Hvað er Þorgerður Katrín!

að samsinna Oddnýju um árangur Steingríms í ríkisfjármálum á Sprengisandi. Hann sé búinn að minnka ríkissjóðshallann úr 120 milljörðum í 20.

Er þetta einhver kúnst? Bara hækka skatta og skera niður í heibrigðisþjónustunni? Hvað er þingkonan mín Þorgerður Katrín Gunnarsdóttir að fara með því að tala um þetta sem árangur og spor á réttri leið? Það blasir við hvernig þetta er fengið? 6300 manns farnir af atvinnuleysisbótum með því að flytja úr landi? Er þetta árangur? Draga saman allar framkvæmdir? Er það árangur fyrir Ísland? Öllum framkvæmdum slegið á frest? Engin atvinna? Er þetta árangur í ríkisfjármálum? Stórhækkanir á öllum gjöldum um áramótin? Er þetta árangur Steingríms? Eyðsla á séreignarsparnaði? Er það árangur?

Ég vil ekki hafa svona málflutning hjá þér Þorgerður Katrín. Stattu þig í að koma kommúnistanum Steingrími J. Sigfússyni burt úr ríkisstjórn. Þá næst árangur fyrir Ísland en ekki fyrr Þorgerður Katrín!

Athugasemdir

[Marteinn Sigurþór Arilíusson, 18.12.2011 kl. 13:38]

Alveg er ég þér hjartanlega sammála.Ég held að það eigi ekki að vera að hrósa þessu vinstra liði sem ætlar hér allt lifandi að drepa.

[Sandy, 18.12.2011 kl. 15:43]

Þorgerður er nú ekki eini Sjálfstæðismaðurinn sem hælir árangri Samfylkingarinnar, það hef ég heyrt fleiri gera s.s. Tryggva Þór Herbertsson. Ekki veit ég hvað þeim gengur til, en það er augljóst að Þorgerður og Kristján spila í vörninni. Var það ekki Sf sem hampað hefur hvað mest fjármagnseigendum og komið þeim í skjól? Ég las fyrirsögn í einhverju dagblaði, þar sem mynd var af Kristjáni Arasyni, og fyrirsögnin hljóðaða upp á að hann væri sloppinn og ekki þurft að greiða lánin sem hann tók fyrir hlutabréfum í Kaupþingi. Nema von að Þorgerður verji sína, en við vitum hvar hún er í pólitík!

[Eyjólfur G Svavarsson, 18.12.2011 kl. 18:09]

Þorgerður ætti að fara að fá sér frí, og þó fyrr hefði verið. Það liggur við að ég hunsi flokkinn bara út af henni!! og ég veit um fleiri þeyrrar skoðunar!!!!!

[Jón Ríkharðsson, 19.12.2011 kl. 02:27]

Því miður held ég Halldór minn að hugtakið "meðvirkni" eigi ágætlega við þetta sem þú ritar um.

Fólk úr öllum flokkum vinnur saman á þingi og myndar tengsl hvert við annað. Það er nefnilega erfitt að segja eitthvað mjög vont um vini sína, fyrir sjálfstæðismenn því þeir eru hógværir og drenglyndir upp til hópa, svolítið óöruggir með sig finnst mér stundum.

Vitanlega eiga sjálfstæðismenn að vera mikið hreinskilnari, ég á marga góða vini sem eru til vinstri, ég hakka þá í mig ef þeir fara að bulla um Sjálfstæðisflokkinn og þeir gera það sjaldnar í seinni tíð, þótt þeir séu ekki komnir á mína skoðun.

Það sem háð hefur forystu flokksins ansi lengi, réttara sagt forystum flokksins, er að það þorir enginn að svara fyrir Sjálfstæðisflokkinn, okkar fulltrúar eru svo kurteisir og góðir við alla.

Vinstri menn tala mikið um spillingu, en það verður fátt um svör hjá þeim þegar ég rifja upp ummæli Þorsteins Pálssonar á landsfundi árið 1985, en þar talaði hann m.a. um spillingarstimpilinn.

Ef ég spyr þá hversvegna vinstri flokkarnir hafi ekki rannsakað spillinguna þegar þeir komust til valda árið 1988, þá horfa þeir upp í loftið og flauta.

Það gleymist oft að spillingarstimpillinn sem er á Sjálfstæðisflokknum hefur verið í marga áratugi, Ólafur Thors var sakaður um spillingu og vafasama hluti varðandi rekstur Kveldúlfs osfrv.

Vinstri flokkarnir voru 20. ár við völd, að mestu leiti og Sjálfstæðisflokurinn á hliðarlínunni, hvers vegna var spillingin ekki rannsökuð?

Ef ég man rétt, þá var lagt fram frumvarp á þingi fyrir ca. tveimur árum þar sem rannsaka átti einkavæðingu bankanna í tíð sjálfsæðis og framsóknarmanna.

Það er ennþá dautt og ekkert með það gert, samt halda margir þingmenn því fram að maðkur hafi verið í mysunni, varðandi einkavæðinguna.

Vinstri flokkarnir koma með allskyns þvælu og enginn segir neitt, af okkar þingliði.

Það er enginn efnahagsbati þótt það sjáist hreyfing á peningum, en hún er m.a. tilkomin vegna aukinna skatta, útgreiðslu lífeyrissparnaðar osfrv.

Það er enginn viðrisauki og þar af leiðandi enginn efnahagsbati, allt byggt á sandi.

Auðvitað á Þorgerður að vita þetta, mér þykir mjög vænt um hana og ég er dálítið hissa á þessum ummælum hennar.

[Sólbjörg, 19.12.2011 kl. 03:59]

Það var hjartnæmt eftir hrun þegar Þorgerður rétt rúmlega fertug að aldri barmaði sér yfir að þau hjónin hefðu tapað ævisparnaði sínum 500 milljónum á falli Kaupþings.

Þorgerður beitti sér af heift gegn Davíð Oddsyni og studdi að hann væri að ósekju hrakinn úr stöðu seðlabankastjóra. Treysti ekki sjálfstæðisflokknum meðan hún er á þingi.

[Halldór Jónsson, 19.12.2011 kl. 14:16]

Já, þakka þér fyrir stuðninginn Marteinn.

Sandy,

kannski finnst þeim þetta vera einhver praktísk auglýsing á víðsýni sinni í pólitík og sanngirni. Ég er ekki þannig í pólitík.Annaðhvort ertu með mér eða þú ert á móti mér sagði Napoleon mikli og hann vissi það.

Eyjólfur, það er erfitt fyrir flokka að dragnast með fólk sem er laskað. Því miður gengur það ekki án þess að það komi niður á flokknum og hrindi honum í sífellda vörn. Og þú getur ekki sótt fram ef þú verður bæði að berjast fram og aftur, hversu sannfærðir viðkomandi eru um sitt ágæti og yfirburði yfir aðra flokksmenn.

Jón vinur,

þú mælir margt spaklegt og af langri reynslu. Ég tek undir flest það sem þú segir.

Það er enginn persóna ómissandi í pólitík. Þar eru menn undir vægðarlausri gagnrýni. Það þýðir ekkert að vera með lík í lestinni eða beinagrindur inni í skáp ef þú ætlar í pólitík eða vera þar og ná árangri.Það eru auðvitað dæmi þess menn eigi afturkvæmt í pólitík eftir erfið mál. En hvort það er til framdráttar fyrir heildina, fyrir meðreiðarsveinana í pólitík, geta menn velt fyrir sér. Menn draga dám af sínum sessunautum, segðu mér hverja þú umgengst og þá segi ég hver þú ert.

Sólbjörg,

Það er einmitt þetta. Fólk verður að spyrja sig hvort það meti sitt eigið ágæti miera en flokksins? Fælast fleiri frá en fylgja? Þannig hlýtur flokksfólk að hugsa. Verður ekki flokkur, hvers em hann er, að hámarka ímynd sína og söluvirði? Koma einhverjir hlaupandi í staðinn fyrir Sólbjörgu?