Friðkaup

í anda Chamberlains dettur manni í hug við tíðindi af þeim þingmönnum Sjálfstæðisflokksins sem vilja semja við Breta og Hollendinga um greiðslu Icesave lll. Er þetta það sem þjóðin vill?

Ég tel að Sigmundur Davíð hafi gert manna skynsamlegastu  greiningu á málinu í Mbl.í dag. Ég vil hvetja alla til að lesa þessa grein Sigmundar Davíðs. Hjá mér rak hún endahnút á hringsnúninga þá sem ég hef verið þjakaður af eftir praktískuræðu Tryggva Þórs hér á dögunum í Kópavogi. Þar sagði Truggvi samt að hann ætlaði að láta þjóðina ráða fyrir sig.

Er einhver skynsamleg ástæða til þess núna að rjúka til að semja við Breta og Hollendinga? Er einhver nauðsyn á að klára þetta mál á Alþingi núna? Eru ekki við mörg brýnni mál að fást? 

Væri það pólitískt sterkt af Sjálfstæðisflokknum að fara núna að styðja Icesave lll?   Vill þjóðin  samninga um þetta mál, þegar þokukenndur afsláttur er sagður í boði?  Getur þjóð sem á ekki 4 milljarða handa dauðveikum sjúklingum sínum á  Landspítalanum átt  47-300 milljarða í greiðslur vegna Icesave lll? Ber einhver nauðsyn til að klára málið núna?  

Það er ef til vill skiljanlegt að hæstvirtur  fjármálaráðherra vilji semja. Hann vildi líka semja um Icesave l.  Núna sér hann hugsanlega fram á það að geta opnað ríkisstjórninni fleiri lánalínur? Eiga Sjálfstæðismenn endilega að hjálpa ríkisstjórninni til þess?  En eru ný erlend lán  það sem þessi þjóð þarfnast mest?Getur þjóðin ekki timabundið fengið lán hjá lífeyrissjóðum sínum?  Munu ekki koma glufur í lánamúra breska Heimsveldisins með tímanaum? 

"Við ætlum ekki að greiða erlendar skuldir óreiðumanna," sagði kallinn. Var það ekki rétt? Verðum við ekki einhvern tímann að hafa kjark til að standa í lappirnar?  Getum við ekki höfðað skaðabótamál á hendur Bretum fyrir hryðjuverk þeirra á Singer & Friedlander og Heritable bönkunum ? Stærri upphæðir en þau 10%  sem andstæðingarnir eru að bjóða núna gegn því að hætta öllum deilum? Heyrði ég Bucheit nokkurn tímann segja að okkur bæri skylda til að borga?

Er skynsamlegt að viðurkenna skyldu til greiðslu vaxta með því að semja núna? Ber okkur skylda til að greiða fyrir athafnir fjárglæframanna í útlöndum? Var  Landsbankinn  einhver heiðarlegur banki á ábyrgð allara Íslendinga?  Hvernig eru fjársvikafyrirtæki skilgreind? Hvar byrjar ábyrgð mín og þín á athöfnum allra íslenskra glæpamanna í fortíð, nútíð og framtíð?

Verða friðkaup núna vegna erlendra skulda óreiðumanna líkleg til að verða gott pólitísktveganesti fyrir Sjálfstæðisflokkinn inn í framtíðina?  

Vill þjóðin núna  kaupa sér frið af stórveldunum fyrir  lánadisk? 

Athugasemdir

[Gunnar Rögnvaldsson, 2.2.2011 kl. 18:43]

Verst er að ég get ekki sagt mig úr flokknum því ég er ekki í honum af einmitt þeirri ástæðu að mig grunaði hvað vantaði í bakpoka forystunnar; Sjálfstæðið, staðfestuna, hugsjónir og þor.  

Eignir Sjálfstæðisflokksins eru að rýrna hratt í höndum forystusmjörlíkis þess sem þar situr nú sem bráðnuð klessa og drekkur afganginn af Þorgerði Þaulsætu úr reiðiskálum grasrótarinnar.

Vesalingar! Ekkert minna.

[Axel Þór Kolbeinsson, 2.2.2011 kl. 18:49]

Ég bendi á valkost:  http://www.fullvalda.is/frettir/63-samtykkt-stjornar-samtaka-fullveldissinna-um-icesave-iii

[Halldór Jónsson, 2.2.2011 kl. 18:49]

Kjarnyrtur ertu Gunnar og svigna feiknstafir í orðum þínum. Ég hef heyrt um mann sem stóð upp og opnaði  stjórnarráðshurð sem annar hafði skellt á eftir sér  til að skella henni sjálfur aftur á eftir þeim útgengna. Þá voru sko Íslendingar menn sagði Erlingur, það fóru tíu í Gretti og höfðu hann ekki.

[Þór McDonald, 2.2.2011 kl. 19:02]

Icesave can not be the responsibilty of "The Icelandic Nation" ( source: The Financial Times, ft.com ). Lets fight the seckond round, and on,  all the way to the Eourpean Court of Justice..