Féflettar

er nýtt safnyrði sem Ragnar Önundarson notar í grein sinni í Mbl. í dag. Orðið lýsir þeirri stétt manna sem líka sem ýmist voru kallaðir útrásarvíkingar eða kjölfestufjárfestar. Þeir gátu notað tengsl sín við menn í bönkunum til að komast í skuldsettar yfirtökur á grónum fyrirtækjum, sem höfðu verið byggð upp með ævistarfi kynslóðanna. Þeir síðan sópuðu öllu lauslegu úr þeim um leið og þeir skuldsettu félögin upp fyrir rjáfur og hirtu sjálfir peningana sem arð.

Þjóðin horfði á Pálma Haraldsson kaupa hvert félagið af öðru, selja þau með risahagnaði og jafnvel kaupa þau svo aftur og aftur.Græddi milljarða í hvert sinn en fór svo á hausinn með pompi og pragt. En það beit ekki á víkinginn og núna flýgur Iceland Expresss á silfurvængjum til sólarlanda. Og öllum er sama nema líklega Vilhjálmi Bjarnasyni sem vildi ekki ferðast einu sinni frítt með því félagi vegna eigandans. Það eru til menn með prínsíp ennþá þótt þeim fari fækkandi.

Árni Hauksson vann í Húsasmiðjunni og enginn vissi að hann ætti mikið annað en eina fegurstu konu landsins og mörg börn. Vinur hans og skólabróðir Hallbjörn Karlsson,sem á líka fræga og fallega konu, vann hinsvegar í Kaupthingbanka. Skyndilega kaupir Árni Húsasmiðjuna og sameinar hana skelfyrirtæki sínu, sem nú hefur fengið risalán til skuldsettrar yfirtöku. Allar eignir Húsasmiðjunnar eru seldar fyrir yfirverð, sem ratar svo úr félaginu á einhvern hátt til Árna og Hallbjörns sem báðir vinna nú í æðstu stjórn í Húsasmiðjunni. Árni og Hallbjörn selja svo Baugi og Pálma Húsasmiðjuna með miklum hagnaði sem Landsbankinn lánar fyrir á svipaðan hátt og í fyrra dæminu. Húsasmiðjan sligast af nýju skuldunum, Landsbankinn, eign þjóðarinnar núna, fær Húsasmiðjuna í fangið og verður að afskrifa öll lánin vegna yfirtökunnar.Allir græða nema aumingja bankinn.Maður spyr sig hvort meðal bankastjóra finnist aldrei neinir bísnessmenn? þeir eru alltaf plataðir af öðrum og bara afskrifa útlánin sem töpuð.Reyna ekki einu sinni að innheimta nema hjá smáfiskunum hagsmunasamtökum heimilanna.

Næst er það Árni Hauksson kjölfestufjárfestir sem er að kaupa Haga af Aríonbanka með Hallbirni Karlssyni. Með í förinni eru helstu lífeyrissjóðir landsins sem sjá núna hagnaðarvon í því að reka lágvöruverðsverlanir með Árna og Hallbirni. Aldeilis munur að þurfa nú ekki að versla við þá Baugsfeðga lengur en geta nú verslað við Árna og Hallbjörn í staðinn. Allt annað líf fyrir almenning. Þjóðargersimin, Landbankinn, má bara eiga sviðann eftir tapið á fyrirgreiðslunni vegna Húsasmiðjunnar.Auðugir menn að kaupa fákeppnisfélagið Haga á frábæru verði. Hverjir töpuðu því sem þeir græddu?

Um þetta getur maður lesið um í grein Ragnars.Og allt er þetta í fína lagi og enginn segir neitt. "Það er vont en það venst" sagði í vísunni. Kannski flýgur Vilhjálmur með Pálma í fyllingu tímans. Allir versla í Bónus og enginn fær gert við því

Féflettarnir hafa náð sínu fram. Vextirnir hækka hjá Mávi Seðla vegna verðbólgunnar og að því kemur líklega að Jöklabréfin fara að leita hingað aftur þar sem enga ávöxtun verður að hafa annarstaðar en í boði bankamálaráðherra Íslands, Steingríms J. Sigfússoanr, sem ólmur vill borga Icesave og ganga í ESB.

Minnið er stundum stopult hjá öðrum en þeim féflettu. Þeir sem vilja hugsa sitt eiga þó annars Kostar völ.

Athugasemdir

[Júlíus Björnsson, 30.8.2011 kl. 00:17]

Það er rétt ef Pétur Blöndal og Vilhjálmur Bjarnson og Már reikna með veldisvísislegum almennu  sparnaðartekjuhækkun á Íslandi næsti 30 ár, og ársverðlagshækkanir er mældar 3,0% í ár, þá mælast heildarverðlagshækkanir eftir 30 ár um 235%.   Þá gildir líka að hreint eiginfé  hefur hækkað um 253% og sennilega raunvirði bakveð líka í milliríkja viðskiptum. 

Hinsvegar þegar stöndug mannauðs ríki eru með ráðgerðir, þá segja þau sem svo að verðverðlagshækkanir verða max. 150 % næstu 30 ár eða 135%  til að halda viðskipta jafnvægi við önnur ríki, og líka til að halda afskriftum í lágmarki  það er reiðufjárkostnaðinum í heildina litið sem kostar að viðhalda raunvirði þjóðartekna í samanburði við Alþjóðasamfélagið.

Gera ráð fyrir 135% verðlaghækkunum á 30 árum jafngildir að gera ráð fyrir meðalhækkunum yfir 5 ár um  22,5% sem eru löglegt í EU og kostar ekki efnahagsþvinganir. Þetta jafngildi líka að gera ráð fyrir 3,5% meðal hækkunum á ári. 

Íslendingar hafa sannarlega aldrei skilið erlent löglegt tvíhliða jafnvægisbókhald og gerst sekir um að ráðgera alltof miklar verðlagshækkanir bæði hér heima og erlendis þegar kemur að langtíma veðskuldbindingum.  Jafnvæginu er ætlað að standa vörð um eignarétt á raunverðmætum. Aurasálir og þjófsnautar hafa engan áhuga á kynna sér  grunn hins löglega tvíhliða jafnvægisbókhalds. Hafa síðan við urðum fullvalda farið sínar eigin reglur í bókhaldi og breytt því að eigin geðþótta til að þjóna hagsmunum fámennis ráðstjórnar hér.  Ef Þjóðverjar, Frakkar, USA og UK byggja á sama bókhaldsgrunni hvað varðar bókhald lengra en 5 ár og svipuð þegar kemur að skammtíma uppgjörum þá er það vegna túlkunar á eignarréttar ákvæðum í stjórnarskrám þessara ríkja.

Hér er dæmi um stöðuleika jafngreiðslu skuld, sem viðheldur fjölda fasteignasala til dæmi.

http://juliusbearsson.blog.is/blog/juliusbearsson/entry/1187682/

[Jón Pétur Líndal, 30.8.2011 kl. 00:49]

Já Halldór. Uppsveiflan núna er drifin áfram af féflettum með meirimáttarkennd og sterkt pólitískt bakland í Steingrími Sigfússyni. Honum er svo mikið í mun að telja sjálfum sér trú um að hér sé allt í blóma að honum er alveg saman þó íslenska samtímaglæpasagan endurtaki sig fyrir opnum tjöldum á hans vakt. Það er ótrúlega stjúpid lið sem stjórnar hér. Verst er þó hvað kjósendur eru vitlausir. Þeir kjósa yfir sig landsins bestu lygalaupa úr öllum flokkum og láta sér lygasögurnar duga til að líða nógu vel til að sætta sig við sömu vitleysuna aftur og aftur.