jón Valur Jensson, 11.1.2010 kl. 04:20]

Þeir eru nú ýmsir, föllnu englarnir, Helga mín, ef grannt er skoðað.

En Halldór, þú sem berð réttilega lof á Evu Joly, gleymdu ekki forsetanum! Hugsaðu þér bara: Ef hann hefði skrifað undir, hvar stæðum við þá? – nú þegar! Og hvað hefði þá tjóað fyrir Evu Joly að segja eitthvað í Silfri Egils!

Taktu nú einu sinni ofan fyrir Ólafi Ragnari, þótt þú lofir að gera það aldrei aftur!

[Bjarni Kjartansson, 11.1.2010 kl. 11:09]

Meira að segja ég, hef tekið ofan minn hatt fyrir Ólafi, að hafa haft þor til að snupra fyrrum allaballa.

Ég sem fór á fund fyrri forseta þegar niðurstöðurnar lágu fyrir og Ólafur var korinn.  Þar fékk ég hennar leyfi til að líta á hana sem minn forseta svo lengi sem Ólafur gegndi embættinu og hún væri á dögum.

Hún er enn lifandi og Ólafur enn í embætti.

Mibbó

veit að virðing ber góðu dagsverki.

[Karen Elísabet Halldórsdóttir (IP-tala skráð) 11.1.2010 kl. 14:55]

Eva Joly .....er sannarlega kona þessa árs sem og þess síðasta......

Ég er hrærð yfir þeirri umhyggjusemi sem hún sýnir okkur Íslendingum með þessa máttlausu ríkisstjórn sem við nú búum við. Steingrími er að vísu vorkunn.....en það er með ólíkindum hvernig Samfylkingarfólkið nær að firra sig allri umræðu og ábyrgð.....hvar eru fjölmiðlar núna. Því eru þeir ekki fyrir utan glugga og hurðar Jóhönnu og Össurar. Steingrímur er látin eins og í skaupinu axla alla ábyrgð og þrífa eftir kafftímana þeirra.

[Pétur Halldórsson (IP-tala skráð) 11.1.2010 kl. 18:23]

Ok sammála að hún geti verið St Eva.

Þá er það hinir,, Helv.Steingrímur. og Helv.Jóhanna og....... etc    Því ekki?

 Þessi svokölluðu skötuhjú Steing og Jóh.  Gera lítið annað en að rakka allt niður sem þetta fólk  Hudson og Joly segja.

Ég get ekki séð að þau Steing og Jóh séu réttu megin við samningaborðið, miðað við málflutning þeirra. Og þá hljóta þau því að kallast Landráðamenn. 

[Halldór Jónsson, 11.1.2010 kl. 18:53]

Og hvað er með Kidda Sleggju sem segir okkur verða að borga í Mbl. í dag. Þar varð ég nú fyrst roðlaus þegar ég las þá grein. Skil ég hann rétt ?

[Pétur Halldórsson (IP-tala skráð) 11.1.2010 kl. 20:59]

Ekki viss um að hann skliji sig sjálfur,,,,, þessi kálfur.

[Halldór Jónsson, 11.1.2010 kl. 23:34]

Kannski hálfur ?

[Jón Valur Jensson, 12.1.2010 kl. 00:14]

Mér brá líka. Hvílíkur utanveltumálflutningur! Manni dettur það versta í hug. Er hann á leið í Samfylkinguna?

[Ágúst H Bjarnason, 12.1.2010 kl. 13:19]

Sæll frændi.

Við skulum ekki gleyma framlagi Dr. Mariu Elviru Méndez Pinedo sem er doktor og dósent í Evrópurétti við Háskóla Íslands og flestum fróðari um þau mál.  Lítur á sig sem Íslending.

Hún er gift Íslendingi  og hefur búið hérlendis í allmörg ár. Ég hef það eftir starfsfélögum við HÍ að hún sé "eldklár".

Hún bloggar stundum hér: http://elvira.blog.is

[Halldór Jónsson, 12.1.2010 kl. 13:53]

Já frændi ágúst, ég minntist einmitt á hana í innganginum , mig vantaði Pinedo nafnið.

[Auðun Gíslason, 12.1.2010 kl. 22:58]

 

skarfur

12.1.2010 | 20:47

Samningar ríkisstjórnar Geirs H. Haarde fyrir hönd þjóðarinnar 10. október 2008 og 16. nóvember 2008! Þannig hófst samningaferlið!

Samkomulag milli Hollands og Íslands um IceSave

11.10.2008

Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans.

Fjármálaráðherra Hollands, Wouter J. Bos, og fjármálaráðherra Íslands, Árni M. Mathiesen, tilkynntu þetta.

Ráðherrarnir fagna því að lausn hafi fundist á málinu. Wouter J. Bos kvaðst einkum ánægður með að staða hollenskra innstæðueigenda væri nú skýr. Árni M. Mathiesen bætti við að aðalatriðið væri að málið væri nú leyst.

Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur. Hollenska ríkisstjórnin mun veita Íslandi lán til að standa undir þessum greiðslum og hollenski seðlabankinn mun annast afgreiðslu krafna innstæðueigendanna.

Samkomulag næst við Evrópusambandið fyrir hönd Hollendinga og Breta - Greiðir fyrir láni frá Alþjóðagjaldeyrissjóðnum (IMF)

16.11.2008

Mikilvægur áfangi hefur náðst til lausnar deilunnar um innstæðutryggingar vegna íslenskra bankaútibúa á Evrópska efnahagssvæðinu og stöðu sparifjáreigenda í þeim. Viðræður Íslands við nokkur Evrópusambandsríki, sem komust á fyrir tilstilli Frakklands sem nú fer með formennsku í Evrópusambandinu, leiddu til samkomulags um viðmið sem lögð verða til grundvallar frekari samningaviðræðum.

Samkomulagið felur í sér að íslensk stjórnvöld ábyrgjast lágmarkstryggingu þá sem EES-reglur mæla fyrir um til innstæðueigenda í útibúum bankanna erlendis. Endanlegur kostnaður ríkissjóðs vegna þessa mun ráðast af því hvað greiðist upp í innstæðutryggingar af eignum bankanna. Einnig er kveðið á um að Evrópusambandið, undir forystu Frakklands, taki áframhaldandi þátt í að finna lausnir sem gera Íslandi kleift að endurreisa fjármálakerfi og efnahag.

Aðilar eru ásáttir um að hraða fjárhagslegri aðstoð við Ísland, þar með talið samþykkt lánafyrir­greiðslu sem beðið hefur samþykktar stjórnar Alþjóðagjaldeyrissjóðsins (IMF) undanfarnar vikur. Erindi Íslands hjá IMF verður tekið til afgreiðslu hjá sjóðnum miðvikudaginn 19. nóvember.

Umsamin viðmið

1. Ríkisstjórn Íslands hefur átt viðræðufundi með stofnunum Evrópusambandsins og hlutaðeigandi aðildarríkjum þess um skuldbindingar Íslands samkvæmt samningnum um Evrópska efnahagssvæðið að því er tekur til tilskipunar um innstæðutryggingar 94/19/EB. Aðilar komu sér saman um að tilskipunin um innstæðutryggingar hafi verið felld inn í lög­gjöf­ina um Evrópska efnahagssvæðið í samræmi við samninginn um Evrópska efnahags­svæð­ið og gildi því á Íslandi með sama hætti og hún gildir í aðildarríkjum Evrópusambandsins.
2. Viðurkenning allra aðila á þessari lagalegu stöðu greiðir fyrir skjótri niðurstöðu samninga­viðræðna þeirra sem nú standa yfir um fjárhagsaðstoð við Ísland, þ.m.t. við Alþjóða­gjald­eyris­sjóðinn. Þessar samningaviðræður skulu fara fram með samhæfðum og samræmdum hætti og skal þar tekið tillit til hinna erfiðu og fordæmislausu aðstæðna sem Ísland er í og knýjandi nauðsynjar þess að ákveða ráðstafanir sem gera Íslandi kleift að endurreisa fjármála- og efnahagskerfi sitt.
3. Stofnanir Evrópusambandsins og Evrópska efnahagssvæðisins munu taka áframhaldandi þátt í þessu ferli sem fer fram í samráði við þær.

Reykjavík 16. nóvember 2008

Kannski ekki úr vegi, að minna á þessar samninga ríkisstjórnar Geirs. H. Haarde nú þegar ásakanirnar  dynja á núverandi ríkisstjórn.  Svona hófst í raun þessi samningaruna.  Svona var ríkissjóður skuldbundinn í byrjun þessa leiðindamáls!  Nú virðist stór hluti þjóðarinnar telja að Jóhanna og Steingrímur J. eigi sök á hvernig komið er, og þau sæta ásökunum um hin villtustu svik við land og þjóð.  Munið að Icesave-myllan fór af stóð 2006 með vilja og vitund íslenskra yfirvalda!

[Jón Valur Jensson, 13.1.2010 kl. 03:11]

Auðun Gíslason er alls staðar að dreifa þessum villandi gögnum í BLEKKINGARSKYNI.

Þetta er afar villandi og í raun forheimskandi innlegg frá honum. Þetta sem dagsett er 11.10. 2008 er október-minnisblaðið, sem Ingibjörg Sólrún Gísladóttir benti á í desember 2009 að hefði fallið úr gildi um einum mánuði seinna, í nóvember 2008! Þá kom vinnusamkomulagið 16. nóv. í staðinn, þar sem Brussel-viðmiðin (sem ISG segir, að EKKI hafi verið farið eftir í Icesave1- og Icesave2-samningunum!) voru tekin upp, og þá, í nóv. 2008, viðurkenndu Hollendingarnir sjálfir, að október-minnisblaðið væri ekki lengur gilt. Þar að auki var þetta minnisblað aldrei borið undir Alþingi né fjárveitingavald þess og var því ALDREI skuldbindandi fyrir íslenzku þjóðina, skv. stjórnarskránni.

Hér þyrfti að svara meira til, um nóvember-skjalið 2008, en ég var að uppgötva þessi innlegg Auðunar hér og víðar nú í nótt og gef mér því ekki tíma til að höggva inn í þetta frekar, að því undanskildu að gera aths. við eftirfarandi orð þar í 1. og 2. lið: "Aðilar komu sér saman um að tilskipunin um innstæðutryggingar hafi verið felld inn í löggjöfina um Evrópska efnahagssvæðið í samræmi við samninginn um Evrópska efnahags svæð ið og gildi því á Íslandi með sama hætti og hún gildir í aðildarríkjum Evrópusambandsins. – Viðurkenning allra aðila á þessari lagalegu stöðu ..." o.s.frv. En það er alveg rétt, að tilskipun Evrópubandalagsins frá 1994 gilti og gildir hér vegna laga okkar nr. 98/1999, um það deilum við, sem höfnum ábyrgð ríkissjóðs á Icesave, EKKI, heldur eru það einmitt Bretakvikindin, sem hafa þverskallazt við að játa þá staðreynd, að einmitt þetta tilskipunarákvæði 94/19/EC sýnir og sannar sakleysi íslenzka ríkisins og þjóðarinnar í Icesave-málinu!

Svo ætti Auðun að muna, að Icesave-myllan fór af stað með vilja og vitund brezkra og hollenzkra yfirvalda! – og þeirra var það að verja sína þegna með góðu eftirlitið – það var að áliti Evu Joly alls ekki hægt að leggja á rúmlega 20 manna FME hér heima!

Ekki nóg með það, heldur skapaði tilskipunin 94/19/EC falskt öryggi, gaf rangar væntingar um öryggi reikninganna. Á því verður Evrópubandalagið að taka fjárhagslega ábyrgð, segir hinn sérfróði prófessor Stefán Már Stefánsson og hinn frábæri Lárus Blöndal hrl. með honum, ekki hin einstöku ríki á Evrópska efnahagssvæðinu, sjá hér: Bótaskylda EVRÓPUBANDALAGSINS vegna eðlilegra, en rangra væntinga innistæðueigenda!

Þar að auki komu þeir nýju endurskoðunarstaðlar, sem bjuggu í haginn og sköpuðu starfsumhverfið fyrir bólufyrirtæki, krosseignatengsl og áhættukeyrslu í rekstri stórfyrirtækja, frá Evrópubandalaginu, ekki frá sjálfstæðri löggjöf íslenzkri! Sjá um það þessa grein: Endurskoðunarskrifstofur og nýir staðlar þeirra á ábyrgð ESB ollu hruninu; Íslendingar saklausir – og þessa: Alþjóðlegu endurskoðunarskrifstofu-risarnir bera þunga ábyrgð á kerfislægri orsök fjármálabólunnar sem sprakk, hér jafnvel fremur en erlendis.

Lifðu heill, Halldór minn, og sjáumst!