Byssa ræningjans.

Í Bandaríkjunum kostar bensínið 100 kall lítrinn. Bílar eru tollfrjálsir. Þar leggja menn mikið af vegum og láta umferðina borga fyrir veginn.

Þar dettur frjálsbornum mönnum ekki í hug að setja GPS staðsetningartæki  í hvern mann til að stjórnvöld geti staðsett hann. Þar eru tollhlið þar sem þú borgar fyrir að keyra í gegn.  Þú getur líka keypt E-pass þar sem tölva les notkunina um leið og þú brunar í gegnum tollhlið. Gjöldin eru lág enda umferðin grundvöllur efnahagslífsins en ekki sláturfé eins og kommúnistar hugsa. Hinsvegar standa þér alltaf aðrar akstursleiðir opnar milli staða ef þú vilt ekki borga fyrir notkunina á fína veginum. Þú getur sparað þér tollinn en þú hefur valið.

Hér dettur ráðamönnum eins og Siglufjarðarstrumpinum aldrei í hug að horfa neitt annað en til föðurlanda sósíalismans í Evrópu. Þrefalda bensínverðið með sköttum fyrst og tvöfalda bílverðið með tollum, Setja svo girðingar á akstursleiðir til að skattleggja alla sem eiga erindi á milli A og B. Engin hjáleið heldur byssa ræningjans.

Þetta er liðið sem við kjósum til að stjórna okkur. Þetta er sá hugsunarháttur sem er að keyra okkur inní Evrópusambandið með góðu eða illu. Það er að verða ólíft í landinu við þetta lið í ríkisstjórn. Engin von, engar framfarir,  ekkert ! Skattar og meiri skattar, forræðishyggja, stóri bróðir allstaðar.

Og byssa ræningjans notuð til að þú borgir.

Athugasemdir

[Ágúst H Bjarnason, 8.4.2010 kl. 09:31]

 Svona fer fyrir ósvífnum tollheimtumönnum á Íslandi:

Þannig háttar til að eftir endilangri Staðarsveit á Snæfellsnesi liggur melahryggur.  Staðarsveitin er mýrlend og víða keldur og lítil stöðuvötn.  Því lá aðalferðaleiðin um malarhrygginn Ölduhrygg. Sagt er að Grani bóndi á Staðarstað eða Stað á Ölduhrygg eins og bærinn hét fyrrum hafi hlaðið garð um þjóðbraut þvera, svonefndan Granagarð, mikið mannvirki. Á garðinum hafði hann hlið og innheimti þar toll af vegfarendum.

Grani tollheimtumaður varð ekki vinsæll af þessu uppátæki sínu og einn morguninn fannst hann hangandi í snöru á öðrum hliðstólpanum, dauður.

(Heimild hér og hér).

[Predikarinn - Cacoethes scribendi , 8.4.2010 kl. 12:41]

Skallagrímur skattastrumpur verður að fara að passa sig í tollhliðinu að Arnarhváli. Hann gæti endað hangandi í snöru. Það væri kannski við hæfi að sem gálga mætti nota útrétta hönd Christians níunda fyrir framan stjórnarráðið ? Verst að hann rétti ekki fram báðar hendurnar, þá kæmist snara fyrir einnig undir skatta - uppvakninginn Indriða

[Halldór Jónsson, 8.4.2010 kl. 16:47]

Já, það hafa ýmsir tollheimtumenn orðið lítt vinsælir af alþýðu. Hvernig fór ekki í frönsku stjórnarbyltingunni þegar lýðurinn var búinn að fá uppí kok. En lýðuruinn er bara svo vitlaus að hann getur aldrei neitt af viti eins og til dæmis birtist í hann kýs loddara eins og eru Samfylkingarlistanum og harðdræga sérhagsmunasinna eins og kommúnistar eru venjulega og birtist í stöðuveitingum og fleira brölti  VG. Sjáið til dæmis Álfheiði Ingadóttur sem dæmi uppá nútíma pólitíkus.

Ég er alls ekki á móti grunnhugmyndinni að byggja hraðbrautir með tekjur sem duga fyrir lagningunni eins og var gert með Hvalfjarðargöngin. Sú var hugmyndin með Keflavíkurveginum og tollinum þar. En íslenskir stjórnmálamenn hafa sloppið óhengdir með það  að hækka stöðugt gjöldin á umferðina undir þeim lygum að það eigi að fara til samgöngubót. Síðan stela þeir peningunum í gæluverkefni óskyld í kjördæmapot eins og Skallagrímur er uppvís að í Þistilfirði þar sem vegalangningar hafa verið útúr kortinu árum saman, drjúgur hluti farið til hans eigin fjölskyldu að því sagt er. 

Það er ekki hægt að treysta neinum íslenskum stjórnmálamönnum eins og þeim flestum sem nú sitja á þingi, þeir ljúga blákalt þegar þeim dettur í hug. Ef þeir eru spurðir um svikin þá svara þeir eins og Ingibjörg Sólrún: " Það var þá "

Lýðurinn, eða háttvirtur kjósandi eins og þeir kalla hann fyrir kosningar, þó þeir fyrilíti hann fyrir trúgirnina, er svo vitlaus að hann lætur ljúga að sér endalaust. Þetta var ekki svona í gamla daga því þá voru til stjórnmálamenn sem höfðu snefil af samvisku. Núna fer helst undirmálsfólk í poólitík sem ekkert er  á að byggja. Gengisfall í því eins og felstu öðru.

Stjórnarbyltingunni frönsku lauk með því að Napoleon reið á hesti sínum inní þinghúsið og barði þingmennina með flötu sverði sínu og rak þá út. Setti skrílinn í úniform og lét drepa þá á vígvöllunum í Evrópu. Enda var hann mikilmenni fyrir sjálfan sig og þeir trúa því ennþá að hann hafi gert eitthvað fyrir Frakkland.

Ef Möllerinn færi bara á skíði heima á Siglufirði og Steingrímur færi í háskólann að læra jarðfræði eða bara í Þistilfjörð þaðan sem hann kom, þingmönnum yrði stórlega fækkað og atkvæðisréttur yrði jafnaður, þá væri einhver von. En ég sé því miður enga fyrir stafni og held að kreppan sé að dýpka dag frá degi.

[Elle_, 8.4.2010 kl. 17:44]

Já, byssa ræningjans og sláturfé, Halldór Jónsson.  Hrikaleg forræðishyggja.  Liggur við við séum öll höfð í beisli og teymd meðfram götunum.  Hissa að við skulum enn fá að búa í húsum en ekki fangabúðum.  Glæsilega öflug landstjórn. 

[Elle_, 8.4.2010 kl. 17:59]

Grani tollheimtumaður varð ekki vinsæll af þessu uppátæki sínu og einn morguninn fannst hann hangandi í snöru á öðrum hliðstólpanum, dauður.

Dæmum ekki tollmenn fyrir tolla, frekar en skattmenn fyrir skatta og ökumenn fyrir umferðarlög.  Við verðum að muna að tollheimtumenn hafa ekkert með lögin í landinu að gera.  Ekkert frekar enn skattheimtumenn.  Ekkert frekar en allur almenningur, guðfræðingar, læknar, lögreglan,  slökkviliðsmenn, verkfræðingar, ökumenn.  Það er Alþingi eitt og líka alþjóða- (milliríkja-) samningar, sem stýra sköttum og tollum, ekki skattmenn og tollmenn.  Víða virðist misskilnings gæta gegn mönnum í Tollinum.  Þeir búa ekki til Tollskrána sjálfir: Þeir vinna samkvæmt Tollskránni og um hana gilda alþjóðatollasamningar og landslög.  

[Magnús Þór Hafsteinsson, 8.4.2010 kl. 18:36]

Alveg rétt hjá þér Halldór. Það er verið að ríða hagkerfinu hér á slig með ofursköttum. Á sama tíma þorir ríkisstjórnin ekki að gera neitt í niðurskurði hjá hinu opinbera sem þó er löngu tímabær. Góður pistill.

[Júlíus Björnsson, 8.4.2010 kl. 18:42]

Hjá sossum í EU eru bifreiðar víðast lúxus og flestir eru fastir í sömu götunni alla ævi. 210 kr. fyrir lítrann eru fljótar að borga um viðhaldslaust vegakerfi hér um allt land.  Græðgi Animalfarm er ótrúleg á Íslandi.

[Hrannar Baldursson, 9.4.2010 kl. 05:58]

Þetta er því miður hárrétt greining. Kommúnisminn er þekktur fyrir að byrja á þveröfugum enda. Í stað þess að byggja grunninn fyrst er farið í það að henda saman þaki og byggja síðan undir það.

[Halldór Jónsson, 9.4.2010 kl. 10:38]

Í framhaldi datt ég inná viðtal Ingva Hrafns við vitringinn frá Siglufirði í gærkvöldi. Hann segir tollatökuna og GPS tækin íalla bíla vegna þess að bílar sem notai aðra orkugjafa borgi ekki neitt.

Ég nærri datt aftur af stólnum.. Hversu vitlausan telur hann mig og mína líka vera, sem munum fyrstu ökumælana á díselbílana, akstursritana, þungaskattinn ?

Hvað hefur þessi þjóð gert af sér til að verðskulda þennan ráðherra ?

[Júlíus Björnsson, 9.4.2010 kl. 14:36]

Grunnurinn er fjöreggið Boone County Kentucky efnahagsbandalaginu er 130.000 manna Island. Þar er neysluráðstöfunartekjur talsvert hærri en hér.  Þú kaupir gróða af mér ég kaupi sama gróða af þér. Allir vilja vera sjálfbærir og frjálsir sem eru frjálsir í anda. Hér ríkir lúsismi á öllum sviðum á fúnum grunni. Vanþroski eða leti?   Ekki verður bókvitið í askanna látið.

[Ágúst H Bjarnason, 9.4.2010 kl. 20:33]

Frétt í The Guardian.

[Halldór Jónsson, 9.4.2010 kl. 20:54]

Jahérna frændi, það er eins gott að þetta fréttist ekki til Siglufjarðar eða uppí stjórnarráð. Kannski getur Jóhanna sett GPS á kettina svo hún viti hvert á að halda í leitir ?

[Ágúst H Bjarnason, 10.4.2010 kl. 07:12]

Svo geta kettirnir sett upp huliðshjálm með GPS Jammer eins og menn eru farnir að gera erlendis til að komast hjá GPS vegatollum eins og verið er að spekúlera i að setja upp hér...  Kettirnir eru nefnilega lævísir eins og fleiri...

[Halldór Jónsson, 11.4.2010 kl. 12:09]

Jahérna frændi. Grani Möller hefur áreiðanlega haldið að hann væri með nýjustu kattasmölunartækni. En þar sem þeir slitu fríverslunarviðræðunum við Kína af því að þeir voru komnir í ESB viðræður þá eru þeir alveg lánlausir eftir að Grikkir fá ekki lægri vexti. Auðvitað gleymdu þeir þá alveg dollarfjöllunum í Kína.