Ég er Framsóknarmaður

auk þess að vera flokksbundinn Sjálfstæðismaður. Mér fannst ekki forsvaranlegt að láta Framsóknarmenn eina um það að raða á framboðslistann sinn s.l.vor og gekk því í Framsóknarflokkinn. Að vísu kaus ég svo ekki vegna fjarveru.

Þeir Framsóknarmenn í Kópavogi eru hinsvegar sömu hlandaularnir og við í Sjálfstæðisflokknum, sem leyfðu 700 kommum og krötum að kjósa í prófkjörinu hjá okkur án þess að rukka þá um félagsgjald ! Gáfum þeim millur sem okkur sárvantar núna. Frammararnir í Kópavogi hafa ekki ennþá sent mér rukkun og flokkspassa sen ég vil endilega fá. Þá get ég farið að mæta hjá þeim á fundi og hjálpa þeim til nokkurs þroska á minn hátt.

Og það veit sá sem allt veit að ekki ætla ég að láta einhvern 50 manna fund í Samfylkingunni kjósa næstu frambjóðendur á listann hér í Kópavogi án þess að ég komi þar til hjálpar. Þá geldi ég allavega Guðmund vin minn Oddson þó ekki sé annað. Þetta fólk fer sér hreinlega að voða ef maenn eins og ég passa ekki uppá það !

Og svo get ég sagt það án þess að stuða nokkurn að ég er hrútánægður með formanninn minn eftir Icesave-snúninginn. Hann er sko betri en önginn!

Athugasemdir

[Guðmundur Jónas Kristjánsson, 17.2.2011 kl. 00:57]

En hvernig væri að gerast HÆGRI GRÆNN Halldór?  SANNUR ÞJÓÐHOLLUR HÆGRISINNI! Enginn þar sósíaldemókrati eins og Guðmundur Steingríms og Siv  og eflaust fleiri í Framsókn.

tilvís. HÆGRI GRÆNIR á facebook.....

[Sigurður Sigurðsson, 17.2.2011 kl. 02:28]

Það eru allir framsóknarmenn inn við beinið.

[Halldór Jónsson, 17.2.2011 kl. 08:14]

Já Guðmundur Jónas

Það getur vel verið að ég festi glyrnurnar á ykkur. En til þess verðið þið að verða orðnir eitthvað númer í umhverfinu sem skiptir máli eða er líklegt til þess. Eruð þið það?

Og Sigurður,

Framsóknarflokkurinn er 1100 ára gamall hér á Íslandi segir Hannes Hólmsteinn og veit hvað hann syngur.

[Ómar Bjarki Smárason, 18.2.2011 kl. 07:08]

Góður Halldór!

En geturðu ekki tekið það upp í þínum ágæta Framsóknarflokki að klukkan verði færð á réttan sólartíma, þ.e. GMT -1 þannig að við færum aðeins fjær Evrunni og nálgumst Dollar.....? Það er engin hemja að klukkan sé í raun ekki nema 04:23 þegar framsóknarmenn í Kópavogi vakna klukkan 06! Þetta þarf að leiðrétta og þá verður orðið bjart þegar framsóknarbörnin í Kópavogi fara í skólann á morgnana....

Þið redddið þessu þú og þinn formaður. Við treystum á ykkur!