Asparmorðinginn

Jón Gnarr borgarstjóri stóð fyrir viðurstyggilegu athæfi við Ráðhús Reykjavíkur í dag. Þar var ráðist á bæjarprúðar aspir og þær myrtar á hroðalegan hátt.

Að venju þegar stjórnmálaskúmar á borð við ráðandi meirihlutann í Reykjavík, með Dag B. Eggertsson í broddi Samfylkingar, þarf að réttlæta illvirki af einhverju tagi, þá er því logið að almenningi í gegn um þóknanlega fjölmiðla,að aspirnar hafi verið að skemma hellulagnir. Auðvitað vita allir að menn helluleggja af því að það er svo auðvelt að endurleggja hellurnar ef eitthvað fer aflaga. Ekkert var auðveldara að kippa þessu í liðinn og endurvinna fletina. Í staðinn er sett á þessi lygaþvæla að þessi óhæfuverk hafi verið nauðsynleg. Þetta hyski ræðst á margra metra aspirnar og saga þær niður. Friðuð tré og bæjarpýði. Og ætla svo að planta títlum í staðinn og eyðileggja öll þessi ár sem aspirnar hafa vaxið þarna öllum til yndisauka.

Það er engin endir á hvernig þetta vinstra lið getur ráðist gegn fegurðarsmekk almennings og rifið niður það sem öðrum er heilagt. Skemmst er að minnast árása Ingibjargar Sólrúnar á Alaskalúpínuna í Öskjuhlíð þó gefist hafi verið upp við verkið.

Ég hef fullkona skömm á svona lýð sem ræðst gegn varnarlausum trjám sem eru að auðga íslenskan veruleika eftir aldalanga eyðingu gróðurs í landinu.

Megi skömm Jóns Gnarr verða lengi uppi fyrir þetta athæfi og var sosum ekki úr háum söðli að detta. Svei honum aftan og framan!

Athugasemdir

[Sigurjón Benediktsson, 28.10.2011 kl. 20:02]

Hafðu þökk fyrir pistilinn. Þetta er hinn íslenski veruleiki. Hvar endar þessi fasismi?

[Rafn Haraldur Sigurðsson (IP-tala skráð) 28.10.2011 kl. 21:47]

Og nú vilja blómarasistarnir fara í krossferð gegn lúpínunni og afmá hana af yfirborði jarðar.

[Axel Jóhann Hallgrímsson, 28.10.2011 kl. 21:54]

Aspir eru glæsilegar úti í náttúrunni, en afleitar sem borgartré vegna rótakerfisins sem engu eyrir sem það kemst í snertingu við.

Þeir sem lofa Lúpínuna núna Rafn, munu ekki gera það eftir 30 til 40 ár, en þá kann slagurinn að vera tapaður.

[Rafn Haraldur Sigurðsson (IP-tala skráð) 28.10.2011 kl. 22:02]

Nei, það er kanski betra að sjá sandana rjúka upp, annars eru skiptar skoðanir hjá blómafræðingum um lúpínuna. Sumir segja að hún hörfi þegar að komið er nægur jarðvegur til að aðrar plöntur geti þrifist, en aðrir að hún kæfi allan annan gróður.

En það er eins og mig minnir  að þeir í Alaska hafi verið að falast eftir lúpínufræi héðan vegna þess að hún hafi hörfað svo mikið hjá þeim, þar sem hún er nú upphaflega komin frá. Þori ekki að fullyrða það en þetta situr samt fast í mér.

[Helga Kristjánsdóttir, 28.10.2011 kl. 22:39]

 Ég heyri alla hallmæla ,,Öspinni, vegna rótarkerfisins,en ég hef ekkert vit á gróðri,bara fegurðar mat mitt. Annars til gamans las ég í fyrstu að Apirnar hafi verið að eyðileggja heilalagnirnar,fannst það nú ekki ábætandi. Kv. 

[Helga Kristjánsdóttir, 28.10.2011 kl. 22:40]

 Aspirnar haf----

[Gunnar Th. Gunnarsson, 29.10.2011 kl. 01:09]

Aspir eru undanskyldar í friðun á gömlum trjáplöntum (40+ ára) og hávöxnum (6+ m.)

Það er vissulega hægt að laga hellurnar en það er dýrara en margur hyggur og aspirnar eru margar.

Ég er garðyrkjufræðingur og setti stutt blogg um aspir: HÉR

[Ásthildur Cesil Þórðardóttir, 29.10.2011 kl. 03:08]

Er það ekki rétt hjá mér  skólabróðir kær, að það var afnumin þessi friðun á landsvísu fyrir nokkrum árum, en bæjarfélögum í sjálfsvald sett hvort þeir vildu halda í friðun eða ekki.  Annars er það rétt að aspir eru varasaman og eiga ekki við í þröngu rými.  Og núna þegar hitastig hefur hækkað og ræktun á meira spennandi plöntum auðveldara, þá er bara skemmtilegt að breyta til.  Tré sem rétt skrimtu fyrir nokkrum árum ganga vel núna, og þau sem voru harðgerð fyrir eru orðin illgresi eins og yllirinn til dæmis.

[Gunnar Th. Gunnarsson, 29.10.2011 kl. 04:38]

Ef ég man rétt, þá hafa bæjar og sveitarfélög ákvörðunarvald um þessar reglugerðir varðandi friðun á trjágróðri og eru á hendi skiplagsráðs á hverjum stað.

Reglurnar hafa breyst mikið víðast hvar, frá því þessar reglugerðir voru fyrst settar snemma á síðustu öld, í árdaga skógræktar, (aldurs og hæðarmörk).  Það er a.m.k. 20 ár, sennilega meira, síðan aspir voru teknar af verndarlista miðað við hæðar og aldursmörk í Reykjavík.

[K.H.S., 29.10.2011 kl. 09:52]

Höfum trén í skóginum, þar sem þeim líður best, en skreytum húsreitina með mannanna verkum og sköpum börnunum þar griðland til leiks og þroska.

[Kristján P. Gudmundsson, 29.10.2011 kl. 11:08]

Sæll kæri bloggvinur Halldór Jónsson. Þetta er góður pistill hjá þér sem og oft áður !

Megi blessuð lúpínan lifa og blómstra sem lengst á okkar kæra en gróðurlitla landi. Það er ljótt að heyra, hvernig þeir haga sér "trúðurinn" Gnarr og "doksi" Dagur?

Við, Halldór minn, berum enga pólitíska ábyrgð á gerðum þessarra "stórmenna", þar sem við erum báðir brottfluttir Reykvíkingar !

Með góðri kveðju frá Fjallabyggð, KPG.

[Ásthildur Cesil Þórðardóttir, 29.10.2011 kl. 12:03]

Ég er reyndar rosalega mikið á móti lúpínu þ.e.a. segja inn í viðkvæmu fjallagróðurlendi og lyngi, Á söndum er hægt að sætta sig við hana, ef hún núbara héldi sig þar.  Hún er að eyða okkar fallega fjallagróðri á mörgum stöðum á heiðum og móum. 

[Halldór Jónsson, 29.10.2011 kl. 12:56]

Takk fyrir öllsömul 

 Er það að renna upp fyrir mér að þú Ásthildur hafir verið með mér í Gaggó Aust? í 2. bekk?

Kæra skólasystir Ásthildur, farðu upp að Rauðavatni vestandverðu og sjáðu hvernig lúpínan hefur skýlt öðrum gróðri í uppvextinum og hann er núna kominn uppúr henni. Lúpínan fer ekki yfir berjalandið fyrir austan hjá mér heldur stoppar. Hún hörfar fyrir öðrum gróðri sem hún skýlir til þroska.

Gott blogg hjá Gunnari um öspina en ég stend við mínar fullyrðingar. Það var hreinn fasismi að taka af þeim friðunina. Ég held að hér í kópavogi skeri menn fyrst ofanaf  þeim í 4 metrum og felli þær svo vegna friðunarinnar.

[Ásthildur Cesil Þórðardóttir, 29.10.2011 kl. 13:09]

Nei Halldór minn ég gekk í Gagnfræðaskólann á Ísafirði.  Var aftur á móti með Gunnari í Garðyrkjuskólanum 1987 - 8.

Lúpínan hér er búin að leggja undir sig Tunguskóg, lyng, móa og mela, íslenskar orkideur og smágróður.  Hún er eins og minkur í Fánunni.  en ég er sammála þér með að þar sem eru eyðisandar má ef til vill nota hana til uppgróðurs.  Hún veður yfir allt nema kerfilinn, hann er eina plantan sem ég þekki sem getur vaðið yfir lúpínuna, en þá er það að hann er verra illgresi en lúpínan ef eitthvað er.

[Axel Jóhann Hallgrímsson, 29.10.2011 kl. 13:48]

Mikið var að eitthvað var af viti sagt um lúpínuna. Takk fyrir það Ásthildur.

[Ásthildur Cesil Þórðardóttir, 29.10.2011 kl. 13:50]

Já ég virkilega meina þetta Axel minn.

[Svavar Bjarnason, 29.10.2011 kl. 15:42]

Öspin er hreinn skaðræðisgripur í görðum og of nálægt mannvirkjum, svo ég tali ekki um skolplögnum og hellulögnum, en annars staðar er hún fín, hraðvaxin og falleg. 

Aftur á móti er ég hrifinn af lúpínunni. Vildi gjarna sjá hana upp um fjöll og fyrnindi. Mín vegna mætti Sprengisandur verða iðagrænn ( og blár) af lúpínu.

[Jón Steinar Ragnarsson, 29.10.2011 kl. 15:48]

Asparmorðinginn.

Þér er væntanlega ekki alvara, elsku kallinn. Allavega ekki sjálfrátt í hatri þínu á Jóni Gnarr. Þetta er orðin hálfgerð kómedía hér á blogginu.

[Ágúst H Bjarnason, 29.10.2011 kl. 20:48]

Ég minni á Facebook síðuna Vinir Lúpínunnar
https://www.facebook.com/groups/117724394910732/

[Ásthildur Cesil Þórðardóttir, 29.10.2011 kl. 23:28]

Jón Steinar er þetta ekki ágætis nafn á hryllingsmynd?

[Halldór Jónsson, 30.10.2011 kl. 08:13]

Jón Steinar

Ég hatast nú  ekkert við neitt fólk en mér finnst alveg í lagi að taka á því þegar það gengur fram af manni í vitleysunni og stend alveg við það sem ég sagði um þetta athæfi. Þetta er afleitt að fara svona að. Ætli Gnarrinn rífi ekki aspirnar á Laugaveginum næst með ámóta særingalestri? Það er engin kómedía í þessu né hugmyndum Lúpínufénda um að rífa hana upp allstaðar í Borgarlandinu.En þar hefur hún breytt örfoka melum í grænar og stundum bláar breiður. Útlendingar sem ég hef farið með fram hjá þessum svæðum hefur fundist mikið til um þessa viðleitni Íslendinga í því að endurheimta gróðurlendi og maður sýnir þeim hvernig stjórnlaus sauðfjárbeitin er búin að fara með landið á leiðinni til Þingvalla.

Horið bara yfir Höfuðborgarsvæðið og sjáið hvernig Öspin aðallega hefur breytt þessum ljótu bæjum með sviplausa steinsteypukumbalda með bárujérnsþökum í "Garden City" sem útlendingum verður starsýnt á vegna fegurðarinnar. Ég man aðra tíma og er ekki í vafa um að umskiptin hafa orðið til hins betra.

Endilega skoðið síðuna sem hann Ágúst frændi nefnir 

[Axel Jóhann Hallgrímsson, 30.10.2011 kl. 09:06]

Þegar menn gera mistök þá er rétt og skylt að leiðrétta þau, ekki satt?

Það er ekki verið að fremja neinn glæp með því að fjarlægja aspirnar, aðeins að leiðrétta þau mistök að planta þeim þarna á sínum tíma.

[Kristján P. Gudmundsson, 6.11.2011 kl. 07:42]

Axel Jóhann, það er vissulega rétt hjá þér, að Aspirnar eru stundum til ama ! Ég hef reynslu af því sjálfur í mínum þrönga húsgarði, en það eru til ýmiss ráð við því svo sem að höggva á rætur, sem vaxa grimmt ! Þá má saga stórar og gamlar aspir niður við rót og bera "Round Up" á sárið, en við það drepst allt rótarkerfi trésins, einfalt, ekki satt ?

Ég hefi nokkrar aspir í garði okkar og sambýlisfólks okkar, og þær eru okkur öllum til yndis og ánægju. Allt, sem til þarf er smá vinna af og til  og inna hana af hendi með bros á vör!

Með kveðju frá Fjallabyggð, KPG.