Hitnar á Hellisheiði?

kom í huga mér þegar ég keyrði upp Kamba í gærkvöldi í dásemdarstillu og blíðviðri. Ég hef aldrei séð annan eins fjölda gufustróka stíga upp úr hlíðunum fyrir ofan Hveragerði.

Ég velti fyrir mér hvort eitthvað í rakastigi loftsins gerði það að verkum að gufan varð svona sýnileg? Eða er bara meira framboð? Gufan frá borholunum á háheiðinni var líka bæði mikil og væn.

Svo berast allstaðar tíðindi af auknum hreyfingum í jarðskorpunni.Skyldic O.R. mæla aukningu á hita í vrkjunum sínum á Hellisheiði?

Athugasemdir

[Guðmundur Ásgeirsson, 5.9.2011 kl. 13:31]

Skarplega athugað. Ég tók líka eftir því hvað strókurinn frá Hellisheiðarvirkjun sem sést héðan frá borginni, var þykkur og hár og umfangsmikill í gær. Kannski var það bara veðrið, en auðvitað veltir maður ýmsu fyrir sér því jarðskorpuvirkni virðist gjarnan koma í hrinum sem ganga jafnvel yfir allt landið á afmörkuðu tímabili, en svo þess á milli er kannski allt með kyrrum kjörum. Jarðfræðingar halda því fram að engin tengsl séu á milli hræringar á einum stað og öðrum, en ég er ekki sannfærður. Undir landinu er uppstreymi í jarðmöttlinum, og ef þar undir er bráðin kvika sem streymir upp, þá get ég hæglega ímyndað mér að sveiflur í flæði hennar kunni að orsaka atburði hér nálægt yfirborðinu sem geta komið fram víðsvegar um landið. Þetta er auðvitað ósannað, en ekki heldur afsannað.

[Halldór Jónsson, 5.9.2011 kl. 21:54]

Sæll Guðmunur, takk fyrir þetta. Það var gaman að þú skldir taka eftir þessu líka. Hefur þú aðra skýringu en að það sé fírað neðanfrá?

[Halldór Jónsson, 5.9.2011 kl. 21:55]

Hvað skyldi Gústi frændi segja um þetta fyrirbæri?