Borgaðu fyrst og kjóstu mig svo !

Er þetta ekki alveg hrífandi sena:

Gling-gló !

Úti á tröppunni stendur fólk sem þið kannist við.

"Komið þið sæl kæru hjón. Við heitum Jóhanna Sigurðardóttir og Steingrímur J. Sigfússon. Við erum með hérna rukkun á ykkur á skuldabréfi vegna íbúðarinnar ykkar. Það hefur að vísu tvöfaldast frá því í fyrra en þið getið ekkert verið að setja það fyrir ykkur.

Við fengum það að vísu úr þrotabúi gömlu bankanna á hálfvirði. En þið vitið að það eru erfiðir tímar og þess vegna getum við ekki gefið ykkur afslátt þó að við höfum gert góð kaup. Hann Gylfi, strákurinn okkar hérna í ráðherrabílnum,  getur lesið fyrir ykkur smáaletrið ef þið viljið, og skýrt greiðsluskyldur ykkar að viðlagðri aðför að lögum.

En svo við treystum því að þið munið eftir okkur þegar kemur næst að kjördegi. Við erum nefnilega svo góð inn við beinið bæði. Við munum ávallt slá um ykkur skjaldborg eins og önnur heimili í landinu. En þið skiljið að nýju bankarnir okkar verða að ganga sinn gang eftir að við gátum loks rekið hann vonda Davíð burt.

Ef þið ekki kjósið okkur þá kemur kannski hann vondi Davíð aftur og fer að ljúga ykkur full. Okkur getið þið alltaf treyst eins og hvert okkar orð frá kosningum sannar.

Þið borgið þá bara fyrst og kjósið okkur svo !"

Bless bless.

Athugasemdir

[Björn Birgisson, 13.3.2010 kl. 22:24]

"En þið skiljið að nýju bankarnir okkar verða að ganga sinn gang eftir að við gátum loks rekið hann vonda Davíð burt."

Nákvæmlega.

[Árni Gunnarsson, 13.3.2010 kl. 23:06]

Ég misskildi titil færslunnar. Ég hélt að þú værir að meina flokkinn sem setti Ísland á hausinn. Mér skilst að Sjálfstæðisflokkurinn sé farinn að undirbúa framboð í sveitarstjórnarkosningum og það hefur verið fullyrt við mig að hann ætli líka að bjóða fram til Alþingis.

Og þá man ég að hann bauð líka fram í síðustu kosningum til Alþingis og fékk- ef ég man rétt einhvern slatta af svonefndum þingmönnum.

[Magnús Jónsson, 14.3.2010 kl. 03:16]

Halldór:Eigum við ekki bara að leggjast á bæn og biðja þess sem heitast, að samfylking og vinstrigrænir mæti ekki til kosninga hér eftir, eins og formenn þeirra beggja hvöttu landandsmenn til núna síðast?, þar sem allt yrði betra ef við kysum ekki, e'a var það ekki það sem þau vildu?????

[Hreinn Sigurðsson, 14.3.2010 kl. 08:34]

Skörp sögusskoðun