Hvaðan fær maður milljarð?

Samfylkingin heldur málgagni sínu Fréttablaðinu og Stöð 2. Jón Ásgeir og kona hans snöruðu einum milljarði á borðið svo að allt geti gengið áfram. Samt vill enginn segjast hafa séð þennan milljarð.

Hvað kemur manni milljarður þegar maður er sagður skulda eitt þúsund milljarða ? Skyldi enginn vilja vita það? Indriði H. Þorláksson? Steingrímur J.Sigfússon? Birgitta Jónsdóttir ? Lilja Mósesdóttir ?

Ekki höfum við Sjálfstæðismenn og Famsóknarmenn nokkurn minnsta áhuga á því.

Hvað er líka milljarður milli vina? Áskrift að Mogganum telja margir sér ofviða meðan Fréttablaðið er "frítt". Samt eru sagðir einhverstaðar einhverjir milljarðar afskrifaðir í salti vegna ókeypis rekstrar Fréttablaðsins.

Nú fá þeir erkifeðgar líka Haga afhenta á ný, enginn annar kann að selja kjötfars eins og þeir. Ólafur búinn að fá Samskipið sitt aftur  og Pálmi Iceland Express. Þeir redda þessu fyrir ríkisstjórnina blessaðir drengirnir. Og svo þjóðinni í Evrópubandalagið. 

Það er hinsvegar erfitt að vanta fimmþúsund kall eins og margur glímir við.

 

Athugasemdir

[Karen Elísabet Halldórsdóttir (IP-tala skráð) 7.4.2010 kl. 21:35]

jújú.....svo fara menn bara og versla í Bónus og við Iceland Express fyrir þær fáu krónur sem eftir eru í veskinu.

ekki fær almenningur sömu meðhöndlun eða traust sem þessir snillingar virðast fá hjá fyrrum vinum sínum og núverandi starfsmönnum banka og þeirra þingmanna sem þeir hafa áður haft í vinnu.

nýju fjölmiðlalögin virðast amk ekki taka á því sem raunverulega er að ....sem er eignarhaldið. Ríkisstjórninni er slétt sama um það, bara svo framalega að ríkissjónvarpið takmarki auglýsingar sínar þá er allt í lagi.....

.....það nefninlega gleymist að ef auglýsingar eru takmarkaðar hjá ríkissjónvarpinu að þá minnka möguleikar fyrirtækja til að auglýsa. Þeir verða jafnvel neyddir til að kaupa auglýsingar af fyrirtækjum sem eru í beinni eða óbeinni samkeppni við þá.....sbr Húsasmiðjan (Baugur og Bónus) og BYKO (Krónan og Nóatún).

[Helga Kristjánsdóttir, 8.4.2010 kl. 04:30]

   Hagstætt að hagræða fyrir Haga.