Mogginn kom aftur

að morgni til mín og mælti og stundi við þungann:- Vildirðu  fara mér frá? Ég sem sannleikann á? Heldur háttunum ná?  heilli Evrópu hjá? Viltekki  línu hjá  mér?  til að létta lífshlaupið þér?

Góða skapið kom aftur og settist með morgunkaffið og Moggann.  Að lokinni yfirferð til að reyna að finna línuna þá fletti ég nú Fréttablaðinu samt og las Þorvald Gylfa. Þar örlar á stjórnarskrárhugmyndum með fyrirmynd frá Kenía um hvernig á að skipa Hæstaréttardómara í stað þess að láta einhvern Davíð gera það. En það er að láta heldur forsetann skipa þá eftir að umsækjendur hafa komið fram í skemmtiþáttum í sjónvarpi og fólkið hefur kynnst þeim. það verður aldeilis fróðlegt að sjá hvað stjórnlagaráðið kemur með allt á endanum þegar Þorvaldur er þarna kominn með Kenía sem útspil handa Íslendingum í stjórnarskrárkapli Jóhönnu Sigurðardóttur.

Á stjórnlagaráði sitja alls kyns spekingar uppá kaup  og reyna að búa til nýja stjórnarskrá sem engann vantar í atvinnu-og úrræðaleysinu. Það verður ljótan ef svo á að taka tíma frá Alþingi við að fara ræða þessar tillögur allar þegar brýnni mál bíða. Við getum alveg búið við núverandi stjórnarskrá áratugi enn hér eftir sem hingað til, því landsbyggðin mun aldrei una þéttbýlinu jöfnuðar í atkvæðisrétti frekar en Gaddafi vilji láta völdin í hendur réttlátra.

Þá er nú betra að fá blaðið sitt með línuna eins og sagt var í gamla daga. Trikkkið hjá Mogganum virkaði. ég gerðist áskrifandi í gær. Gat ekki hætt eftir að hafa vanist á það í mánuð. Nú er ég áskrifandi en BARA út mánuðinn, svo þá  kannski reyni ég að hætta aftur.

Ef ég get?

Athugasemdir

[Gunnar Rögnvaldsson, 14.7.2011 kl. 14:30]

Frelsi kostar Halldór. Ef enginn vill borga fyrir það þá visnar það. Gott hjá þér.

[Ágúst H Bjarnason, 14.7.2011 kl. 14:36]

Í hef nú ágæti frændi verið áskrifandi að Mogganum í bráðum meir en fjóra áratugi. Finnst hann ómissandi með kaffibollanum meðan ég er að vakna

[Halldór Jónsson, 14.7.2011 kl. 22:16]

Ég keypti Moggann í áratugi þar til að ég fornemaðist við Styrmi.Svo þegar mér rann bræðin þá fann ég að ég gat alveg verið án blaðsins, sem var þá miklu leiðinlegra en það er núna.Hinsvegar les ég allt sem ég sé eftir hann Styrmi sem ég hef í hávegum sem einn af þeim óvitlausu. Hann lét búa fyrir mig þessa bloggsíðu þar sem ég gæti dundað mér án þess að vera að forpesta blaðið fyrir honum með einhverjum greinum sem hann kærði sig ekki um þannig að fýlan var sjálfsagt mér að kenna vegna ofmats á sjálfum mér.

Frændi,

lestu þá Baugstíðindin vandlega líka?

Gunnar,

þú lest allt um heima alla þannig að þú skilur sjálfsagt ekki svona stæla eins og hjá mér að var ekki áskrifandi að Mogga lengi vel. Baugstíðindin eru svo hrútleiðinleg yfirleitt að það gengur fram af mér og það er eki hægt að búa við þau ein sér. ég hef svo sem auðvitað lesið Moggann eftir krókaleiðum en ég ætla að prófa pappírinn eitthvað áfram.

[Jenný Stefanía Jensdóttir, 14.7.2011 kl. 23:26]

Þín kynslóð "fornemaðist" við Styrmi, mín við Davíð

Kallaðir þú skjalageymsluna líka "arkív", þar sem tollskjölin voru geymd eftir "klareringu"?

Skemmtilegri þessar dönsku slettur en þessi ný ísl-enska í viðskiptum.

[Gunnar Rögnvaldsson, 15.7.2011 kl. 00:05]

Þú borgar fyrir Fréttabaðið í formi hærra vöruverðs í verslunum Halldór minn kæri. 

 

Að sjálfsögðu veit ég að þú lest Moggann no matter what. Þetta með blaðalesturinn á tvöfala vaffinu í fyrri færslu þinni fann ég sjálfan mig mjög vel í ;) 

Sem betur fer er ég laus við Baugsmiðla. Frekar læsi ég Se & Hør en eða Andrés Önd en það sorprit.

 

En nú eru það devices sem eru að taka við. Og hver á jörðu myndi vilja fá Fréttabaðið þar inn? Enginn. Pappír verður þó alltaf til áfram.

 

Annars hafa fjölmiðlar breyst að því leyti að í dag er ekki hægt að tala lengur um "mass media". Þeir tímar eru liðnir. Núna er allur þessi markaður orðinn fragmented.

  

[Sigurbjörg Eiríksdóttir, 15.7.2011 kl. 10:01]

Ég var áskrifandi, Moggaútburðarkelling og umboðsmaður í áratugi:) Svo hætti ég 2005 þegar ég flutti í dreifbýlið..En þá tók netáskriftin við. Þegar Dabbi tók við blaðinu byrjaði ég að kaupa pappírsblaðið á ný!!:) Vil helst ekki vera eins og aðrir:):) Ég reyndar gafst upp á Póstinum sem er ekki dreifbýlisvænn..en mbl.is skoða ég á hverjum morgni..

Bestu kveðjur, frá Gunnari B. Sigfússyni líka, sem vann hjá ÍAV á sínum tíma;)

Silla.

[Halldór Jónsson, 15.7.2011 kl. 14:51]

Jú Jenný

Ég held bara að maður hafi notað það orð og að arkívera áður en að fæla eð. kom með tölvunum.Á Kóntónumr notaði maður í staðinn fyrir "upp í vinnu" eins og menn segja núna. Maður notaði bestikk við að teikna og bílæti fyrir leikhúsmiða.

Þetta með Davíðsveikina. Var það tryggð hans við kvótakerfið sem réð úrslitum hjá þér? Fannst þér hann samt ekki skemmtilegur.? Að minnsta kosti miðað við halldór Ásgrímsson. En maður sér bara ekki fyrir sér Halldór Ásgrímsson heldur hann Pálma Gestsson í gerfi hans. Kannski var kallinn ekki svona eons og manni finnst eftir meðferð Spaugstofunnar á honum. Hinsvegar var Örn eiginlega bara Davíð í hlutverkinu, kátur og röggsamur.

Nú sakna margir Davíðs úr pólitíkinni, þessa rúffíana, sem var þó alltaf hreinn og beinn hvaða rullu sem hann spilaði í það og það sinn. Fólkið er að kenna honum um allt hrunið sem er ekki rétt. Hann seldi bankana en var of bláeygður að sjá ekki hvaða menn viðskiptamennirnir höfðu að geyma. Eftir það fór bara allt á sjálfstýringu eins og þegar kviknað er í, þá er ekki alltaf hægt að slökkva í bálinu.

Heldur vil ég hundrað ár með Davíð en eitt með Jóhönnu.

Gunnar, ég hef ekki ennþá fengið mér rauðan miða á póstkassann til að halda Baugstíðindunum frá mér. Svo finnst mér maður þurfi að fletta þeim til að sjá hvort eitthvað sé í þeim annað en leiðarinn og leigupennarnir sem ekki kemst í hálfkvisti við Andrés og félaga.

Með devices, áttu við Kindle? Ekki eru þar íslensk blöð ennþá ? En það sem ég á við að maður nýtur morgunverðarins betur með að fletta pappírnum. Það er bara þessvegna sem ég er að kaupa þetta, auðvitað er wx3 þarna líka.

Silla,

þakka þér fyrir kveðjuna, ég kannast vel við nafnið á manninum, hef áeiðanlega haft eitthvað við hann saman að sælda. Í hvaða embætti var hann þar? 

[Gunnar Rögnvaldsson, 15.7.2011 kl. 18:29]

Devices Halldór;

• Venjulegar tölvur; (PDF-útgáfa blaðsins) eða Epaper
• Farsímar; í venjulegum vafra, RSS-feeds, eða í prógrammi
• Spjaldtölvur; líklega það næst besta í dag; 

Dæmi (spjaldtölva); Financial Times iPad Edition 

En pappír er óviðjafnanlegur og hraðvirkastur - nema að þú hafir öfluga tölvu með sem lágmark kristaltæran 24-tommu tölvuskerm til að lesa PDF-útgáfu dagsins. Það er eignilega betra en pappír, verð ég að segja. Letrið og leturtegundir og litir njóta sín virkilega vel þannig. Blaðið verður bókstaflega lifandi, og leit er auðveld. Hægt er að lesa blaðið svona með báða fætur uppi á skrifborðinu og kaffið i hendinni.  

Upplestur fyrir blinda er mögulegur í þessu öllu og einnig frá pappír. 

[Gunnar Rögnvaldsson, 15.7.2011 kl. 18:32]

Pappír er sennilega hraðvirkasta "multi-media" sem hefur verið fundin upp. Og er mest "mobile" af öllum.