Er þetta fólk í lagi ?

Málgagn ríkisstjórnarinnar skýrir svo frá: 

"Tilboðið sem átti að leggja fyrir hollensku og bresku samninganefndirnar í kvöld var ekki lagt fram vegna þess að stjórnarandstaðan lagðist gegn því. Þeim þótti tilboðið bæði lélegt og vanhugsað.

Meðal skilyrða í samningaviðræðunum er samstaða stjórnar og stjórnarandstöðunnar hér á landi. Stjórnarandstaðan var ekki sátt við tilboðið sem varð til þess að það var ekki lagt fyrir erlendu samninganefndirnar.

Samkvæmt heimildum Vísis þá stóð til að gera annað tilboð um helgina en stjórnarandstaðan fékk klukkustund til þess að fara yfir það áður en það átti að leggja það fyrir samninganefndir Hollendinga og Breta. Stjórnarandstaðan sætti sig ekki við það og því var fallið frá að senda tilboðið."

Liggur ríkisstjórninni svona á með að koma okkur á klafann, að þeir geta ekki hamið sig eða farið að þeim samningum sem þeir voru búnir að gera við stjórnarandstöðuna ? Svíður þeim Indriða og Svavari svona sárt niðurlægingin sem þeir urðu fyrir eftir "glæsilegu niðurstöðuna"  ?

Snýst þetta um réttlætingu persóna eða hagsmuni þjóðar ? Þeir semja tilboðin og hinir eiga að stimpla. Er fyrirlitningin stjórnarinnar á dómgreind stjórnarandstöðunnar svona  alger ?

Er þetta fólk bara í lagi ?

Athugasemdir

[Pétur Halldórsson (IP-tala skráð) 3.3.2010 kl. 08:11]

Sammála, þetta segir allt sem segja þarf um vitleysingana, Svavar, Indriða og Steingrím

"Svíður þeim Indriða og Svavari svona sárt niðurlægingin sem þeir urðu fyrir eftir "glæsilegu niðurstöðuna"  ?"

Það þarf ekki að eyða fleiri orðum á þetta mál.

[Magnús Helgi Björgvinsson, 3.3.2010 kl. 09:35]

1. Nokkrar athugsemdir:
2. Það var samninganefndin sem vann að þessu tilboði sem átti að leggja fram. Þar á meðal væntanlega Lárus Blöndal og Lee Bucheit.
3. Pétur ég skil ekki hvað þú ert að blanda Indriða, og Svavari í þessi mál. Nú er ný samninganefnd að störfum. Svavar kemur ekki nálægt þessu og þessi nefnd er valin af öllum flokkum á Alþingi.
4. Að lokum smá tilvitnun í blogg Guðmundar Gunnarssonar:

"Einnig blasir við að öll þau gífuryrði um kostnað vegna Icesave eru della. Það kemur úr búi Landsbankans nær fullnaðarkostnaður og það sem kemur úr tryggingarsjóði og þær tekjur sem hann mun hafa næstu árin stendur fyllilega undir öllum kostnaðinum."

Umhugsunarvert líka ef einhver skoðaði framtíðar kostnað okkar af þessum töfum hvað varðar hagvöxt og frestunar á öllum framkvæmdum um ár eða 2 vegna þess að við höfum ekki gengið frá Icesave. Gæti skipt hundruðum milljörðum.

[Sigurjón Jónsson, 3.3.2010 kl. 13:27]

Magnús

Ef bretar tryðu því að nægt fé komi úr búi Landsbankanns, hví ættu þeir að fara fram á ríkisábyrgð.

Það er engin trygging fyrir því hvað fæst mikið úr búinu.

Allt tal um að 89% komi út úr búinu eru getgátur einar. Miklu líklegra er að það komi annað efnahagshrun og eignirnar verði miklu minna virði en menn eru að gæla við núna.

Og þá munu bretar láta reyna á ríkisábyrgðina.

[Magnús Helgi Björgvinsson, 3.3.2010 kl. 17:47]

Sigujón þó að bankar trúi því að fólk standi í skilum með sín lán þá vilja þeir veð fyrir því.

Bendi þér á eftirfrarandi:

1. Í dag eru um það bil 200 milljarðar á reikningum í Seðlabanka Bretlands sem Landsbankinn á
2. Á þessu ári er ljóst að bætast þar um 100 milljarðar í viðbót
3. Í eignum Landsbankans gamla er skuldabréf frá Nýja Landsbankanum upp á 256 milljarða. Þannig að þarna eru nú þegar 560 milljarðar sem hægt er að telja vísa.
4. Þá bendi ég þér á að afborganir af eignum Landsbankans voru 2009 þegar mesta óvissan var, um 200 milljarðar þannig að það virðist vera nokkuð öruggar eignir sem verða að skila sér í afborgunum næstu árum.

Samninganefnd okkar er að leggja það fyrir Breta og Hollendinga að nú sé ljóst að um 90% af eignum Landsbankans innheimtist og eignirnar eru nú metnar á 1135 milljarða þannig að í dag er reikna með því að 1050 milljarðar innheimtist.

Svo bendi ég á að við erum frá því í ágúst 2008 og jafnvel fyrr búin að lýsa því yfir að við kæmum til með að styrkja innistæðutrygginarsjóð ef hann myndi ekki ráða við tryggingar sínar. Það var borgað í hann af innstæðum á Icesave. Og eins og Guðmundur setur þetta upp þá eru líkur á því eignir Landsbankanst dugi upp í höfuðstólinn. Innistæðutrygginarsjóður á nú 20 milljarða og tekjur hanns nema nokkrum milljörðum á ári sem ættu að duga fyrir vöxtum miðað við 3 ára vaxtahlé og breytilegum vöxtum sem nú er verið að bjóða okkur.

[Snæbjörn Björnsson Birnir, 3.3.2010 kl. 19:09]

Sigurjón, það er kominn tími til að menn fatti hversvegna Bretar og Hollendingar (og ýmsar aðrar þjóðir) sækja svo hart að ríkisábyrgð. Það er eingöngu til að láta reyna á gildandi tilskipun ESB og hvernig hún er sett í lög einstakra þjóða. Þetta er fyrsta "prófið". Það skiftir nákvæmlega engu hvort það er nóg fyrir þessarri skuld í Landsbankanum. Hér er verið að láta reyna á "kerfið".

Íslendingar hefðu átt að samþykkja þetta fyrir löngu síðan og ekki standa í þessu þófi. þetta á eftir að kosta þjóðina talsvert, en það er ekki vegna Icesave skuldarinnar, heldur vegna þess, sem stjórnarandstaðan með hjálp Indefence hefur þvælt þessu máli og þarmeð komið í veg fyrir endurbyggingu efnahagslífsins á Íslandi.

[Jón Sveinsson, 3.3.2010 kl. 21:25]

ÞVÍ FYRR SEM RÁÐAMENN ÞJÓÐARINNAR SKILJA AÐ VIÐ EIGUM EKKI AÐ SEMJA VIÐ BRETA OG HOLLENDINGA UM HLUTI SEM ERU EKKI TIL HLUTI SEM EKKI HVÍLA Á ÞJÓÐINNI OG LOKA Á ÞENNAN VIÐBJÓÐ SEM JÓHANNA OG STEINGRÍMUR VILJA KÚA BÖRN OG BARNABÖRN ÞJÓÐARINNAR MEÐ, ÞÁ FARA HLUTIRNIR AÐ GANGA OG UPPBYGGING ÞJÓÐARBÚSINS FER Á FULLA FERÐ. ÞAÐ ER ALVEG ÖRUGGT.

Á LAUGARDAG SEGJA ÞJÓÐHOLLIR ÍSLENDINGAR, NEI.NEI.NEI.

[Pétur Halldórsson (IP-tala skráð) 3.3.2010 kl. 22:37]

Við erum að vinna okkur úr slæmri stöðu sem vitleysingjarnir komu okkur í .

Það er rangt hjá þér Magnús að peningar úr þrotabúinu séu tryggir, það er langur vegur frá það hefur marg oft komið fram,  og svo lengi sem vafi leikur á því treysti ég amk ekki neinu sem kemur frá þessum samninga bullum úr þínum krataflokki.

Bretar þyrftu væntanlega ekki ríkisábyrgð á greiðslurnar ef þær væru tryggar.

Ef þetta væri jafnöruggt og þú vilt meina Magnús, værum við að semja um allt aðra hluti á allt annan hátt við þessar nýlenduþjóðir sem kenndar eru við kúgun og þrælasölu í gegnum aldirnar. Í stað þess hefur undirlægjuháttur, sleikjuskapur og hrein heimska einkennt samningatækni þessar ríkisstjórnarinnar fram að þessu 

 Niðurlæging Ríkistjórnar Jóku og Steina er alger eftir frammistöðu vitleysingjanna í Svavarsnefndinni. 

Nei á laugardaginn!!

[Skeggi Skaftason, 4.3.2010 kl. 00:08]

http://skeggi.blog.is/blog/skeggi/entry/1025641/ :

"Þegar DO sagði hina fleygu setningu "Við eigum ekki að borga skuldir óreiðumanna" þá meinti hann "Við skulum borga þær skuldir óreiðumanna sem okkur hentar". Neyðarlögin kváðu á um að innistæður fóru fram fyrir aðrar skuldaviðurkenningar á bankanna, þannig var mesta beina tjóninu af hruni bankanna- nokkur þúsund milljörðum - að mestu komið á erlenda banka. Þannig þurfti ríkið ekki beint að punga út fé til að tryggja innstæður hérlendis 100%. [...]

Ef Íslendingar halda að þeir komist upp með þetta en vilji samtímis neita Icesave og fara með það fyrir dóm hygg ég að þeir séu æði bjartsýnir, eiginlega bara 'naív'.