Af hverju ekki lista um afskriftir?

Hvaða nauðsyn ber til að halda því leyndu þegar til dæmis Halldór Ásgrímsson og fjölskylda, Framsóknarmaður og fyrirtæki hans, fá afskrifaða milljarða af almannafé?

Hvaðan kemur Skúla Helgasyni samfylkingarþingmanni sú viska að það sé ekki almannafé sem verið sé að höndla með? Það sé eittthvað fé ótilgreindra kröfuhafa?

Hverskonar þingmaður er þetta sem skilur ekki að íslenska ríkið á Landsbankann með húð og hári sem er að afskrifa mest?.(Hann stóð líka að ákærunni á Geir H. Haarde) Og BYR og SpKef líka. Og Steingrímur getur ekki svarað því hvað ríkið eigi í Íslandsbanka eða Aríonbanka.

Af hverju umgangast þessir þingmenn okkur eins og við séum fífl?

Hvernig dettur Eygló Harðardóttir í hug að nefna að bankaleynd hafi eitthvað með það að gera hvaða gæðingar séu að fá milljarðana gefna? Það er engin bankaleynd á Íslandi. Skattstofurnar eru beintengdar inná bankareikninga allra Íslendinga. Er það bankaleynd?

Við erum ekki bara fífl Eygló og Skúli.Þurfum við virkilega að treysta á Wikileaks og Reynir Trausta til að fá að heyra sannleikann?

Upp á borðið með allar afskriftalista. Uppá borðið með lánabækur bankanna.

Athugasemdir

[Óskar Helgi Helgason (IP-tala skráð) 6.10.2011 kl. 00:10]

Heill og sæll Halldór; æfinlega !

Fyrir; ekki svo löngu síðan, lagði ég það til, að þau 63, fengju inni, austur á Skóga safni, hjá Þórði gamla - og hans fólki, og yrðu í búrum fólgin, til almennrar sýningar, landslýð öllum, sem erlendum ferðalöngum.

Með beztu kveðjum; sem jafnan /

Óskar Helgi Helgason 

[Ómar Bjarki Smárason, 9.10.2011 kl. 23:56]

Og svo mætti nú fara að taka á þessum "Afætuþjónustufyrirtækjum" eins og Motus og örðum innheimtufyritækjum sem virðast vera áskrifendur að eignum fólks og fyrirtækja.... Hvað skyldu þessi fyrirtæki annars velta miklu á ársgrundvelli...?

Hafðu það sem best í Ameríkunni, þó maturinn sé bæði mikill og vondur....!