Allt vald spillir

og algert vald spillir algerlega.

Þeir sem hafa orðið þess aðnjótandi að sjá meistaralegan leik Meryl Streep í gervi Margrétar Thatcher hafa sjálfsagt tekið eftir atriðinu þegar sýnt er frá síðasta ríkisstjórnarfundi frú Thatcher. Þar er hún orðin svo blinduð af sjálfsáliti að henni finnst allir í kringum sig vera bjálfar sem ekkert geti til jafns við hana sjálfa.

Það mátti sjá glögg merki þess í þingsalnum að Steingrimur Jóhann er að verða heltekinn af þessari veiki. Hann bregst ókvæða við gagnrýni og þó hann segi það ekki berum orðum þá finnst honum þeir sem spyrja hann gagnrýnið út úr gerðum hans sem ráðherra, vera vitleysingar og bjálfar sem hann vill heldur að steinhaldi kjafti og séu ekki að pirra sig og trufla frá stórmerkum stjórnarstörfum sinum. Steingrimur er greinilega að blindast af valdinu og farinn að telja sjálfan sig í guðatölu sem dauðlegir hafi ekki vit né þroska til að ræða við, hvað þá að gagnrýna.

Alþýðuforinginn Steingrímur er að verða fórnardýr valdsins og spillingaráhrifa þess.Slíkt hefur hent meiri menn.

Athugasemdir

[Sigurður Þorsteinsson, 13.2.2012 kl. 21:53]

Heill og sæll Halldór.

Mikið rétt vald spillir. Til þess að minnka líkurnar á slíku, er virkt lýðræði t.d. innan flokka mjög mikilvægt. Forystumenn þurfa að vera leiðtogar, en einmitt þeir laða fram mismundi sjónarmið og ná síðan farsælli niðurstöðu í flóknum málum, oft miklu betri en en þeir sjálfir hefðu getað hugsað út.

Því miður er lýðræðislegri gagnrýnni hugsun alls ekki fagnað á öllum stöðum. Við getum séð að hjá Samfylkingunni er litið á fólk með aðrar skoðanir en forystan, sem óþæga ketti. Í  VG er ekki tekið  á móti öðrum  skoðunum eða þekkingu en þeirri sem formaðurinn hefur.

 Valdahroka fylgir oft vanþekking og heimska. Það lofar t.d. ekki góðu, þegar stjórnarsamstarf er kynnt á blaðamannafundum og síðar borið undir æðstu stofnanir flokksins. Það er heldur ekki tilhlíðilegt að við slík tækifæri fagni góðir menn eins og klappstýrur.  Þá er lýðræðið í hættu. 

[Vilhjálmur Stefánsson, 13.2.2012 kl. 22:33]

Halldór, Er ekki til lyf við þessari veiki??Er hún smitandi? Ég á nú við að Framsóknarmenn eru með frekar veikt mótstöðuafl..

[Helga Kristjánsdóttir, 13.2.2012 kl. 23:39]

Þetta er barátta um Ísland,eða lét Jóhanna ekki þau orð falla,eða hreytti út úr sér ?

[Ómar Bjarki Smárason, 14.2.2012 kl. 00:04]

Vald spillir sumum og svo eru aðrir sem kannski eru á góðri leið með að spilla valdinu.... það er vandlifað í pólitíkinni og hún er vandmeðfarin.....!

[Óskar Arnórsson, 14.2.2012 kl. 08:11]

Það væri litið á valdatafl sem óvitaskap ef nútíma valdamenn og stjórnendur landsins skyldu taka ákvarðanir samkv. lýðræðshugsuninni. Það er samt litið á allt sem er ekki samkv. þessari hugsun sem spillingu.

Þegar greinilegt valdatafl er komið í gang kemur spillinginn starx í kjölfarið. Er ekki betra bara að mata tölvu með Stjórnarskránni og lögunum, og láta tölvuna stjórna?

Því miður myndi ég frekar treysta tölvunni fyrir að gera þetta rétt enn þessum valdastríðandi toppmönnum þjóðfélagsins.

[Ómar Bjarki Smárason, 14.2.2012 kl. 23:52]

Það eru örlög sumra formanna stjórnmálaflokka að komast seint eða aldrei til valda. Og kannski erum við að sjá það gerast í fyrsta sinn hér á landi að kjörinn formaður stærsta stjórnmálaflokks landsins setjist aldrei á ráðherrastól "vegna valdsins sem spillir"....? Kannski gerir Baltasar mynd um þá atburðarás sem leiddi til þessa, þó ég efist kannski um að aðalleikarinn í þeirri mynd fái Oscarinn fyrir leik sinn, en hvur veit....!