Afreksmenn

eru þeir Jón Óttar og Guðmundur Haukur og hamhleypur til vinnu

Maður kynntist nú mörgum góðum afreksmönnum í næturvinnu í gamla daga í stétt steypukalla. En þar var nú kaupið ekki uppá marga fiska. Gott ef taxtinn náði einum fimmtánda eða tuttugasta parti af því sem þessir lögreglumenn ná í sinni næturvinnu?

                                                               

Ef þessar tímaskriftir eru skyndilega komnar óvænt á yfirborðið, hvernig væri að tímaseðlar allra skilanefndanna og slitastjóranna verði birtir opinberlega. Hvernig skrifar slitastjórn Glitnis til dæmis  tímana  í ferðunum  til New York og  hvaða verkefni eru í vinnslu frá einum tíma til annars?

 Er ekki rétt að Ríkisstjórn hinnar gagnsæju stjórnsýslu beiti sér fyrir jafn gagnsæju máli?  Varla eru þessir piltar Jón Óttar og Guðmundur Haukur einsdæmi í kerfinu þó þeir séu slíkir afreksmenn sem nú liggur fyrir? 

Athugasemdir

[Halldór Jónsson, 30.5.2012 kl. 19:42]

Makalaust að engum finnist þetta tíðindum sæta!

[Hörður Halldórsson, 30.5.2012 kl. 22:31]

Góður yfirvinnustubbur þarna.

[Halldór Jónsson, 30.5.2012 kl. 23:55]

Hvar skyldu þeir annars vera í pólitík löggustrákarnir langfingruðu? Jú, líklega rétt til getið...

Það þyrfti eiginlega að fá Íslenska Erfðagreiningu til að skrifa Ættbók og Sögu skilanefnda á Íslandi ekki síður en hrossanna hans Gunnars Bjarnasonar.

[Halldór Jónsson, 31.5.2012 kl. 00:06]

Já Hörður, enda eru þetta hálærðir menn báðir. Jón Óttar Ólafsson er afbrotafræðingur í dóktorsnámi. Hann tekur námið greinilega bókstaflega. Og ef hann skyldi vanta lögfræðing er hann skammt undan þar sem félaginn hans Guðmundur Haukur Gunnarsson er.

Rosagæjar báðir.

[Sigurður Alfreð Herlufsen, 1.6.2012 kl. 20:25]

Fólk er orðlaust yfir öllu þessu hrikalega framferði. Ég held að flestir vilji að hér væri gengið um á eðlilegum nótum, en það er einhver gullgrafarabragur á öllu sem viðkemur bönkum og skilanefndum og því stússi sem þar er iðkað. Áður voru það útrásarmenn sem voru hálfsturlaðir af því að stara á peningaupphæðir sem þeir töldu sig geta komist yfir. Nú hefur kúrsinn aðeins færst til og menn virðast komast upp með ólíklegustu aðfarir gegn almennri skynsemi, því það er komin þreyta í áhorfendur.

Ef þú getur ekki komið viti fyrir aðila málsins Halldór, þá er ég vondaufur um jákvæðar breytingar yfirhöfuð.

Svo mikið traust ber ég til þinnar almennu skynsemi og málafylgju.