Steingrímur á slóðum Búkharíns

með pólitískar ofsóknir á hendur andstæðingum sínum.

Í fersku minni er aðför Steingríms J. Sigfússonar að Geir H. Haarde sem hann kom fyrir Landsdóm með "sorg í hjarta" eins og hann sagði.

Steingrímur bruggaði annað pólitískt launráð að kvöldlagi á kontór sínum. Hann greiddi Gunnari Birgissyni einskonar pólitískt rothögg með því að reka alla stjórn og framkvæmdastjóra Lífeyrissjóðs Kópavogsbæjar úr embætti og kæra þá fyrir lögbrot. Svo var rannsóknin auðvitað dregin á langinn þar sem allir sáu að markmiðinu var náð. En auðvitað halda svona mál áfram í fyllingu tímans. Sá tími er kominn með útgáfu ákæru saksóknara á þetta fólk.

Afleiðingarnar urðu þær meðal annars að Gunnar Birgisson var flæmdur úr stóli bæjarstjóra, framkvæmdastjórinn þoldi "Berufsverbot" að hætti A-þýskra kommúnista og fékk hvergi vinnu og grunnur var lagður að ósigri farsæls meirihluta í bæjarstjórn Kópavogs í kosningum, sem hafði leitt bæinn í mikilli uppbyggingu frá árinu 1990.

Hver var sökin? Jú, á tímum sem allir bankar voru í uppnámi og greiddu enga vexti, þá tóku þessir "sakamenn" ákvörðun um að láta laust fé Lífeyrissjóðsins renna sem lán til Bæjarsjóðs Kópavogs, sem ber óskipta ábyrgð á þessum sama Lífeyrissjóði. Hreinlega á hann og stjórnar. Lífeyrissjóðurinn fékk hæstu vexti frá Bæjarsjóði sem koma lífeyrissþegum beint til góða. Þjóðnýttu bankarnir hans Steingríms fengu ekki neitt. En allir þeir störfuðu, ásamt BYR og SpKef á löglausan hátt með CAD hlutfall langt undir lögbundnu lágmarki. Þetta voru líka neyðartímar með neyðarlög í gildi hjá þjóð í neyð. Neyðartímar krefjast neyðarráðstafana segir Steingrímur við þau önnur tækifæri þegar honum hentar sjálfum.

Þessar lánveitingar voru heimilar að 10 % marki en ákærðu fóru meðvitað yfir þetta með þegjandi samþykki FME. Sem núna auðvitað kannast ekki við neitt. Engu var stolið, enginn skaðaðist en gamlir starfsmenn Kópavogs högnuðust. Þetta þoldi ekki kommúnistinn í ráðuneytinu og rak rýtinginn í þessa pólitísku andstæðinga sem hann náði til. Sjálfsagt með " sorg í hjarta" og krókódílstárin trillandi niður vangana.

Nú er enn reynt að sverta þetta vammlausa fólk. krefjast þess að Ómar og Gunnar hypji sig úr bæjarstjórn. Þetta er auðvitað pólitískur búhnykkur fyrir Guðríði Arnardóttur ef fókusinn færist frá hefndarráðstöfunum hennar á hendur Sjálfstæðisflokknum, en hún lætur um þessar mundir bæjarsjóð kosta heilagt stríð sitt gegn flokknum á fleiri en einn veg. Það síðasta er að eyða á annaðhundrað milljónum í það að flytja Héraðskjalasafn Kópavogs úr hvergi nærri fullnýttu leiguhúsnæði í eigu Sjálfstæðisflokksins að Hamraborg 1 sem kostar einhverjar 5 milljónir á ári í húsaleigu í risavaxið húsnæði sem keypt er í þessum tilgangi.

Nú skal unnið dag og nótt á bæjarins kostnað til að klekkja á íhaldinu sem verður að finna sér aðra leigjendur. En þessi leiga var boðin út á sínum tíma og var íhaldið lægstbjóðandi. Við slíkt verður auðvitað ekki unað af barnakennaranum úr Garðabæ. Og helst er auðvitað best að losna við andóf Gunnars í bæjarstjórn með því að reka hann þaðan ef kostur er.

Nú vantar Steingrím bara þjóðskáld til að syngja stjórnarathöfnum sínum lof og prís eins og Stalín forðum við aftöku Búkharíns.

Athugasemdir

[Helga Kristjánsdóttir, 18.12.2011 kl. 01:26]

 Þau eru ekki hætt! Hvenær fá þau nóg? þessi lymskulega óréttmæta aðför,hlýtur að þjóna sadistiskum kenndum,fyrst markmiði að ná völdum er náð. Vill Samfó stjórna í bakkgír,sækja einhvern til saka fyrir tittlingaskít? Nær þetta langt aftur? Sé svo, er komið að öðrum að syngja sigurljóðin.  

[Sigurður Kristján Hjaltested, 18.12.2011 kl. 06:57]

Það hefur nú marg sýnt sig að það fólk sem talar um að hafa "Sorg í hjarta" eða eitthvað þvíumlíkt er yfirleitt hjartalaust. Við hverju er þá að búast frá þannig fólki..???

[Halldór Jónsson, 18.12.2011 kl. 10:40]

Sæl Helga, þú ert hress að vanda. Var að tala við son þinn Kristján Þór Gunnarsson í gær og fór hið brsta á með okkur á íhaldsfundi.

Það er ekki að ástæðulausu að samúð sumra er talin til krókodíla.

Sæll gamli vin Siggi

Þedtta er greining sem við báðir þekkjum eitthvað. Sem betur fer þekkjum við miklu fleira fólk sem er ekki þannig.