Lýkur kreppunni?

í bráð?

Ég held að svo sé ekki. Við göngum núna á flötum botni þar sem ekkert sést framundan. Ráðleysið magnast dag frá degi við norður-kóreskt ástand í  efnahagsmálum. Bréf Seðlabankans til Samherja vegna smáúttektar af gjaldeyrisreikningi sannfærði mig um að okkur er ekki viðbjargandi um langa hríð enn.

Ég er sannfærður um að kreppunni léttir ekki fyrr en fjármagnsflutningar verða aftur frjálsir. Það er fyrsta skrefið að aflétta gjaldeyrishöftunum í einu vettvangi. Gengið hrynur ofan í aflandsgengi á stundinni og vextir verða að hækka. Gjaldeyrissjóðurinn ætti að þola þetta. Þegar kippurinn er liðinn hjá og verðbólguskotið sem kemur gengur til baka, er fyrst hægt að fara að líta til lofts. Hinsvegar endurheimta Íslendingar ekki nærri strax traust umheimsins. Vestræn þjóð sem getur kosið sér kommúnistastjórn í efnahags-og skattamálum er ekki fýsilegur bandamáður eða traust langtímahöfn fyrir erlent fé. Myndi einhver ykkar vilja koma sínu sparifé fyrir á Kúbu eða í Norður-Kóreu?

Hver dagur sem líður í þessu limbói er bara framlenging á þjáningunni. Hér gerist ekkert. Skattarnir hækka, atvinnan minnkar, fjárfesting hverfur, landflóttinn eykst.  Í stað þess að auglýsa eftir nýlæknanemum ætti Háskólinn frekar að loka læknadeildinni tímabundið. Er einhver þörf fyrir þjóð sem getur ekki rekið spítala að mennta lækna sem eiga engan annan kost en að fara erlendis til að fá mannsæmandi vinnu?  Og sama gildir um fleiri deildir. Háskólar eru um þessar mundir bara dulbúningur utan um atvinnuleysi og því þörf á að draga starfsemina saman frekar en hitt.

Nú hótar ASÍ allsherjarverkfalli og er það vissulega gleðiefni. Vonandi tekst að koma því á og megi það þá vara lengi þannig að þjóðin noti nú tækifærið og læri eitthvað um alvöru lífsins. Ef hún þá getur eitthvað lært. Verða þiggjendur atvinnuleysisbóta þá skyndilega hátekjumenn og með þeim best settu í verkfallinu?

Kreppunni er ekki að ljúka heldur er hún að dýpka hjá öllum almenningi. Hinar nýju stéttir skilanefnda og sjálftökuliðs hafa það ágætt og geta mælst sem hagvöxtur.  En hinir atvinnulausu og  landflóttafólkið segja aðra sögu. Ríkisstjórnin er búin að tryggja sér slímsetu út þetta ár og framhald sovéthagfræðinnar. 

Vonandi verður samt veðrið sæmilegt í sumar svo fólk geti gleymt sér af og til frá kreppunni sem því miður er ekki á förum.  

 

Athugasemdir

[Vilhjálmur Stefánsson, 3.5.2011 kl. 23:48]

það er smá glæta að fæðast hér í Eyjum og ekki getum við þakkað Ríkistjórn vori fyrir.En samt finnum við fyrir óþveraskapnum sem stjórnvöld hafa komið til leiðar.Og ekki er stjórnarandstaðan  að hjálp til við endurreisnina.( Smá innskot ) Altaf er einn og einn úr flokki okkar Sjálftæðismanna tvöfaldir samber Tryggvi þór Herbertsson er orðin aðal Baugspennin á Fréttablaðinu.Hvað skyldi hann fá miklar launagreiðslur fyrir?það er örugt að Tryggvi þór gerir það ekki frítt.Svertum ekki Flokkinn með mönnum eins og Tryggva þór Herbertssyni.......

[Júlíus Björnsson, 4.5.2011 kl. 02:27]

Ef Ísland er í gjaldeyriskreppu gagnvart öðrum sjálfsábygum efnhagslendum, og alvinningur hér tekur ekki við innistæðlausum krónum  til að breyta í innlandverðmæti, þá gildir einföld hagfræði.  Við þurfum að fá meiri gjaldeyri fyrir þann takmarkað útfluting sem við ráðum yfir.  Ég lána ekki t.d. ekki liði sem hefur ekki vita á langtíma eða skammtíma fjármálum og nennir ekki að baka sitt brauð sjálft, vegna langvarandi iðjuleysis og ábyrgðarleysis í námi og ríkisvernduðum stofnum.  Utan að frá séð er Ísland eins og  fyrirtæki sem er að reyna að fresta gjaldþrota, vegna þess að stjórnendurnir hafa ekki gáfur til að græða.  Þeir kunna ekki að reka lítill gróða fyrirtæki. Hér er flestir fræðingar vel að sér í rekstri milljóna samfélaga með nánast engar fastar þjóðartekjur á haus og það er einmitt þess fræði sem komu Íslandi  niður fyrir flest þau ríki sem það bar sig saman við fyrir 1972. Þegar síukerfið í Menntamálum var langt niður og Ríkið fór að að líta á námsgjöld sem skatttekjur. Hér snýst all um að hafa sem fæsta með sem mesta veltu til að einfalda skattheimtuna og stjórn landsins. Fyrirtæki með einfaldan rekstur annarstaðar í heimum hafa þjóðartekjur í samræmi. Í EU er það tækni og fullvinnslan sem skiptir öllu máli, og kaup til sín þá fáu snillinga sem fæðast á hverju ári. Í mannkynnsögu hefur fjöldi mennta manna aldrei skipt máli, nema í augum þeirra meðalgreindu. Auki gæði nemenda og menntunnar heldur skattkostnaðnum í lágmarki. Í EU er aukið framboð á menntun síðust 30 ár ekkert leyndar mál, hinsvegar fá þessir 2 flokks menntamenn þar ekki sömu laun og fíflin hér: verða að sætta sig við illa launuð störf [ágætt miðað við kröfur] hjá Ríki og alþjóðastofnunum.  

[Gunnar Heiðarsson, 4.5.2011 kl. 08:07]

Sú ríkisstjórn sem nú er við völd mun ekki koma landinu út úr kreppunni. Til þess skortir hana kjark, getu og vilja!

Eða er þetta allt með ráðum gert hjá stjórnvöldum? Eru þau markvisst að koma landinu í svo mikinn vanda að ekki verði snúið til baka? Er þetta kannski gert til að auðvelda inngöngu í ESB, að gera ástandið hér svo slæmt að aðild væri jafnvel betri?

Spyr sá sem ekki veit.