Leita í fréttum mbl.is

Ertu ekki bara dóni Össur ?

Ef ég væri boðinn í samkvæmi hjá hinni miklu greifafjölskyldu van der ES,  sem hefði með yfirlýsingu ákveðið að vilja taka við vináttu minni, þá veit ég ekki hvort ég hefði treyst mér til að mæta ef í blöðum dagsins stæði stóru letri: Helvítið hann  Halldór kærir sig ekki hót um neinn vinskap við þessa miklu fjölskyldu van der ES.  Hann er álgerlega fráhverfur samneyti við hana vegna þess að hann telur hana bara vera að blekkja sig til að ná ættaróðali hans af honum, gera hann háðan sér með fégjöfum, koma á hann helsi sem hann gæti aldrei losnað úr. Vinskapnum muni fylgja fleiri vandamál en hann hafi sjálfur. Fjölskyldan vilji bara gera hann lendan mann sinn til að styrkja sjálfa sig með eignum kallsins. Hann viti fullvel að konungsgarður sé rúmur inngöngu en þröngur útgöngu sem fyrr. Því sé hann fullur tortryggni og enginn viðhlæjandi.

Össur Skarphéðinsson  er í Brüssel í þeim erindagjörðum núna að flaðra upp um Evrópusambandið, sem nú hefur ákveðið að taka við fleðulátum ríkisstjórnar Steingríms J. og Jóhönnu varðandi umsókn um aðild að Evrópusambandinu.  Þessu fagna þeir Össur og Þorsteinn Pálsson nú í borðsölum Brüssel.  

Össuri klígjar ekki hið minnsta við þessu,  þó að innan við fjórðungur þjóðarinnar styðji hann í þessu máli. Ekki einu sinni þó að hann megi vita að gestgjafarnir þekkja þessa stöðu mála ekki síður en hann sjálfur. Hann er í hlutverki götustráksins sem er tekinn við bjölluat í Brüssel en er boðið innfyrir uppá límonaði. Enda var hann lklega ófær um að hlaupa í tíma þar sem Steingrímur bíður eftir honum heima með reiddan vöndinn.

Mér finnst þessi fulltrúi Íslands verða sér til minnkunar í þessu hlutverki. Kann hann virkilega ekki  að skammast sín?

Var það þá bara rétt sem einn maður sagði við hann yfir þvert borð einu sinni í beinni útsendingu: " Þú ert bara dóni Össur !" 


mbl.is Samþykktu að hefja viðræður
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Magnús Helgi Björgvinsson

Þjóðin hefur nú ekki greitt atkvæði um þetta. Minni á að 2009 í apríl var kosið og um 30% greiddu Samfylkingu atkvæði sem klárlega sagðist ætla að sækja um aðild að ESB. Eitthvað um 14% kusu Framsókn sem var meðmælt umsókn um aðild að uppfylltum ákveðnum skilyrðum og um 30% Sjálfstæðisflokk sem þá sagði að reyna ætti á hvað fengist úr samningaviðræðum og um 10% Hreyfinguna a sem sagði að sjálfsögðu ætti að sækja um og sjá hvaða samningur væri í boði.

Skoðanakannanir segja bara hvernig fólki líður heima við tölvuna eða síman án nokkurrar ábyrgðar.

Magnús Helgi Björgvinsson, 26.7.2010 kl. 12:58

2 Smámynd: Elle_

Hann er eins og þú lýsir honum, Halldór.  Hann svífst einskis og veður yfir landsmenn og landið þeirra eins og flokknum hans og núverandi EU- OG ICESAVE-STJÓRN er vani. 

Elle_, 26.7.2010 kl. 14:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (10.5.): 582
  • Sl. sólarhring: 823
  • Sl. viku: 5859
  • Frá upphafi: 3190201

Annað

  • Innlit í dag: 501
  • Innlit sl. viku: 4997
  • Gestir í dag: 443
  • IP-tölur í dag: 424

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband