"Integrity"

er hugtak sem er erfitt að þýða með einu orði á íslensku. Siðferðileg staðfesta nær nokkurn veginn merkingunni held ég.

Ég hef velt því fyrir mér hvort þurfi ekki að líta til aðaleiganda flugfélags þar sem fylgni þess við reglur er dregin í efa. Flugfélag fer með líf og limi lifandi fólks. Menn mega ekki efast um "integrity" á bak við félagið.

Það er ástæða til að spyrja slíkra spurninga í tilviki Iceland Express.

Athugasemdir

[Ragnhildur Kolka, 18.7.2011 kl. 14:21]

Sammála þér að þetta er erfitt orð. Heilindi nær því en oftast með e-i vísun.

[Axel Jóhann Hallgrímsson, 18.7.2011 kl. 15:16]

Ég hefði haldið að orðið ráðvendni næði fullkomlega utan um þetta hugtak.

[Halldór Jónsson, 18.7.2011 kl. 15:29]

Ég er ekki frá skilningi Axels. Óráðvant fólk finnst mér ekki til forystu fallið eða prýði.

[Ragnhildur Kolka, 18.7.2011 kl. 17:08]

Ég ætla að leyfa mér að vera ósammála ykkur báðum, Axel og Halldór. Mér finnst þið túlka orðið of þröngt, því siðferðileg staðfesta og ráðvendni eru hugtök sem notuð eru yfir lærða hegðun fólks, byggða á kristilegri kenningu.

Integrity er líka notað um eiginleika kerfa, strúktúra og janvel mekkanísk fyrirbæri. Bilun í þessum fyrirbærum, t.d. taugakerfi raskar integrity þess.

[Halldór Jónsson, 18.7.2011 kl. 21:18]

Það er rétt Ragnhildur að orðið hefur fleiri merkingar eins og þær sem þú nefnir.

En þú myndir gera kröfur um integrity hjá manni sem færi með örlög manna eins og t.d Bandaríkjaforseta. Mafíósi hefur ekki integrity og hann á ekki að fara með lífshagsmuni fólks. Það er ekki hægt að treysta glæpamanni fyrir einhverju sem krefst legers heiðarleika. Glæpaeðli, eða criminal mind, er hlutur sem Bandaríkjamenn þekkja. Ex con er glæpamaður þó hann sé búinn að afplána brot og er skertur á hæfi og integrity..