Hundur og köttur

"

Eftirfarandi klausa er í Morgunblaðinu í dag: 

"Farið er óblíðum orðum um Jón Ásgeir Jóhannesson og viðskiptafélaga hans í umfangsmikilli umfjöllun í nýjustu helgarútgáfu norska viðskiptablaðsins Dagens Næringsliv. Ber umfjöllunin fyrirsögnina »Bankaræningjar« og í henni er farið yfir það hvernig Jón Ásgeir byggði upp sitt viðskiptaveldi í samvinnu við ættingja og félaga eins og Jóhannes Jónsson, Pálma Haraldsson og Hannes Smárason.

 

Styðjast blaðamennirnir að miklu leyti við skýrslu rannsóknarnefndar Alþingis og málshöfðanir Glitnis á hendur Jóni Ásgeiri, Pálma, Lárusi Welding og fleirum.

 

Í umfjölluninni er mikil áhersla lögð á að segja frá veisluhöldum og gjálífi útrásarvíkinganna, jafnvel eftir að bankarnir voru lagstir á hliðina. Sagt er frá veislum í glæsisnekkjunni Thee Viking í Bandaríkjunum, gríðarlegum hátíðahöldum í Mónakó og dýrum málsverðum hér á landi. En einnig er farið yfir viðskiptahætti Jóns Ásgeirs og félaga, eins og þegar Sterling flugfélagið var selt fram og til baka á milli FL Group og fyrirtækja Pálma Haraldssonar og umfangsmikilla uppkaupa Baugs á breskum verslanakeðjum.

 

 

Vitnað er til ummæla breskra athafnamanna um »íslensku leiðina«, sem fólst í því að kaupa fyrirtæki dýrum dómum með lánsfé. Einn á að hafa sagt við félaga sinn: »Þú átt hund og ég á kött. Við verðleggjum dýrin á milljarð dollara hvort um sig. Ég kaupi hundinn af þér og þú köttinn af mér og nú erum við ekki lengur gæludýraeigendur. Nú erum við fjármálamenn með milljarð dala í eigið fé.«

Þróun mála í Glitni eftir að bankinn komst í hendur Jóns Ásgeirs, Pálma og Hannesar er einnig gerð skil í greininni. Er fjallað um það hvernig lán bankans til tengdra aðila tvöfölduðust eftir eigendaskiptin og það hve greiðan aðgang eigendur höfðu að fjármagni frá bankanum, jafnvel eftir að ljóst var að í óefni stefndi. "

Hvernig er því annars varið með efnahagsreikning "nýju bankanna" sem ríkisstjórnin er að guma af að hafa stofnsett ? Hvernig eru skuldir til dæmis hjá Íslandsbanka, sem hann kaupir á hrakvirði af Glitni, færðar sem eignir upp í Caddið? Til dæmis tíumilljarðar í kröfum vegna lána stofnfjarkaupenda í BYR,  SCAM sem téður "convicted white collar criminal" Jón Ásgeir setti á svið áður en hann rústaði bæði Glitni og BYR? Eignir sem Íslandsbanki ætlar að reyna að innheimta með málaferlum að fullu hjá fórnarlömbum svindlsins? Og sjálfsagt fleiri krafna á almenning sem nýju bankarnir taka sem vonarpening til að reyna að sjúga út úr hröktum almenningi með afli lögfræðinga sinna ?  

Eru þarna á ferðinni skott af hundum og rófur af köttum sem fórnarlömbin eiga að borga meðan Óli heldur Samskipum, Pálmi Iceland Express og Jón Ásgeir heldur Högum með Fréttablaðinu, Bónus og Stöð 2 ?

Hundar og kettir ?

Athugasemdir

[Árni Gunnarsson, 30.6.2010 kl. 12:54]

Tveir höfðingjar höfðu safnað liði til að takast á um hval sem rekið hafði á umdeildar fjörur. Áður en til átaka dró reyndu spakir menn að koma á sáttum milli fyrirliðanna.

Rosknum og mikilúðlegum fulltrúa annars liðsins leiddist þófið og gekk til foringja síns með gilda viðarklumbu í hendinni og spurði si svona:

"Hvernig er þetta, má ekki fara að byrja að drepa?"

Nú er mig farið að gruna að ýmsir séu farnir að óróast og hugsa líkt og gamli Strandamaðurinn forðum.