Gegnsæi?

er er yfirlýst aðalsmerki ríkisstjórnar Jóhönnu Sigurðardóttur.

Í Morgunblaðinu er eftirfarandi frétt um söluna á SJÓVÁ, sem Steingrímur J. ákvað að leggja í einhverja 15 milljarða af ríkisfé eftir að þjófar höfðu haft að hluta skattfrjálsan bótasjóð félagsins á brott með sér og það bótalaust til þessa.

..."Guðlaugur Þór bendir á að SF1 hafi keypt 52,4% hlutafjár í Sjóvá á 4,9 milljarða króna. Það þýði að heildarverð félagsins sé ríflega 9,4 milljarðar. »Í nóvember á síðasta ári lá fyrir tilboð frá fyrirtæki sem var ekki þóknanlegt seðlabankastjóra upp á 10,9 milljarða,« segir hann. »Skattgreiðendur þurfa að greiða mismuninn,« segir Guðlaugur Þór.
Tilkynning um að verið sé að ljúka sölunni á Sjóvá kom á föstudag, daginn fyrir verslunarmannahelgina. »Tímasetningin er engin tilviljun, hún er valin til að engin athygli verði á málinu. Komið hefur í ljós að Seðlabankinn hefur látið skattgreiðendur borga 1.500 milljónir til þess að hópur sem nýtur hans velvildar fái að kaupa Sjóvá,« segir hann...."

Svo merkilegt sem það er heyrist ekki hósti nér stunda frá Mávi Seðlabanakastjóra til útskýringar á þessu máli.

Það er hinsvegar ekki rétt hjá Guðlaugi Þór að almenningur borgi bara 1.5 milljarð með þessum díl heldur má ekki gleyma hinu féinu sem Steingrímur J. lagði í félagið. Tapið fer þá að slá frekar í 5 milljarða en 1.5.

Ætli Mávi finnist þetta svoddan skíterí miað við önnur vandamál Seðlabankans
að það taki því ekki að vera að æsa sig yfir því?

Og til hvers var svo þetta útspil Steingríms J. upphaflega? Af hverju var SjÓVÁ ekki bara sett á hausinn eins og önnur félög þjófanna?

Engum nema sanntrúuðum VG-félögum, ég held Lilju líka, fannst reddingin sérlega gegnsæ þegar hún var gerð.

Athugasemdir

[Lúðvík Júlíusson, 2.8.2011 kl. 12:39]

Það getur verið að rekstrarlega sé gott að selja Sjóvá á hærra tilboðinu!  Það getur verið að ekki fáist hærra verð í framtíðinni.  Samt er Seðlabankinn að gera rétt!

Seðlabankinn er að gera rétt vegna þess að hluta kaupverðsins átti að greiða með aflandskrónum.  Aflandskrónur þýða í raun afslátt á kaupverði til þeirra sem þær nota!  Þess vegna hefði sala þýtt sölu með afslætti!  Auk þess hafa ekki allir möguleika á að kaupa aflandskrónur og nýta þær til fjárfestinga hér á landi.

Ef Seðlabankinn hefði samþykkt sölu Sjóvár þá hefði hann verið að mismuna fjárfestum!

Guðlaugur samþykkti þessi lög og hann ætti að vita um hvað snýst.

Öll atriði varðandi viðskiptin voru opinber í nóvember 2010 og umræðan í raun búin að eiga sér stað.

[Halldór Jónsson, 2.8.2011 kl. 13:29]

Takk fyrir þetta Lúðvík. Hvaða lög samþykkti Guðlaugur sem tengja hann við þetta mál?

[Lúðvík Júlíusson, 2.8.2011 kl. 15:20]

Atkvæðagreiðsla um mál 645 sem heimilar Seðlabankanum að takmarka flutning á aflandskrónum og önnur viðskipti á Íslandi og milli Íslands og annarra landa.  Samkvæmt þessum lögum getur Seðlabankinn mismunað aðilum að eigin geðþótta meti hann það svo að viðskiptin skaði óskilgreinda "hagsmuni Íslands".

Atkvæðagreiðslan fór fram 11. júní 2010.  44 greiddu atkvæði með, enginn á móti og  enginn sat hjá.

Guðlaugur Þór Þórðarson: já

[Halldór Jónsson, 2.8.2011 kl. 15:46]

Ok Lúðvík, Guðlaugur Þór verður að skýra þetta út betur fyrir okkur. Það er ekki sama að borga með krónum og hálfkrónum, það finnst manni nokkuð ljóst. En fannst þér rétt að vera að pumpa þessu í Sjóvá?

[Guðrún Norberg (IP-tala skráð) 2.8.2011 kl. 18:01]

Vandamálið er að mávarnir eru svo aðgangsharðir,  þeir éta mestallt brauð frá okkur hinum. 

[Lúðvík Júlíusson, 2.8.2011 kl. 20:54]

Sæll Halldór,

ég hef ekki kynnt mér "björgun" Sjóvá nægilega vel en almennt er ég á móti því að "bjarga" fyrirtækjum sem eru í samkeppni.