Batnandi mönnum

er best að lifa. Það má gleðjast yfir því hversu ásmundur Daði er orðinn fróður um skuldavanda Grikkja. Eftir að hafa stutt aðildarviðræður Íslendinga við ES í umboði kjósenda VG þá er hann orðinn efasemdarmaður um framtíð þess í umboði kjósenda Framsóknarflokksins.

Ásmundur bóndi veltir því fyrir sér bæði í Mogga og Baugstíðindum, hvernig Grikkir komist út úr sinni hönk og hvernig þeir komust í hana til að skulda 320 milljarða evra? Ekki ætla ég að draga hagvisku svo duglegs íslensks bónda í efa enda velti ég sjálfur fyrir mér þeirri spurningu, hverjir eigi að kaupa flugvöllinn í Aþenu og járnbrautirnar til að minnka ríkisbö..inn í því góða landi Alexanders mikla.

Hvað myndum við Íslendingar segja af okkar alkunnu hógværð ef sá dagur kæmi að við ættum samkvæmt erlendri forskrift að selja Keflavíkurflugvöll og Reykjavíkurflugvöll ásamt vegakerfi landsins við aðstæður sem væru svipaðar grískum? Allt fé uppurið innanlands, allir bankar tómir og ríkið sokkið í skuldir? Enginn Jón Ásgeir til að kaupa heldur bara útlendingar, ef þeir þá fyndust? Því hver myndi þora að kaupa hér eitthvað og eiga Máv í Seðlabankanum yfir sér með fyrirvaralaus gjaldeyrishöft?

Mér finnst ekki ólíklegt að bóndinn velti þessu fyrir sér líka og sé því búinn að skipta um kjósendur.Enda verður ekki auðvelt að skýra út fyrir kjósendum VG hversvegna landbúnaðarvörur rjúki nú upp í verði við styrkjandi gengi og væntanlegar stýrivaxtahækkanir í framhaldi af þvi. Það er miklu frekar að Framsóknarmenn hafi skilning að vandi bænda sé ekki vandi neytenda.

En VG siglir áfram sinn sjó, og kaptuginn deplar ekki auga þótt gefi á bátinn og einhverjar skipsrottur stökkvi fyrir borð öðru hverju. Því auðvitað er batnandi mönnum best að lifa og óþarfi af Hjörleifi Guttormssyni að geisa sig í Mogga yfir smávegis stefnubreytingum í flokknum hans.Sú var tíðin að Hjörleifur dró ekki visku valdhafanna í efa.

Batnandi mönnum er jú best að lifa.

Athugasemdir

[Gunnar Rögnvaldsson, 28.6.2011 kl. 08:51]

Og hvernig halda menn að lóða og þinglýsingaskrár séu í Grikklandi? Það eru nægar birgðir af sprengiefni í gríska Sturlungaöld! 

Ég tek hattinn ofan fyrr Ásmundi Daða.

Og Hjörleifur Gutt. er kominn út á hlað eins og hann er; ekta fullveldissinni. Komið drengir. Komið. Söfnum liði.

Áfram Ísland, ekkert ESB!!

 

[Helga Kristjánsdóttir, 28.6.2011 kl. 10:47]

   Gerum það,söfnum liði.

[Jón Ríkharðsson, 28.6.2011 kl. 12:37]

Flottur pistill hjá þér Halldór og hvatning Gunnars Rögnvaldssonar á að vera öllu hugsandi fólki innblástur til góðra verka, "áfram Ísland, ekkert ESB", ég styð það heilshugar.

[Halldór Jónsson, 29.6.2011 kl. 00:41]

Mér er mikill heiður að heimsókn ykkar á mína síðu og verið ætíð velkomin. Það er ekki ónýtt a vera með slíku fólki í liði sem þið eruð!