Skrípamyndin af Siv

finnst mér ekki vera þess virði að framsóknarmenn og feminístar séu að æsa sig. Það þarf ekki mikið innsæi til að sjá hana í svona spaugilegu ljósi þar sem hún stendur og veifar til ríkisstjórnarinnar um að taka sig með. Gegn borgun auðvitað, hún fer ekki að styðja Jóhönnu og Steingrím án þess að fá eitthvað fyrir það sjálf.

Í Bandaríkjunum má segja hvað sem er um Forsetann og hann verður að þola það óbætt. Hann má ekki bera hönd fyrir höfuð sér því það fylgir embættinu. Hann getur ekki höfðað meiðyrðamál. Ég hugsa að hann geti ekki einu sinni sent CIA til að berja teiknarann eins og múllarnir senda´leigumorðingja af stað  ef einhver teiknar skrípamynd af spámanninum. Við erum svo hræddir við þá að enginn íslenskur fjölmiðill þorði að birta myndirnar úr Jyllandsposten að því ég best veit. Skaðaðu ekki skálkinn svo hann skemmi þig ekki. 

Mér fannst ekkert að þessari mynd af Siv og hrein hræsni eða heimska að vera að geysa sig yfir þessu. Enda vekur það enn meiri athygli á hvað Siv er í raun að gera. Hún er nefnilega að gera akkúrat þetta, selja sig pólitískt.

Það er engin skrípamynd heldur grafalvarleg staðeynd fyrir alla þjóðina.

Athugasemdir

[Gústaf Níelsson, 18.4.2011 kl. 19:45]

Hann er orðinn ótrúlegur þessi pólitíski pempíuskapur í þjóðfélaginu Halldór. Það er engu líkara en að þetta þjóðfélag sé að breytast í eina allsherjar miðaldra piparmey, sem aldrei hefur kennt karlmanns!

Viðbrögðin eru ekki ósvipuð og þegar Ásmundur í Garðinum kallaði Steingrím J. kellingu, og allt ætlaði um koll að keyra. Hinir pólitísku vandlætarar sitja nú á öllum þúfum.

[Skeggi Skaftason, 18.4.2011 kl. 21:32]

En bíddu... selja sig?? Styður hún ekki stóru mál þessarar stjórnar, s.s. ESB-aðildarviðræður, Icesave III o.fl. ?

Er þá ekki rökrétt að hún vilji frekar þessa stjórn áfram, en t.d. and-ESB-sinnaða harðkjarna-sjalla-stjórn??

[Ómar Bjarki Smárason, 18.4.2011 kl. 21:55]

Ef þú átt við dekkin sem eru að hrunja undan stjórnafarartæki þeirra Steingríms og Jóhönnu á síðu 8 Mbl í dag, Halldór, og ákall Steingríms til varadekkjanna þá er ég nú ekki hissa á því að Siv skuli vera fúl yfir því að vera ekki með á myndinni.... eða er ég að misskilja þetta eitthvað...?

[Einar Steinsson, 19.4.2011 kl. 17:03]

"Heiðra skaltu skálkinn svo hann skaði þig ekki", þannig hljóðaði þetta máltæki síðast þegar ég vissi.

[Jón Ingi Cæsarsson, 19.4.2011 kl. 18:22]

Hvað sem þér finnst þá sá teiknarinn ástæðu til að biðjast afsökunar sem sýnir alvarleikann...ef menn hafa þokkalega siðferðiskennd.

[Ómar Bjarki Smárason, 20.4.2011 kl. 23:01]

Komst loks í að skoða myndina og verð nú að segja að hún bara fjandi flott. Hins vegar er textinn svolítið á skjön við viðfangsefnið.....