Stöðvum verkalýðsfélögin

Ég hef haft af því sannar spurnir að Guðmundur í Rafiðn stefni einbeittur í verkfall eftir áramót. Hann gumar af því að sambandið hans eigi fulla vinnudeilusjóði þannig að hann þoli langt og strangt verkfall.

Er í lagi að líða það að verkalýðsfélög geti yfirleitt myndað vinnudeilusjóði?  Fé sem er notað í hernað geng samfélaginu?

Væri  úr vegi að ríkisstjórnin gerði nú þegar ráðstafanir til að frysta allt fé í vinnudeilusjóðum verkalýðsfélaga í því skyni að forða þjóðfélaginu, gjaldmiðlinum og fólkinu frá þessum skuggalegu áformum verkalýðsforingjanna, sem ætla að leggjast í hernað gegn samfélaginu. Sumir án þess að hafa verið kjörnir á lýðræðislegan hátt.  Það lætur enginn með réttu ráði skotfæri í hendur óvita sem kunna ekki með þau að fara.

Við verðum að stöðva verkalýðsfélögin strax ef nokkur leið á að vera til þess að verja heimilin í landinu gegn óvitaskap þeirra. Frystum alla verkfallssjóði þeirra strax vegna hinna hrikalegu afleiðinga sem verkföll munu hafa á endurreisn þjóðarinnar.  

Athugasemdir

[Gunnar Heiðarsson, 6.9.2010 kl. 22:06]

Það eru litlar líkur á að Guðmundur Gunnarsson standi að verkfalli eftir áramót. Hann á það sammerkt með Gylfa Arnbjörnsyni að horfa frekar á flokkskírteinið sitt hjá Samfylkingunni. Jóhanna leifir þeim að sprikla smá stund en tekur síðan símann og hótar þeim að taka af þeim skírteinið. Þá lippast þeir niður og skríða aftur undir borðið sítt!!