Sjóvá

er búið að vera mitt tryggingafélag í mörg ár. Þar á ég fullt af yndislegum vinum sem hafa annast mín mál í áratugi.

Ég átti þangað erindi í dag útaf árekstri. Sama góða þjónustan og viðmótið. Á leiðinni út fór ég að hugsa hvað hefði gerst í þessu góða félagi sem ég hef átt viðskipti við í 50 ár. Gerði ég mér ljóst að síðustu árin var félagið ekki gjaldfært?  Það tók við iðgjöldum án þess að geta trygg neitt. Þessi klettur í hafinu sem maður treysti í gegnum þykkt og þunnt í gegnum marga fyrri úrvalsforstjóra sem maður kynntist.

Ástæðan? Það höfðu komið þangað skítugir þjófar sem gárungarnir nefna "Daltonbræður". Þeir stálu heilögum bótasjóðnum sem félagið hafði byggt upp með hjálp skattborgara þessa lands frá stofnun félagsins. Félaginu hafði verið rústað í samsæri þessara drullusokka og hjálparkokka þeirra sem margir ganga með hvítt um hálsinn og uppbrett nef enn þann dag í dag.  Eyðilagt þetta tryggingafélag svo að Steingrímur J. fann sig knúinn til að skella hálfumöðrumtug milljarða af ríkisfé, framhjá Alþingi,  inní félagið til að almenningur væri ekki í vindinum með eignir sínar ótryggðar. Þjófarnir ganga um bísperrtir, rífa kjaft og þykjast ekkert vita hvar peningarnir eru. Hvar í veröldinni gæti þetta gerst nema á Íslandi?

Nú er verið að selja félagið með afslætti til einhvers dularfulls aðila með stórum afföllum. Það er verið að selja mig og mitt traust með. Allt með venjulegu gegnsæi ríkisstjórnarinnar og Seðlabankans. Finnst ekki einhverjum skítalyktina leggja langar leiðir frá þessu öllu saman ?

Mikið lifandis er búið að fara illa með þetta gamla og góða nafn. SJÓVÁ, þar sem traustið bjó einu sinni í veröld sem var. Traustið kemur ekki umsvifalaust aftur þó einhverjir huldumenn eignist það með afslætti.

Athugasemdir

[Björn Birgisson, 19.1.2011 kl. 21:27]

Halldór minn, þetta er góður og sannur pistill. Sambærilegir aumingjar gerðu líka atlögu að mínu ágæta félagi. Hún mistókst, sem betur fer. Þannig séð, að þeir komust ekki í það sem þeir sóttust eftir. Bótasjóðinn sjálfan, sem á að tryggja vátryggjendum í raunum og erfiðleikum, sanngjarnar bætur.

Viltu fá tilboð?

[Jenný Stefanía Jensdóttir, 19.1.2011 kl. 22:23]

Deili með þér vonsvikni og hryggð yfir þeirri siðlausu athöfnum sem voru látin viðgangast þarna innan dyra og utan. Tengist hluta þessa fyrirtækis  sérstökum taugum  eins og ég lýsti í þessum pistli fyrir 11 mánuðum síðan.

En eins og þú lýsir, er ánægjulegt til þess að vita að almennir starfsmenn hafa ekki misst sjónar á mikilvægi viðskiptavina, eins og yfirmenn og eigendur þeirra gerðu blygðunarlaust.

http://jennystefania.blog.is/blog/jennystefania/day/2010/2/23/

[Jenný Stefanía Jensdóttir, 19.1.2011 kl. 22:24]

.... þeim siðlausu athöfnum  átti að standa þarna, fyrirgefið málfarsmolar.

[Halldór Jónsson, 19.1.2011 kl. 23:37]

Sæll Björn

Ég hélt að Baugur hefði stolið þínum bótasjóði eða kannski ekki öllum ?

[Halldór Jónsson, 19.1.2011 kl. 23:41]

tókst ekki að fá pistilnni upp Jenný, bara blankó síða. En rakst á intressant grein um hvítflibbakrimma.þarf að lesa hana betur

[Helga Kristjánsdóttir, 20.1.2011 kl. 02:45]

 ´´Eg hafði sama álit og þú Halldór á Sjóvá,enda tryggt þar álíka lengi og þú,en það kom babb í bátinn.   þeir voru á Suðurlandsbraut þegar ég minnti þá á  ellefta ár bílatrygginga,sem þeir auglýstu gjaldfrítt.Það stóð í stappi vegna þess að ég(við),áttum ekki bíl að þeirra sögn 1970+en ég fann kvittunina,svo það leiðréttist. Flutti okkur annað.en kom svo aftur. Þá var gamall vinnufélagi úr Gunnarsholti orðinn forstjóri,ekki með upprétt nef,en jafnalúðlegur og allir þarna.Tryggi þar í dag.