The buck stops here !

Truman Bandaríkjaforseti hafði skilti á borðinu hjá sér þar sem þetta stóð.Það þýðir einfaldlega að hér enda málalengingarnar og afgreiðsla fer fram.

Berum þetta saman við forsætisráðherra Íslands sem lét sérhanna sérstaka leiksýningu um að öllum væri frjálst að sækja um eina stöðu seðlabankastjóra fyrir ári síðan.  Hún var þá þegar búin að ákveða þann sem átti að ráða á bak við tjöldin þegar búið væri að reka Davíð, sem var í framhjáhlaupi sýknaður af meintu misferli í embætti í dag.

Farsinn um gegnsæið marglofaða sem þessi ríkisstjórn þykist viðhafa í mannaráðningum var  hinsvegar settur á svið í venjulegum blekkingastíl. Fosætisráðherrann  æpti bara á Sigurð Kára að honum færist nú ekki að vera að spyrja sig jafn Baugspilltur og hann væri nú.

Hún var svo í sjónvarpinu hjá Sigmari í kvöld sem þráspurði um launakjörin á þessum eina manni sem heyrir beint undir forsætisráðherra og hún réði beint til landsins úr himinhárri stöðu í Sviss.  Hún hélt því blákalt fram að hún vissi ekki neitt um hvaða kaup maðurinn hefði eða hefði átt að fá og setti á langar ræður um laun ríkisforstjóra almennt. Og slapp með það!

 Hún var ekki spurð um það hvort hún hefði lesið tölvupóstinn frá manninum sem um ræðir til hennar sjálfrar þar sem hann spurði um kaupið sitt eða af hverju hún svaraði honum ekki skriflega eða öðruvísi. Hvernig væri að Már yrði spurður hvort hann hefði engin viðbrögð fengið við sínu erindi ? Hvorki munnlega né á annan hátt ?

Jóhanna slapp því með að halda því fram að hún vissi ekkert um málið, það kæmi henni ekki við. Hugsið ykkur, þetta er forsætisráðherra Íslands sem talar og kemst upp með að bera þetta á borð fyrir þjóð sína !

Makalaust hvernig þetta Samfylkingarfólk sleppur með að meðhöndla okkur öll sem fífl sem trúum öllu sem rétt er að okkur.   "Það var þá" dugar Samfylkingarfólki til að útskýra svikin loforð. Kannski erum við bara öll fífl og eigum ekki betra skilið ? 

Af hverju eru engar kröfur gerðar til stjórnmálamanna af þessum vinstri kanti ? Þeir fá að bulla og þvæla alveg eins og þeir vilja og það er bara allt í lagi.  Þeir kunna  ágætlega  "Pass the buck" eins og lágt settra kontórísta er háttur sem benda hver á annan.   Hér ber enginn úr ríkisstjórninni ábyrgð á nokkrum sköpuðum hlut. Það er tönnlast á sömu slagorðunum um gagnsæi og opið ferli í þessu og hinu  aftur og aftur. Bílalánin eru alveg að leysast og skjaldborgin um heimilin er alveg að rísa meðan fógetarnir bóka uppboðsdagana.   Sem betur fer er stöðugleikasáttmálinn enn í lagi hjá ASÍ af því að ríkisstjórnin  er úr réttum flokkum að mati spíssanna sem halda þá friðinn á meðan.

En bukkurinn stoppar bara hvergi !   

 

Athugasemdir

[Anna Sigríður Guðmundsdóttir, 8.6.2010 kl. 01:46]

Halldór minn. Viltu fá Davíð Oddson eða Geir Haarde? Eða kannski Gunnar á Kópavogs-skútunni í stólinn?

Allir eru þeir líklega velviljaðir menn, en slysast áfram í röngum flokki og hafa svo sannarlega verið á rangri starfs-hillu í lífinu eins og svo mörg okkar hafa verið.

En ég er þakklát fyrir að við höfum öll leyfi til að vera mannleg og gölluð? Hvernig hefði nú annars verið hægt að lifa í þessu rugli? M.b.kv.

[Halldór Jónsson, 8.6.2010 kl. 07:42]

Já Anna mín, ég og þriðjungur þjóðarinnar að minnsta kosti viljum fá Davíð aftur. SJáðu bara skoðanakönina hérna til hliðar. Fólkið treystir Davíð þrisvarsinnum meira en það treystir þeim sem næst koma. Hv að flokkinn varðar eru allir í röngum flokki sem ekki eru í Sjálfstæðisflokknum að minnsta kosti lía. En eins og þú veist þá er ég í honum og líka Framsóknarflokknum og stefni á Samfylkinguna þegar prófkjör verða næst. Því það er alls ekki hægt að láta yfir sig ganga að hafa ekki áhrif á hvaða fólk er kosið til áhrifa í öðrum flokkum.

[Kjartan Sigurgeirsson, 8.6.2010 kl. 09:55]

Ég er hissa á þér Halldór að gagnrýna ráðningarferlið eftir að hafa horft á hana skýra frá því í Kastljósi í gær að það hafi aldrei verið jafn fagmannlega staðið að ráðningu á Íslandi.

Ég er líka hissa, jafnvel ekki síður, á þjóðinni sem  lætur þessa lygaþvælu dynja á sér dag eftir dag og jafnvel ver afglapaháttinn.

Þetta er ný gerð "stórmenna" sem hefur geð í sér til að koma fram í sjónvarpi allra lands-manna og segja nánustu samstarfsmenn sína lygara og lögbrjóta.  Ég held að þetta lið hljóti að vera að kalla á besta flokkinn til stjórnar landsins. Ég ekki séð að þar séu innanborðs verri dusilmenni en liðið sem er við stjórn-völinn í dag.

[Halldór Jónsson, 8.6.2010 kl. 12:07]

Kjartan,

Pallivil segir svo á bloggi sínu:

..."Jóhanna Sig. og Steingrímur J. voru búin að semja um að Már fengi starfið. Már var í stöðu til að setja skilyrði og það gerði hann.

Efnisatriðin sem skipta máli koma fram í frétt Mbl.is

Í tölvubréfi til Jóhönnu, dagsettu 21. júní 2009 segir Már. „Opinber kjör fela auðvitað í sér mjög mikla tekjulækkun frá því sem ég bý við í núverandi starfi. Mér er einnig ljóst að til viðbótar gæti komið lækkun ráðstöfunartekna vegna almennra aðgerða stjórnvalda í skattamálum og því um líku. Ég er hins vegar tilbúinn til að sætta mig við það."

Í bréfinu segir Már að komi til þess að laun seðlabankastjóra verði lækkuð um allt að 37% muni hann þurfa að fara yfir ákvörðun sína og miklar líkur séu á því að hún breytist. Í bréfinu virðist hann vísa í eitthvert fyrra samtal sitt við Jóhönnu.„Þá vil ég nefna það sem mér láðist að geta í samtalinu. Ráðningarferli seðlabankastjóra hefur sem betur fer farið fram fyrir opnum tjöldum. Það hefur hins vegar þær afleiðingar að hinn alþjóðlegi seðlabankaheimur er vel upplýstur um það. Í aðdraganda umsóknar minnar komu ýmsir þeirra að máli við mig og sumir lögðu beinlínis hart að mér að sækja um," segir Már.

Eftir að listi umsækjenda hafi verið kynntur hafi mun fleiri talað við hann og lýst yfir ánægju með að hann væri þeirra á meðal. „Það verður að sumu leyti erfitt fyrir mig að útskýra það ef til þess kemur að ég dreg mig til baka. Það yrði hins vegar óhjákvæmilegt vegna orðspors míns í seðlabankaheiminum að gera það," segir Már enn fremur í bréfinu.

Már segir Jóhönnu að ,,miklar líkur" séu á að hann hætt við ef hann fær ekki hærri laun og að hann muni auglýsa það rækilega í útlöndum. Jóhanna mátti ekki við frekari leiðindum í stjórnsýslu fjármála og fól Láru V. Júlíusdóttur formann bankaráðs Seðlabanka að koma til móts við kröfur Más.

Vandamál Jóhönnu er að hún laug upp í opið geðið á þjóð og þingi.  "

Þarf einhver að efast um að forsætisráðerran er staddur á sínu "Másgate" eins og Nixon í Watergate á sínum tíma ?