Hvað er að ?

spyr Björn Valur Gíslason sig í örvæntingu á Eyjunni.

Hann skrifar..."Það vekur því furðu að nú rúmum tveim árum eftir að Rannsóknarnefnd Alþingis skilaði skýrslu sinni á orsökum og aðdraganda efnahagshrunsins, skuli sjálfstæðisflokkurinn nú vera með hátt í 40% fylgi meðal þjóðarinnar.
Kannski verður einhverntímann sett á fót rannsóknarnefnd til rannsaka hvernig það getur gerst að jafn dauðasekur stjórnmálaflokkur og sjálfstæðisflokkurinn er getur öðlast slíkt fylgi meðal þjóðar sem hann hefur kvalið jafn mikið og þá íslensku...."

Þetta eru kostuleg skrif af ýmsum ástæðum. Hvað er að, hvað er að ! Æpir Björn í örvæntingu sinni. Hversvegna vill fólkið mig ekki, sem er svo góður og göfugur?

Kreddufastur kommi með spjöld fyrir augunum eins og dráttarklár í ölgerðinni hjá Tuborg getur aldrei skilið frjálshyggjuna né frelsisástina. Sem er auðvitað alger þversögn í manni sem er skipstjóri og aflamaður. Hann ætti fremur að skipta um flokk sjálfum sér til björgunar heldur en að hanga þar sem hann er. Því þannig bara stendur hann kyrr í þroska og skilur hvorki upp nér niður.

Stjórnmálaflokkur breytist dag frá degi. Það sem hann gerði í gær getur hafa sýnt sig að þurfa endurskoðunar við. Flokkurinn breytir stefnunni ef hann telur það til bóta og dettur ekki í sama pyttinn aftur.Kýs sér nýtt fólk með aðrar hugmyndir. Alveg eins og brennt barn forðast eldinn.

Þetta getur margt fólk gert í sínu daglega lífi. En VG-tréhesti eins og Birni Vali er fyrirmunað að skilja það.

Ég er búinn að horfa uppá sukkið og vitleysuna hjá VG núna í meira en 2 ár. Það hefur bólusett mig ævilangt við því að trúa nokkurntíman orði sem frá þessum núverandi talsmönnum flokksins kemur. Varist vinstri slysin. Aldrei aftur vinstri stjórn! Þegar nýtt fólk hefur komið til áhrifa í þessum VG flokki er kannski hægt að hlusta aftur. En þess sjást engin merki meðan Björn Valur skirfar í þessum dúr á Eyjunni.

Vinstri grænum virðist fyrirmunað að skilja það að þeir geti haft rangt fyrir sér. Hvorki síðustu 20 ár, í gær eða í dag. Björn þyrfti ekki annað en líta í pólitíska skuggsjá flokksins síns. Þá blasir orsökin við. En hann er bara blindaður af eigin ágæti.

Allt sem VG hefur boðað um ágæti skattahækkana, ríkisvæðingu og þjóðnýtingu hefur misheppnast. Hagvöxtur minnkar, tekjur ríkisins af áfengi, bensíni, virðisaukaskatti og brennivíni dragast saman. Landflóttinn geysar áfram. Kreppan dýpkar.

Og fólkið sér þetta og þessvegna leitar það frá VG til Sjálfstæðisflokksins. Þetta er þó sá eini flokkur sem aldrei hefur kvikað frá trúnni á einstaklinginn og frjálshyggjuna.

Flokkurinn hefur auðvitað gert sín mistök og geldur þess meðal fólks. Annrs væri hann enn stærri flokkur. En hann vill bæta sig og boðar stefnu sína ótrauður um að hann vilji "vinna í inannlandsmálum að þjóðlegri og víðsýnni umbótastefnu, á grundvelli atvinnufrelsis og einstaklingsfrelsi, með hagsmuni allra stétta fyrir augum." Til viðbótar vill hann "standa vörð um sjálfstæði landsins" og vill því selja það fyrir grautardisk til ESB eins og VG, Björn Valur og Steingrímur J. vinna ótrauðir að með vopnabræðrum sínum í Samfylkingunni.

Fólkið skilur þetta. En kommúnisti eins og Björn Valur getur auðvitað aldrei skilið það, að fólkið vill heldur ráða sinum málum sjálft, vera í félagskap frjálsborinna manna, heldur en að treysta rískisforsjárflokki eins og VG og þingmanni hans Birni Vali fyrir þeim.

Það er akkúrat þetta sem er að Björn minn.Þú þarft bara að horfa í spegil.

Athugasemdir

[Elle_, 3.8.2011 kl. 21:50]

Björn Valur af öllum ætlar að rífa kjaft.  Maðurinn hefur síst efni á að gagnrýna nokkurn skapaðan hlut.  Hann barðist af alefli fyrir kúgunarsamningnum ICESAVE og ætti að koma sér úr stjórnmálum eins og hinir stuðningsmenn ICESAVE og helst steinþagna.

Um daginn skrifaðrðu pistilinn Hlustaðu ! um drunga og eymd, Halldór, þar sem þú lýstir andanum í landinu vel og að vísu hefur mér fundist drungalegt hér æ síðan ég kom aftur heim að utan - ekki úr EU-landi.   Þú skrifaðir: 

Þarna uppi þar sem við sjáum þoturákirnar á himninum er önnur veröld tækni og dásemda sem er svo óralangt yfir drunganum, eymdinni og ömurleikanum í því landi þar sem ég er núna fangi í.

Hversu óralangt er á milli þessa fólks þarna uppi á himninum og fólksins sem styður núna kúgara mína og skaðvalda.  Hvenær skyldi frelsið og trúin á það koma aftur til lands sem núna fjötrar okkur föst? Hvenær koma þeir tímar aftur þegar maður sér von í augum fólksins í kring um sig? Hvenær kemur sá dagur að landflóttinn stöðvast og fólkið kemur aftur til síns fagra lands?

Einn maður getur ekkert eins og allir vita.  Þögul uppgjöf virðist ríkja meðal almennings og fótatak útflytjendanna er stöðugt og hverfur svo út í buskann.

[Halldór Jónsson, 3.8.2011 kl. 22:27]

Þakk þér fyrir að lesa og skrifa ElleErickson. Þú ert nærri því sú eina sem skrifar eitthvað á síðuna hjá mér um þessar dimmu hugleiðingar. Það er bara sólskinið í sumar sem heldur manni uppúr ömurleikanum í landinu. Hvenær skyldi aftur birta? Það verður ekki fyrr en að þetta ömurlega lið yfirgefur stjórnarstólana og þjóðin fær að kjósa aftur, ef þá einhver verður eftir til þess?

Þangað til er eymdin ein búin þjóðlífinu.

Við verðum að nota öll tækifæri til að mótmæla og reyna að sporna við heimskunni.