Fýkur yfir hæðir

og frostkaldan mel. Svo stendur í góðu kvæði.

Nú er þingið farið heim og sumir segja að fólk sé fegið. Það er líka gott veður flesta daga og menn gleyma jafnvel Steingrimi J. og öllu því sem honum fylgir. En menn skyldu nú ekki gleyma þvíað líka segir einhversstaðar að nagi Níðhöggur nætur og daga, Málinu er ekki lokið þó svikalogn sé á dottið.

Þegar Jóhanna er dæmd fyrir jafnréttisbrot eftir eigin lögum þá nertir það engann ofan á allt sem áður var gengið. Það er bara sumar og sól sem skiptir máli. Forsetaframbjóðendur halda sjálfsagt að fólk hugsi ekki um annað en þá. Það er miskilnigur mikill og ofmat. Fólk er búið að taka ákvörðun fyrir löngu.Úrslit eru ráðin. Fólk horfir á staðreyndir og sér hvað við blasir.

Íslendingar eru samt staddir á reit 1. Járntjald hafta, ófrelsis og átthagafjötra umylkur þetta land. Atvinnuleysi, félagsleg óáran og kyrkingur er í þjóðlífinu. Allir hata bæði ríkisstjórn og Alþingi en geta ekkert gert i því. Því að stjórnarandstaðan vekur engar væntingar með fólkinu því að svo margir úr henni eru bara vafagemlingar sem losna ekki úr viðjum fortíðarinnar. Það er eins og fók vilji ekki gefa neinum annað tækifæri nema að hann heiti Ólafur Ragnar.

Fýkur yfir hæðir.

Athugasemdir

[Björn Emilsson, 21.6.2012 kl. 16:50]

Það er ljós í myrkrinu þar sem fer fyrir fylkingu Guðmundur Franklín Hægri Grænum. Hvet fólk til að kynna sér málefni flokksins.