Auvidað Gnarrinn ma..r !

Lifandis eru allskyns fræðingar orðnir vitrir eftir að svokallaðar skoðanakannanir  sýni vaxandi fylgi við fíflaflokk Jóns Gnarr. Ég er ekki augnablik í vafa um að Jón Gnarr er jafnoki allra þeirra sem eru í framboði fyrir hina flokkana. Þetta er eldklár náungi og yrði áreiðanlega fínn borgarstjóri þó svo að hann myndi líklega breyta stefnunni örlítið.

En svo koma svona hrútfúlar og seríösar manneskjur eins og Stefanía Óskarsdóttir og taka það sem gefið að enginn geti gert að gamni sínu nema Jón Gnarr. Hún heldur virkilega að enginn svari nema í alvöru þegar spyrlarnir hringja um hvað viðkomandi ætli að kjósa. Er ekki alkunna að Danir eru drengir góðir og vinfastir og veita jafnan þeim sem betur mega sín ?

 Stefanía segir:

"Staða stjórnmálaflokkanna er svo slæm að jafnvel margir stuðningsmenn þeirra eiga í erfiðleikum með að halda uppi merkjum þeirra, svo rúnir trausti eru flokkarnir eftir hrunið. Þetta er mat Stefaníu Óskarsdóttur stjórnmálafræðings sem telur óþol gagnvart flokkum rótina að vinsældum Besta flokksins."

„- Svo við tökum dæmi þá leið langur tími þar til Ingibjörg Sólrún Gísladóttir og Þorgerður Katrín Gunnarsdóttir báðust afsökunar á þætti þeirra í hruninu, auk þess sem Halldór Ásgrímsson þótti ekki ganga fram af eftirsjá vegna meints þáttar hans í hruninu í nýlegu Kastljósviðtali. "

Blaðamaður spyr: "Telurðu að ef stjórnmálamenn hefðu gengið fram af meiri auðmýkt að andrúmsloftið væri hugsanlega öðruvísi?"

Stefanía hugsar sig þá um og kveðst svo hallast að því að svarið sé já. Hún rifjar svo upp að fjöldi þingmanna hafi strax farið í skotlínuna vegna hrunsins. Sumir hafi dregið sig í hlé en aðrir sitji áfram og njóti stuðnings vina sem telji illa að þeim vegið. Hún víkur svo að málefnastöðu flokkanna.

 

„Það er svo óþægilegt fyrir stuðningsmenn flokka að geta ekki varið stefnuna, að geta ekki eytt sínu púðri í að verja stefnuna og tala upp frambjóðendur. Í staðinn þurfa þeir að afsaka það sem gerðist í fortíðinni og bera í bætiflóka fyrir fólk sem víkur ekki til hliðar.

Í Bretlandi og víða annars staðar er miklu meiri hefð fyrir því að fólk víki af sviðinu um leið og það koma upp smávægilegar efasemdir um heiðarleika eða hvað það er. Það er gert vegna þess að menn þekkja að það er miklu vænlegra til árangurs fyrir heildina til að halda áfram að þurfa ekki að vera fastur í sporinu og afsaka einhverja tiltekna einstaklinga.

Hérna hjá okkur er þjóðfélagið svo lítið að einstaklingarnir verða svo fyrirferðamiklir,“ segir Stefanía og bendir á að mál Sigrúnar Bjarkar Jakobsdóttur, formanns bæjarstjórnar á Akureyri og oddvita sjálfstæðismanna þar í bæ, hafi orðið til að styrkja í sessi þá útbreiddu skoðun að stjórnmálamenn ætluðu ekki að læra af reynslunni."

Mikið endemis gufurugl er í þessum annars laglega stjórnmálafræðing !. Þeir láta auðvitað alltaf mest af Ólafi kóngi sem hvorki hafa heyrt hann né séð. Allskyns fólk þykist vita allt um Sjálfstæðisflokkinn sem hefur aldrei komið þar inn fyrir dyr.Ekkert af þessu bulli í Stefaníu á við þann flokk. Stefna flokksins hefur ekkert breyst og enginn flokksmaður á í erfiðleikum með að hefja hana á loft.

Hinsvegar mætti þessi aumingjans alvörukona hugsa sér að einhver hringi í mig þegar ég er búinn að heyra að Jón Gnarr sé í stórsókn. Þarf hún endilega að búast við því að ég segi satt og rétt frá því hvernig ég ætli að kjósa ? Bara af því að einhver Gallup er í símanum að pirra mig á matmálstíma ? Af hverju skyldi ég endilega setja mig í stellingar og segja með áhersluþunga og mikilli alvöru: "  Sjálfstæðisflokkinn  eins og ég hef alltaf gert, pabbi minn á undan mér og afi minn á undan honum." 

 Af hverju bregð endilega ég ekki á kreik og segi í Gnarrískum stíl:

"Auðvidað Gnarrinn ma..r !"

 

 

 

Athugasemdir

[Júlíus Björnsson, 22.5.2010 kl. 16:28]

http://juliusbearsson.blog.is/blog/juliusbearsson/entry/1051303/

"Ég biðst afsökunar á hruninu" er ekki fyndið. Að stjórna þroskuðu siðmenntuðu ríki þarf áttvísi [strategiu] minnst víðsýni ekki stefnu mótunnar. Siðmenningu er alda gömul og flesta stefnur komnar fram og flesta úreltar.

Það er ekki félagsleg eða hægri stefna að tengja hornasteina Íslands verðtryggðum verðbóta [e.dirty prize ] nafnvöxtum, sem eru óverðtryggðir á kúlulánum lánsýslu Ríkisins. Hinsvegar gildur það um raunávöxtun slíkra vaxta að hana þarf að reikna sérstaklega með tölfræðilegri ítrun sem hér fer ekki nánar út í hér.

Þess auka verðtryggða raunvöxtum eru um 10 ára að koma fram á íbúðlánum  ef verðbólga er ekki meiri en 2,5 % á mánuði og 2,5% á ári. Um fjögur ár ef verðbólga er 5%. Biðtími lántaka frá 2003 til 2007.

Nálgunar formúlan á markaði miðast við um 20% hækkun raunvaxta eftir um 5 ár.

Ég mun fara betur út í dirty prize: verðbætur síðar í pistlinum hér að ofan sem byrjaði með kostum verðtryggingar svo á spari fé undanfara íbúðakaupa eða til að sleppa við að láta fíkla hirða það í lífeyrissjóð með lögum. 

[Bernharð Hjaltalín, 22.5.2010 kl. 23:57]

Sæll Halldór,Jón Gnarr er svar fólksins í landinu við fjórflokknum,ef hann vinnur fjóra menn er það sigur, og þá kemur nýtt afl fyrir alþingiskosningar.

Settið sem situr nú á þingi er 50% mjög lélegt þrátt fyrir mikla endurnýjun við

hverja þingkosningar.

Við erum að verða á eftir í svo mörgu, m.a. er þetta jafnréttiskjaftæði sem er að verða siðlaust hér á land, þjóðin þarf að skammast sín.

[Júlíus Björnsson, 23.5.2010 kl. 01:51]

Minnihluti þjóðarinnar er ekki hluthafi í séreignarfjármálgeira með Ríkisábyrgð. Facto þeir sem ekki skilja þetta hugsa eins og hreinir yfirstéttar kommar og forgangraða í samræmi við sínar stefnumótanir. Víðsýni eða áttvísi er Íslenska.

Horsteinar þjóðarinnar eru grunnur og uppspretta jafnra tækifæra án tillits til stöðu, litarháttar eða kynferðis til að auka samkeppni og skuldleysi þar af leiðandi arðsemi allra [minnst hundrað svo viðurkenndar hagfræðikenningar gildi pro sent]  tækni og fullvinnslu rekstrarfyrirtækja sem standa undir græðandi geirum líkama og huga og fyrsta flokks þjónustu geirum, sem lækkar skatta og og eykur almenna eftirspurn eftir virðisaukandi neyslu.  

Betra er Dauður en Rauður. Rauður ráðgjafi fer í sauðagæru til að næra sig. Það koma allir upp sig þegar þeir opna munninn.