Álfheiður afrekskona!

Svona stendur í Mogga:

"Álfheiður Ingadóttir heilbrigðisráðherra segir að í frekari niðurskurði í heilbrigðisþjónustu þurfi að horfa til endurskipulagningar kerfisins í heild sinni. »Innlagnargjöld verða ekki tekin upp,« segir ráðherra.

Í nýrri starfsemisskýrslu Landspítalans fyrir fyrri helming ársins má sjá að mjög hefur dregið úr komum á legudeildir. »Víða um heim er verið að efla göngudeildir, heimaþjónustu og dagdeildir og minnka legur og innlagnir. Að sumu leyti flýtir þessi niðurskurður eitthvað þessari þróun en hann er samt sem áður ekki tilefnið. Starfsfólk Landspítalans hefur sýnt mikinn metnað og tryggt að öryggi sjúklinga sé óskert þrátt fyrir þennan mikla fjárhagslega niðurskurð,« segir Álfheiður.

Hún segir að áætluðum 5% niðurskurði í heilbrigðiskerfinu hafi ekki enn verið deilt niður. »Við þurfum að endurskipuleggja í þjónustunni til að ná þessum niðurskurði. Það er ekki í boði að skera niður flatt. "

Mikil lifandis mannvitsbrekka hlýtur þessi kona að vera. Að maður spyrji ekki um rekstrarreynslu hennar úr fiskeldinu í Hvalfirði. Hún sér fram á það að það sé hægt að hagræða öllu starfi í heilbrigðiskerfinu upp á nýtt þannig að allt verði jafngott og áður fyrir minni pening.

Ég velti fyrir mér hverskonar fólk hafi unnið þarna fyrr í þessu heilbrigðiskerfi, sem margbúið var að hægræða svo emjað var hástöfum áður en þessi Álfheiður kom til ? Tómir amatörar sem gerðu allt vitlaust af því það var svo vitlaust að hafa ekki verksvit? Eða þá þessir sjúklingar sem voru að leggjast inn af því að þeir föttuðu ekki að ganga á deildirnar? Geta allir ekki gengið eftir sinni jafngóðu þjónustu sem áður?

Bráðavaktin er víst búin að hagræða svo mögum læknum útaf að það er margra  tíma bið eftir að fá plástur. Eru nokkur takmörk fyrir því hvað svona mannvitsbrekka eins og Álfheiður sem ráðherra í ríkisstjórn Steingríms og Jóhönnu getur skorið niður af stórauknu skattfé ? Af hverju bara 5 % ? Getur hún ekki upphugsað svona 3 % í viðbót? Væri það ekki  50 % aukning í hagræðingu? Getur hún ekki hagrætt sjálfri sér til þess?

Hversu lengi er hægt að hagræða og spara í grunnþörfum samfélagsins? Er hvergi sá punktur að allri vitleysu hefur verið útrýmt og bara skynsemi nýtur við? Er ekki rosalegt að vita til þess hversu allir hafa verið vitlausir áður en þessi kona kom?

Álfheiður er áreiðanlega afrekskona umfram aðra þá amatöra sem setið hafa á stólum heilbrigðisráðherra lýðveldisins til þessa.. Ætti hún ekki að ganga í sérstökum búningi með tjald á öxlunum og S-merki framan á sér?

 

Athugasemdir

[Júlíus Björnsson, 22.7.2010 kl. 21:10]

Ég er allveg viss um að ef fjármagnskostnaður og lífeyrisjóðsgreiðsluupptaka starfsmanna heilbrigðisgeirans á Íslandi væri sú sama og efnahaglega þroskuðum ríkjum vætti lækka heildar launakostnað um 30%. Álíka niðurskurður í fjármála rekstrakostnaði geirans myndi svo bæta þjónustuna við viðhalda þjóðalíkamans.  Vandmálið hér er að að greind þjóðarlíkamans er lítil sem engin í langtíma málum efnahags og velferðar.

Í frjálsir samkeppni er hlutfallslega ódýrt samkeppniyfirlit. Þar kunna menn að reikna raunvexti af lánum sem þeir taka. Vita að negative amortization eru nýjustu lánsform frjálshyggjunnar frá um 1980 þar tekið er veð í raunsærri langtíma greiðslugetu sem byggir ekki á samfélagslegri skattheimtu eða endalausum lánafyrirgreiðslum.

Hér hefur verið lánað negam vegna þess að stjórnsýslan vísar veginn.  Líkir sækja líka heim.  Heimskt er heima alið barn.

Alli vita hvað NegAM er og í hvaða geirum viðskiptalífsins það á heima þessum raunverulega sannanlegu arðbæru til langframa. Það eru ekki geirar grunn húsnæðis og fæðis kostnaðar almennra launþega.

[Júlíus Valsson, 23.7.2010 kl. 11:00]

Norrænt velferðarkerfi?

[Júlíus Björnsson, 23.7.2010 kl. 17:59]

EU velferðakerfi hæfs meirihluta Evrópsku Sameiningar, í samræmi við sanngjarnar þjóðartekjur á haus að mati sami hæfa meirihluta, sem borinin er virðing og hollusta fyrir. Til að hafa áhrif á meginlatinu þar ríki að vera virðingarvert. Svo sem í Þýskaland þar sem raunsæi [sér í lagi í fjármálum] er aðalatriði, væntingar og draumar sjálfsagt einkamál til að hafa út hafa fyrir sig.  

Fjármagna og veðmagna sig á kostnað almennra neytenda til langframa er ekki leið til áhrifa innan EU. 

[Kristján P. Gudmundsson, 24.7.2010 kl. 06:49]

Ég vil hvorki kenna Álfheiði Ingadóttur (né forverum hennar) alfarið um léleg vinnubrögð innan heilbrigðisgeirans á undaförnum árum.

Ráðherrar koma og fara, en innan ráðuneytis og undirstofnanna þess sitja ráðgjafar, sem sumir hverjir ættu aldrei að hafa komið nærrr þessum málum. Vitleysan felst í því, að enginn ráðherra hefur haft bein í nefinu til að hreinsa til í kringum sig, þegar þeiir setjast í stólinn.

Með kveðju, KPG.

[Alfreð K, 24.7.2010 kl. 16:19]

Ekki alveg rétt, Kristján, hann Guðlaugur Þór (hvað svo sem mönnum finnst um hann núna) lét ýmsa menn fjúka skömmu eftir að hann kom þar inn, þeirra á meðal var ráðgjafi númer eitt til margra ára (ráðuneytisstjórinn)!