Hver trúir bönkunum?

þegar Arion banki auglýsir að hann skuli sjá um lífeyririnn þinn. Man enginn Ólaf Ólafsson, Hreiðar Már, Sigurð Einarsson, Al Thani, Exista og Bakkabræður? Lifir allt þetta lið ekki í sús og dús eins og ekkert hafi í skorist?

Íslandsbanki auglýsir að hann taki við aleigunni þinni líka, alveg eins og Arion. Man enginn Sjóð 9, Jón Ásgeir, Hannes Smárason, Pálma í Fons, Lárus Welding, Bjarna Ármannsson? Fljúgið með Iceland Express?

Er ekki traustið farið og kemur ekki aftur? Sér almenningur annað en að spillingin sé á fullu í ríkisbönkunum Aríon Banka, Landsbanka og Íslandsbanka?. Sést nokkuð annað  en verið sé að afhenda gömlu glæpamönnunum fyrri veldi sín aftur? Vitum við nokkuð hverjum verið er að selja hitt og þetta? Stóreignir skipta um hendur án þess að nokkur viti nokkuð fyrr en eftir á?   Allt sveipað hjúpi leynimakks og lyga ríkisstjórnarinnar  um það að hún stjórni engu í bönkunum heldur einhverjir erlendir kröfuhafar. Hverjir séu að kaupa Sjóvá ? Kemur ekki viðskiptanefnd Alþingis við? Allt leyndó hjá Mávi Seðla og Steingrími J.?

Og svo Sparisjóður Keflavíkur og Geirmundur- Herre Gud! Ætlar ekki  Steingrímur J. að sletta þangað 16 milljörðum meðan Landspítalinn lokar á norrænu velferðarstjórnina? Og svo allar skilanefndirnar í öllum ríkisbönkunum sem taka tuttuguþúsund á tímann alla daga til eilífðarnóns? Er ekki bara komin ný spilling á gömlum belgjum?  Hin nýja stétt Nomenklatúrunnar? Nafnlaust og andlitslaust fólk?

Trúum við nokkru sem þetta lið segir?  Veit nokkur hverju verður logið næst ? Hverjir muni næst setja skeinipappír handa lífeyrisþegunum í næsta sjóð 9 ?  Hvaða skrautfjaðrir sem þá verða keyptar til að ginna sakleysingjana eins og Glitnir gerði?  Er ekki margt sama fólkið þar ennþá?

Verður bankakúltúr nokkurntímann  til á Íslandi þegar glæpamennirnir eru búnir að sanna sig og sýna með fyrirliggjandi hætti? Hversu marga áratugi mun þurfa? Geta siðlausir íslenskir strákabjálfar úr viðskiptadeildum  með hvítt um hálsinn nokkurn tímann  unnið sig upp á stig ræktaðra bankafjölskyldna eins og tíðkast erlendis? Kemur einhver auga á það? 

Mun einhver  trúa auglýsingum frá íslenskum bönkum framar?

 

Athugasemdir

[Birgir Björgvinsson, 1.2.2011 kl. 15:26]

Hver trúir Sjálfstæðisflokknum

þegar Sjálfstæðisflokkurinn auglýsir að hann skuli sjá um að breyta stjórnarskránni. Man enginn Davíð Oddson, Árna Matthisen, Friðrik Shopusson, Gunnar Birgisson,Þorgerði Katrínu, vafninga Bjarna Ben og bara alla hiðina? Lifir allt þetta lið ekki í sús og dús eins og ekkert hafi í skorist?

Flokkurinn auglýsir að hann sé flokkur allra stétta, alveg eins og ekkert sé. Man engin þöggunina,leikaraskapin í kringum fjarvinsluna, ofbeldið við Kárahnjúka, bellibrögðin við skipun dómarana Jóns Steinars Gunnlaugssonar, Þorsteins Davíðssonar, og allra hinna. Hefur einhver trú á ríkissaksóknara sem húkir hnípinn í skugga sérstaks og lætur lítið fyrir sér fara?

Er ekki traustið farið og kemur ekki aftur? Sér almenningur annað en að hagsmunagærslan sé á fullu í Hæstarétti. Sést nokkuð annað en verið sé að tryggja gömlu Sægreifunum fyrri veldi sín? Vitum við nokkuð hverjum verið er að selja hitt og þetta? Auðlindir skipta um hendur án þess að nokkur viti nokkuð fyrr en eftir á? Allt sveipað hjúpi leynimakks og lyga flokksmaskínunar um það að hún stjórni engu í hæstarétti heldur einhverjir heilagir guðir . Hvaða aðfrerðum var beitt við að skipa þá, hvað var gert í fjarveru dómsmála ráðherra? Kemur ekki þjóðinni við? Allt leyndó hjá Mafíuni og Móra.?

Já Og Móri í Hádegismóum- Herre Gud! Ætlar hann og hanns hyski ekki að hætta að sletta skít á allt og alla, eða ætlar maskínan að sletta skít fyrir alla 3 milljarðana á meðan Auðlindagreifarnir læsa klóm sínum í það sem eftir er á hlaðborði þjóðarinnar? Og svo kumpánarnir í Kópavogi þar sem innmúraður flokksrakki og verktaki og fjölskyldulið sem taka tuttuguþúsund á tímann alla daga til eilífðarnóns eru að því er virðist með krumlurnar á kafi í bæjarsjóði. Er ekki bara komin tími til að afhjúpa þessa gömlu belgi? Hin fráfarandi stétt Mafíunar? Nafnlaust og andlitslaust fólk sem er í sjálftöku á kosningum, auðlindunum og völdum?

Trúum við nokkru sem þetta lið segir? Veit nokkur hverju verður logið næst ? Hverjir muni næst setja skeinipappír í kjörkassa í næstau kosningum ? Hvaða skrautfjaðrir sem þá verða keyptar til að ginna sakleysingjana eins og flokkurinn gerði? Er ekki margt sama fólkið þar ennþá?

Verður Sjálfstæðisflokki nokkurntímann falið að stjórna á Íslandi aftur þegar glæpamennirnir eru búnir að sanna sig og sýna með fyrirliggjandi hætti? Hversu marga áratugi mun þurfa? Geta siðlausir íslenskir flokksrakkar úr innmúruðu klíkuveldi með hvítt um hálsinn nokkurn tímann hysjað upp um sig. Er ekki komin tími á að þetta fólk geri sér grein fyrir því að framboð er meira en eftirspurn og gjaldgengi þess er hrunið, komin tími á að halda sig til hlés. Getur það ekki komið auga á það.

Mun einhver trúa trúa þessu fólki fyrir velferð þjóðarinnar framar?