Halldór Jónsson

22.4.2010 | 20:37

Hvar er Jóhanna?

Ég sá viðtal við Jóhönnu Sigurðardóttur í sjónvarpinu rétt áðan. Hún var stödd í galtómum stórum sal, þar sem umhorfs var eins og allir hefðu hlaupið þaðan úr veislu í skyndingu.

En það var ekki umhverfið sem vakti athygli mína heldur hvað Jóhanna sagði. Hún sagði að matvara hefði hækkað alltof mikið að undanförnu. Verðbólgan hefði verið á uppleið en nú væri þetta allt að lagast með örri lækkun stýrivaxta og afnámi gjaldeyrishaftanna og því færi verðbólgan ört minnkandi.

Hvar er Jóhanna eiginlega stödd?

Væri ekki ráð að Sjónvarpið spyrði seðlabankastjóra hennar hversu mikið af erlendu fé biði þess að komast úr landi ? Eru það 300 milljarðar eða 700 ? Hvenær gjaldeyrishöftunum verði aflétt ? Í ár ? Næsta ár ? Hitt árið ? Þarnæsta ár ? Hvort það væri tæknilega hægt að fella gengi krónunnar í einu Nordælsku slagi þannig að dollarinn færi í svona þúsundkall og flytja þessa erlendu peninga hreppaflutningi úr landi á því gengi ? Auðvitað ósvífið en hvað skal gera ? Hversu lengi myndi ástandið vera óþolandi eftir það ? Hversu fljótt gætum við tekið upp flotgengi aftur ? Það er ekkert náttúrulögmál að halda dollaranum þar sem hann er núna. Þetta er aðeins slembitala eins og hver önnur og hefur ekkert að gera með gengi krónunnar.

Fólk getur spurt sig sjálft hvort það sjái batamerki í þjóðlífinu ? Hefur vandi heimilanna minnkað ? Hefur verðlag lækkað ? Hefur atvinnuleysi minnkað ? Hafa atvinnutekjur aukist hjá þeim sem hafa vinnu ? Hafa skattar lækkað ? Hefur uppboðum fækkað ?

Ég verð að játa það að ég veit ekki hvaða vitneskju Jóhanna Sigurðardóttir býr yfir sem fær hana til að tala með þessum hætti. Var hún upptendruð af fögnuði yfir því sem slangur af einhverjum þýskum þingmönnum var að segja í tómum sal á þýska þinginu, að nú væri Ísland á leiðinni í ESB með fiskimiðin sín og hernaðarlegt mikilvægi ? Er Jóhanna búin að fá einhver loforð frá ESB sem valda hér straumhvörfum ? Hefur hún eitthvað til að selja okkur í pokahorninu ?

Ef ekki, þá velti ég alvarlega fyrir mér í hvaða veröld forsætisráðherra Íslands, Jóhanna Sigurðardóttir, er stödd.

Flokkur: Stjórnmál og samfélag | Facebook

Athugasemdir

Jóhanna var stödd á ársfundi SA. Þá væntanlega fyrir utan fundarsalinn.

Hún hélt víst ræðu þar í gær, síðasta vetrardag.

Það virðist sem að fréttamaður Sjónvarps hafi náð af henni tali og spurt hana nokkra spurninga. Síðan er það "planið" að spinna eina frétt úr hverri spurningu sem að spurð var. Það voru tvær til þrjár fréttir byggðar á þessu viðtali í báðum fréttatímum Sjónvarps í gær.

Ruglið er sjálfsagt hvílíkt í blessaðri konunni að það er ekki hægt að sýna viðtalið í heild sinni, þar sem að hún talar í hringi, samkvæmt venju.

Þá telja væntanlega blaðafulltrúar stjórnvalda (fréttastofa sjónvarps), það vænlegra að birta viðtalið í pörtum.

Kristinn Karl Brynjarsson, 22.4.2010 kl. 21:53

Þjóðartekjur á haus hefðu átta að vera hér 68.þús dollarar, en vor um 58.000 til 48.000 er nú á leið í 32.000 sennilega til að hægt sé fixa viðskiptajöfnðinn til þær hækki í 36.000 eftir formlega efnahagslega yfirtöku hæfs meirihluta EU. Við eru nú sérlega mikilvæg heildar hagsmunum þessa meiri hluta og útvíkkunar plan hans á sínum tíma ekkert leyndarmál. Þótt lítið hafi verið rætt um útfærsluna er hún í dag augljós.

Þetta kalla ég gífurleg stöðuleika gjaldeyrishöft fyrir Íslenska neytendur almennt. Nýju þjóðartekjurnar í evrum eða dollurum talið.

Þroskuð ríkistjórn gerir ekki sitt besta hún gerir það eina rétta á hverjum tíma.

Júlíus Björnsson, 23.4.2010 kl. 00:06

Já ég var að enda við að blogga um þetta Halldór, get svo sem bara gert smá paiste hérna;

Hvernig Jóhanna Sigurðardóttir fer frá því að væna kaupmenn um okur yfir í að planleggja hvenær gjaldeyrishöftum verði aflétt á innan við 2 mínútum, er mér óskiljanlegt en báðir hlutirnir eru jafn mikið bull.

Allt gumsið sem Jóhanna fjallaði síðan um í millitíðinni frá okri til gjaldeyrishafta var síðan þessum hlutum alsendis óviðkomandi. Einhverskonar sefjunarblaður og þvæla.

Jæja greyin mín, hérna er skammturinn, bla bla bla, og kyngja, svona já.

En á meðan er ríkisstjórnin á slæmum stað og innihaldslaust og meiningarlaust orðsalat forsætisráðherra hljómar í mín eiru eins og falskur útfararsöngur.

Hér á Íslandi varð ekkert kerfishrun, nei hér var ekkert kerfi og er ekkert kerfi. Við breytum engu með því að láta alþingismenn segja af sér í tonnatali.

Þú getur höggvið hausinn af snáknum en skrokkurinn er áfram í fullkomnu ólagi. Kerfið er ónýtt og jafnvel ekki til staðar að stórum hluta. Nýtt höfuð breytir engu þar um"

sandkassi (IP-tala skráð) 23.4.2010 kl. 01:59

Bankarnir hér stjórna álagninu allra fyrirtækja og neyslu allra neytenda. Ríkistjórn sem ræður ekki yfir sínum bönkum í slíku skuldaþræla landi. Gerir best að láta fjármálstofnanir allfarið um alla stjórnsýslu þeir gætu þá grætt ennþá meira. Allir sem hafa rekið óeðlilega skuldugt fyrirtæki vita að forstjórar þeirra eru undir ósjálfstæðir undirverkatakar Bankanna. Þegar fjölda einkaframtakið réð hér ríkum var ábyrgt afskrifað til að mæta áföllum. Þegar gervi-einkaframtak ríkistjórnanna tók við. Voru eðlilegir varasjóðir greiddir út sem ofurbónusar og súperarður hluthafa [oft stjórnmálmenn]. Bara það að græða til að borga skatta þegar það er óþarft vakti og vekur eðlilegar grunsemdir frá hægri.

Júlíus Björnsson, 23.4.2010 kl. 03:15

þetta eru bara dylgjur hjá henni.

sandkassi (IP-tala skráð) 23.4.2010 kl. 03:20