Uffe minn!

hvernig geturðu verið svona leiðinlegur ? Ég sem hef komist næst því að verða Evrópusinni af að hlusta á þig á Hótel Sögu í gamla daga.Þá varstu svo fjandi skemmtilegur. Nú ertu bara fúll á móti þó þú sért ennþá flottur. Segir að við Íslendingar verðum að borga Icesave. Er það svo?

Stofnuðum við ekki Tryggingasjóð Innistæðueigenda löglega? Var ekki greitt í hann samkvæmt lögum? Er nokkur ríkisábyrgð á slíkum sjóðum hjá þér eða í öðrum Evrópuríkjum?

Hvernig getum við þá skuldað annað en það sem er í sjóðnum ? 25 milljarðar eða svo? Við urðum að þykjast hafa ríkisábyrgð á innistæðum á Íslandi af því að Geir Haarde sagði það til að róa okkur niður því við vorum að missa stjórn á okkur.Algerlega Force-Meilleure ábyrgðarlaus yfirlýsing því Alþingi samþykkti svo aldrei neina ríkisábyrgð. Þá eer ekki og hefur aldrei verið nein ríkisábyrgð á innistæðum samkvæmt stjórnarskránni.

Þetta er bara bull í þér Úffi minn. Það ert þú sem ert galinn en ekki hann Óli Forseti. Þú segir að hann sé lýðskrumari þegar hann vísar málinu til þjóðarinnar í andstöðu við Alþingi. En hvað ertu þá sjálfur þegar svo illa horfir í Evrópusambandinu eins og núna ?

Það breytir engu þótt Lykketoft taki undir með þér og segi að Ólafur Ragnar sé galinn. Ólafur bjargaði íslensku þjóðinni frá sjálfsmorði ekki einu sinni heldur tvisvar þegar þingið hafði tapað glórunni. Margrét Þórhildur gæti tæknilega alveg gert það sama hjá ykkur.

Hvernig ætlar þú að taka á því Úffi minn þegar múslímarnir fara að heimta að þú samþykkir sjaríalög ? Ég ætla að sjá hvað þú gerir þá. Samþykkir sjálfsagt eins og sannur krati. Ætli einhver verði ekki feginn að hafa Þórhildi Drottningu þegar að því kemur?

Við Íslendingar borgum ekki Icesave Úffi minn hvað sem þú og Lykketoft talið illa um Óla Forseta og reynið að snúa útúr staðreyndum málsins.

Við endurkjósum hann Ólaf Ragnar sem Forseta. Þó ekki nema væri Úffa og Lykketoft til skapraunar. Þjóðin verður einhuga að baki Ólafi fyrir að bjarga þjóðinni ekki einu sinni heldur tvisvar! Minna má eki vera !

Athugasemdir

[Helga Kristjánsdóttir, 19.4.2011 kl. 22:51]

Sannarlega kjósum við Ólaf ef hann bíður sig fram. En þá verður stjórnin búin að eyðileggja 26. greinina,eða liðþjálfar hennar, með breytingum á Stjórnarskránni.

[Sandy, 20.4.2011 kl. 07:18]

Ég hélt að verði breytingar á stjórnarskránni sem sitjandi ríkisstjórn samþykkti þyrfti að rjúfa þing og næsta stjórn þyrfti einnig að samþykkja þær breytingar. Er þetta einhver vitleysa hjá mér?

[Halldór Jónsson, 20.4.2011 kl. 08:42]

Auðvitað Helga.

Sandy,

Auðvitað á að kjósa aftur við þær aðstæður. Hvar í veröldinni myndi svona ríkisstjórn sem er búin að tapa tveimur þjóðaratkvæðagreiðslum sitja áfram? Stjórnarfarið á Íslandi er eiginlega hreinn fasismi með lýðræðisívafi.

[Sigurður Alfreð Herlufsen, 20.4.2011 kl. 10:27]

Þetta er aldeilis skemmtilegur pistill hjá þér Halldór minn !

Nú ertu bara orðin skemmtilega ironiskur eins og sannur dani !

En burtséð frá öllu gríni þá kjósum við Ólaf Ragnar, þó ekki væri vegna annars en að hann hefur breytt stjórnmálasögu Íslands og að mestu leyti til góðs.

[Jóhann Elíasson, 20.4.2011 kl. 13:00]

Ég efast stórlega um að DR hefði birt svona frétt um DANADROTTNINGU??? Verður RÚV ekki að fara að athuga sinn gang???