Davíð og bloggið

Í  Staksteinum Morgunblaðsins er vakin athygli á tímaritinu Þjóðmálum. Það er hvert orð rétt um tímaritið, þetta er gagnmerkt framtak fyrir vitræna umræðu. Ég fékk stöku sinnum að skrifa í það einu sinni en það er löngu liðið. Líklega vegna þess sem Davíð  segir í framhaldi:´

...."Vera má að margir láti sér hina yfirborðslegu umræðu bloggheimanna eina duga til að fá fróðleik og viðhorf sem örvar og ertir og kallar á að lesandinn taki afstöðu.

En þeir sem gera meiri kröfur og gefa sér aðeins meiri tíma eiga bersýnilega annan kost og hann býsna áhugaverðan..."

Þetta er svo sem ekki í fyrsta sinn sem Davíð sendir bloggurum kveðju Guðs og sína.

.Það er svo sem ekki allt merkilegt sem í bloggheimum er skrifað en það er nú mest af því að Mogginn er hættur að vera svo útbreiddur að mönnum finnist nauðsynlegt að skrifa í hann og bíða vikum saman eftir birtingu eða eilíflega. Þessvegna er bloggið svona handhægt fyrir lítt gefið fólk að fá útrás. Leiðinlegt ef Davíð finnst þetta skyggja á sig.

Blöð eiga allstaðar undir högg að sækja í heiminum. Fréttablaðið er rekið á opinberri framfærslu af löngu gjaldþrota fyrirtæki. Það væri nær að láta það gera upp skuldirnar heldur að þvinga Eigurplast í þrot eins og bandíttarnir í Arajóns banka, hverjir sem þeir eru í raun og veru og enginn veit fyrir víst, gerðu. Það var þó búið að aflúsa Moggann með afskriftum þó Guð megi vita hvernig hann gengur núna.

Af hverju er ekki upplýst um hvað margir milljarðar liggja óuppgerðir að baki útgáfu Fréttablaðsins? Af hverju kemur þetta ekki almenningi við? Maður þarf ekki lengi að fletta blaðinu til þess að skilja hversvegna þessi afleggjari  af Nyhedsavis Jóns Ásgeirs er látinn spíra svona á almennings kostnað. Kratafnykinn leggur þvílíkt af hverri skrifaðri síðu sem ekki er undirlögð undir auglýsingar Haga og Baugsveldisins að ekki er um að villast.Og svo fara milljarðarnir að streyma frá Evrópusambandinu til kristniboðsins á blaðsíðunum. Ekki fara þeir til Moggans eða Davíðs.

Ég vildi óska að Mogginn gæti komið út og náð til fleiri heimila  en hann gerir og að menn neyddust ekki svona til að tjá sig svona mikið á blogginu.  Mogginn er í raun eini vettvangurinn, fyrir utan bloggið, ásamt með sjónvarpsstöðinni INN og tímaritinu Þjóðmálum sem tekur á vandamálum Alþýðulýðveldisins Íslands, þar sem kommúnisminn er að ganga frá þjóðinni dauðri í efnahagslegum skilningi.

Í Mogga dagsins lýsir Vilhjálmur Bjarnason því til dæmis hvernig sparnaður almennings er að stórdragast saman. Bein afleiðing af síbyljunni um vandamál skuldara, sem eru auðvitað risavaxin án þess að neitt sé gert til hjálpar,   án þess að gefa því gaum að til þess að skuldarar geti skuldað verður að vera til lánsfé. 

 Menn ættu frekar að hafa áhyggjur af þessari  þróun sparnaðar í skattfrekju kommúnista í stað þess að halda úti ónýtum nýbönkum þeirra sem gera engum gagn nema borga starfsfólkinu laun. Framlegðin er nefnilega næsta lítil fyrir þjóðarbúið og fyrir atvinnulíf almennings er hún enn minni. Fjöldi bankastarfsmanna er líka pí-faldur miðað við fjölda bankastarfsmanna í Bandaríkjunum,  sem hefði átt að vekja einhverja til umhugsunar en gerir það ekki meðan kommúnistískt hagkerfi ræður hér ríkjum en frjálshyggjan  útlæg.

Davíð, bloggið, Þjóðmál og ÍNN eru einu öflin sem  styðja þjóðina á leiðinni hennar upp úr öldudalnum.  

Athugasemdir

[Helga Kristjánsdóttir, 28.9.2010 kl. 12:10]

Sæll Halldór minn, þar sem ég tel þig einn af Blikum,óska ég þér til hamingju með Ísl.m.titilinn. Vegna ummælanna í  Staksteinum ,vil ég nú meina að hægt sé að gera hvorutveggja, lesa tímaritið Þjóðmál og lesa og taka þátt í bloggi. Er maður ekki þar með víðsýnni. Hér er líka hægt að sækja fróðleik frá "kanónum,fróðari en ARI sjálfur." Bestu kveðjur.

[Jenný Stefanía Jensdóttir, 28.9.2010 kl. 13:21]

 Þú berð m.a. eina  fróma ósk Halldór, sem fleiri vildu kveðið hafa

"Ég vildi óska að Mogginn gæti komið út og náð til fleiri heimila  en hann gerir og að menn neyddust ekki svona til að tjá sig svona mikið á blogginu."

Útbreiðslu afhroð blaðsins, má nefninlega fyrst og fremst rekja til ritstjórans, sem sí og sendir bloggurum og þeim sem hann lítur niður til, kveðju Guðs og sína. 

Tilgáta: Við ritstjórnarskipti á þessu blaði, mun áskrifendum fjölga um 30% á einu ári.  

[Vilhjálmur Eyþórsson, 28.9.2010 kl. 13:23]

Allt satt og rétt. En þú gleymir Vef- Þjóðviljanum. Hann er yfirleitt bæði vel skrifaður og einhver besti fulltrúi sæmilegra heilbrigðrar skynsem sem eftir er í öllu molviðri vinstra- blaðurs sem streymir frá báðum sjónvarpsstöðvunum, Ekki- Fréttablaðinu og meiri hluta bloggara.

[Vilhjálmur Eyþórsson, 28.9.2010 kl. 13:29]

Jenný mín sæl! Þú ert greinilega fórnarlamb einhverrar mestu og skipulegustu rógsherferðar, sem nokkurn tíman hefur farið fram hér á landi. Atlagan að Mogganum á sér vart fordæmi, en hún sýnir líka hve mikið vinstri- kjánarnir óttast Davíð. Hann hefur nú aftur gert Morgunblaðið að því sem það var og á að vera, langbesti fjölmiðill landsins.

[Jenný Stefanía Jensdóttir, 28.9.2010 kl. 13:39]

Vilhjálmur minn sæll!

Þá er ég fórnarlamb eigin rógs, því af fúsum og frjálsum vilja, nauðbeygð og af prinsipp ástæðum sagði ég upp MBL frá og með síðustu áramótum.  Viðurkenni fúslega að sárt er að missa af margri góðri umfjöllun og greinaskrifum, en frussið frá Staksteinum og Leiðurum subbaði of mikið.

Þetta er svona svipað eins og að hætta að reykja, sakna áhrifanna en ekki stubbanna, ólyktarinnar og hóstans!

Nýr ritstjóri myndi ef til vill hafa sömu áhrif iog "nikótíntyggjó"