Aukum kvótann strax!

Aukum við kvótann strax. Það veður fiskur um allan sjó. Látum ekki einhverja reglustikukalla á Hafró ákveða það að skipta meiri skorti meðal þjóðarinnar. Hann er þegar nógur. Af  hverju veiðum við ekki meira núna í ár og næsta ár og reynum svo að hugsa málið aftur eftir þann tíma ef vera kynni a kreppunni hefði linað eitthvað. Bjarni Benediktsson(eldri) sagði að heldur skyldum við drepa fiskinn en fólkið. Nú er neyð í landinu. .Nú þurfum við á að halda öllu sem við getum. Auka við framleiðslu í sjávarútvegi og landbúnaði. Setja á sem allra mest, rækta,heyja, veiða og vinna.  

Er enginn þingmaður með snefil af skilningi á því á hverju þessi þjóð lifir ? Vantar okkur ekki nýtt þing í hvelli ? Þetta núverandi dugar greinilega ekki.

New Deal sagði Roosewelt ! Gefum uppá nýtt.Komum okkur upp úr hjólfari kyrrstöðunnar.Burt með þetta ónýta þing og þessa handónýtu ríkisstjórn sem getur ekki hugsað nema í nýjum lánum og skiptingu skortsins.

Aukum kvótann strax!

Athugasemdir

[Árni Gunnarsson, 15.3.2010 kl. 13:48]

Skráðu þig í Frjálslynda flokkinn í hvelli og mættu á landsfundinn n.k. föstudag og laugardag. Við þurfum karla eins og þig og helst sem flesta. Hver veit nema að á þér verði tekið mark ef ég kynni þig fyrir fólkinu og segi því frá hvað þú ert magnaður á þriðja glasi (sítrón)

Reyndar vildi ég nú helst fá Gunnar Birgisson með þér.

[Halldór Jónsson, 15.3.2010 kl. 15:41]

eru einhverjir aðrir en þú eftir í þessum flokki ? Attikittagauju er hættur og Jón magg líka. 

En síitrónið lífgar alla flokka nema VG kannki.

[Árni Gunnarsson, 15.3.2010 kl. 18:41]

Láttu ekki eins og þú vitir ekki að Attikittagauju er formaður og ætlar að víkja á landsfundinum. Hann sækist eftir sæti í miðstjórn enda er hann góður liðsmaður og bólginn af reynslu í atvinnumálum einkum þó í fiskveiðum og útgerð.

Sigurjón Þórðarson hefur boðið sig fram til formanns og mun að fullum líkindum ná því sæti ágreiningslaust. Án gamans þá er þarna vettvangur til áhrifa fyrir þá sem dreymir um pólitíska framtíð í þægilegri og þokkalega launaðri innivinnu.

Og "notalegu vinnuumhverfi"