Leita í fréttum mbl.is

Hvern styður Baugur ?

scanhjklkjh0001

"Víglínur í Kópavogi

Orðræða fer harðnandi fyrir prófkjör sjálfstæðismanna í Kópavogi í dag, laugardag. Þannig velti sjálfstæðismaður, sem samband hafði við blaðið, því fyrir sér hvort líklegt væri að Karen Halldórsdóttir, sem stefnir á fjórða sæti, yrði dugleg við að velta við steinum í uppgjöri bæjarins við fortíðina komist hún í bæjarstjórn. Hún er dóttir Halldórs Jónssonar verkfræðings, sem þegið hefur milljónagreiðslur fyrir störf fyrir bæinn síðustu ár. Hann er líka einn af trúnaðarmönnum Gunnars I. Birgissonar, sem slæst við Ármann Kr. Ólafsson um fyrsta sætið á lista flokksins í bæjarstjórnarkosningunum í vor."

Blaðið birtir haganlega uppsettan texta um prófkjörið í Kópavogi þar sem Gunnar I Birgisson slæst við Ármann Kr. Ólafsson um 1. sætið. Feitletrun og mynd af Ármanni undirstrika við hvað er að fást.

Auðvitað segir blaðið menn hafa efasemdir um að Karen Halldórsdóttir yrði dugleg við að velta við steinum úr fortíðinni komist hún í bæjarstjórn.Hún sé nefnilega dóttir mín sem sé uppvís af því að þiggja milljónagreiðslur  fyrir störf fyrir bæinn.

Það er auðvitað búið að rétta í prófkjörsmálum og dæma Gunnar Birgisson sekan um spillingu og auðvitað alla þá sem honum tengjast. Og Karen er dóttir mín og auðvitað er hún þar með aðili að spillingunni. Og ég hef leyft mér að skrifa óvirðulega um hvernig Guðríður Arnardóttir verður leiðtogi Samfylkingarinnar mótframboðslaust á innan við tvöhundruð atkvæðum.  

Með Baugstíðindum er svo borin út  stóreflis mynd af hinum glæsilega Ármanni Kr. Ólafssyni sem býður  nýja forystu og Nýjar áherslur. Ekki minnst á það að Ármann hefur í 12 ár verið liðsmaður í þeim góða meirihluta sem stjórnað hefur hinni ótrúlegu uppbyggingu í Kópavogi. Ekki ósvipað því að Jóhanna Sigurðardóttir er kynnt sem nýkomin á svið stjórnmálanna eins og hvítur stormsveipur til að hreinsa flórinn eftir síðustu ríkisstjórn.

Þetta er auðvitað allt saman tilviljun ein.

Baugur styður engann fram yfir annan ?

 


« Síðasta færsla | Næsta færsla »

Athugasemdir

1 Smámynd: Ingibjörg Hinriksdóttir

Suss, þetta er skelfilegt. En tókstu nokkuð eftir því hver var á FORSÍÐUNNI á Baugsmiðlinum?

Ingibjörg Hinriksdóttir, 20.2.2010 kl. 19:38

2 Smámynd: Magnús Helgi Björgvinsson

Bara svo til að átta mig á samhenginu! Hvað hefur forval í Samfylkingunni þar sem fundarmenn völdu á listann, með prófkjör Sjálfstæðisflokksins í Kópavogi að gera? Hvernig getur þú borið það saman við prófkjör? Og hvað er að því að engin bauð sig fram á móti henni?

Og af hverju ert þú óánægður með að Samfylking beitti forvali í stað prófkjörs? Ætlaðir þú að ganga í Samfylkinguna til að kjósa?

 Það hefur enginn hingað til boðið sig á móti Gunnari hjá ykkur?

Magnús Helgi Björgvinsson, 20.2.2010 kl. 22:58

3 Smámynd: Halldór Jónsson

ÞAð er ekki allskostar rétt. Gunnar keppti við Guðna Stefánsson þegar hann kom. Síðar bauð Gunnsteinn Sigurðsson fram á móti honum og nú Ármann.

Alveg rétt Ingibjörg, ég sé að Gunnar keypti sér auglýsingu á forsíðunni. Þeir á Fréttablaðinu jöfnuðu áhrifin með baksíðunni ókeypis.

Halldór Jónsson, 21.2.2010 kl. 14:54

4 identicon

Og ekki gleyma Braga Mich, hann bauð sig líka gegn honum um árið.

Pétur Halldórsson (IP-tala skráð) 21.2.2010 kl. 15:35

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 0
  • Sl. sólarhring: 5
  • Sl. viku: 43
  • Frá upphafi: 0

Annað

  • Innlit í dag: 0
  • Innlit sl. viku: 40
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband